Corona Australis (Stärebild)
D'Südlech Kroun (latäineisch Corona Australis) ass e Stärebild um südleche Stärenhimmel.
| Date vum Stärebild Corona Australis | |
|---|---|
| Lëtzebuergeschen Numm | Südlech Kroun |
| Laténgeschen Numm | Corona Australis |
| Laténgesche Geenitiv | Coronae Australis |
| Laténgesch Ofkierzung | CrA |
| Rektaszensioun | 17h 58m bis 19h 19m |
| Deklinatioun | -36°45´ bis -45°30´ |
| Fläch | 128 Quadratgrad |
| Siichtbar op de Breetegraden | 44° Nord bis 90° Süd |
| Observatiounszäitraum fir Mëtteleuropa |
Summer (nëmmen deelweis siichtbar) |
| Zuel vu Stäre mat Gréisst < 3m |
keng |
| Hellste Stär, Gréisst |
α Corona Australis (Alfecca Meridiana) 4,1m |
| Meteorstréim | - |
| Nopeschstärebiller (vun Norden am Auerzäresënn) |
Sagittarius Scorpius Ara Telescopium |
 | |
Beschreiwung
ännerenD'südlech Kroun ass en onopfällegt Stärebild südlech vum markante Summerstärebild Sagittarius (Schëtz). D'Stärebild besteet aus engem Bou vu Stären, vun deenen déi hellst nëmmen déi 4. Gréissteklass erreechen.
Vu Mëtteleuropa aus sinn nëmmen déi nërdlechst Stären déif um Himmel ze gesinn.
Geschicht
ännerenD'südlech Kroun gehéiert zu den 48 Stärebiller aus der anticker Astronomie, déi schonn dem Ptolemäus bekannt waren. Si mécht dat himmlescht Géigestéck vun der Corona Borealis (Nërdlech Kroun).
Am Joer 1932 gouf den Numm vun der IAU offiziell an "Corona Austrina" (mat dem Geenitiv "Coronae Austrinae") geännert. Déi fréier Bezeechnung "Corona Australis" ass awer weider verbreet.
Himmelsobjeten
ännerenStären
änneren| B | F | Numm o. aner Bezeechnungen | Gréisst | Lj | Spektralklass |
|---|---|---|---|---|---|
| β | 4,10m | 400 | G7 II | ||
| α | Alfecca Meridiana, Alphekka Meridiana | 4,1m | 100 | A2 V | |
| γ | 4,23m | 120 | F8 + F8 | ||
| δ | 4,57m | 200 | K1 III | ||
| θ | 4,63m | 90 | F1 | ||
| ζ | 4,74m | 200 | A0 | ||
| ε | 4,7 bis 5,0m | 90 | F1 V | ||
| λ | 5,11m | ||||
| μ | 5,20m | ||||
| η1 | 5,46m | ||||
| η2 | 5,60m | ||||
| κ2 | 5,67m | 500 | B9 + A0 |
Den hellste Sär ass de β Coronae Australis. Hie läit op enger Distanz vu ronn 400 Liichtjoe vun eiser Äerd ewech. Et ass e giele Stär mat der Spektralklass G7.
Den α Coronae Australis läit op enger Distanz vun 100 Liichtjoer.
| Objet | Gréissten | Ofstand |
|---|---|---|
| γ | 4,8m/5,1m | 1,3" |
| κ | 5,7m/6,3m | 21,4" |
De γ Coronae Australis ass en Duebelstäresystem op enger Distanz vun 120 Liichtjoer, dat aus zwéi wäiss-giele Stäre vun der Spektralklass F8 besteet. Vun der Äerd aus gesinn ass den Ofstand tëscht de Stären 1,3 Bousekonnen.
500 Liichtjoer ewech ass d'System κ Coronae Australis. Et besteet aus zwéi wäiss-bloe Stäre vun de Spektralklasse B9 an A0. Säi wäite Wénkelofstand ass 21,4 Bousekonne grouss.
| Objet | Gréisst | Period | Typ |
|---|---|---|---|
| ε CrA | 4,7m–5,0m | 1,4403 Deeg | Beta-Lyrae-Stär |
| R | 11,5m | Verännerleche Stär |
Den &epsilon Coronae Australis ass e Verännerleche Stär vum Typ Beta-Lyrae. Mat enger reegelméisseger Period vun 1,4403 Deeg verännert sech seng Hellegkeet vu 4,7 bis 5,0m. Hien ass 90 Liichtjoer vun eis ewech a gehéiert zu der Spektralklass F1.
| NGC | aner | Gréisst | Typ | Numm |
|---|---|---|---|---|
| 6541 | 6,1m | Kugelstärekoup |
De Kugelstärekoup NGC 6541 ass ronn 22.000 Liichtjoer vun eis ewech. De Kugelstärekoup gouf an de Joren 1834 an 1838 vum John Herschel entdeckt.
Kuckt och
änneren
Um Spaweck
änneren| Commons: Corona Australis – Biller, Videoen oder Audiodateien |
