Guy Rewenig

De Guy Rewenig, gebuer den 31. August 1947 zu Lëtzebuerg, war bis 1984 Schoulmeeschter an ass zanterhier fräie Schrëftsteller. 2005 krut en de Batty-Weber-Präis fir säi Gesamtwierk.

Guy Rewenig
Pseudonym	Juanita Banana, Tania Naskandy, United Guys, gr, Norbert Krantz, Leo Roth
Gebuer	31. August 1947 Lëtzebuerg
Nationalitéit	Lëtzebuerg
Educatioun	Athénée de Luxembourg
Aktivitéit	Schrëftsteller, Iwwersetzer
Member vun	A:LL Schrëftsteller*innen
Famill
Papp	Marcel Rewenig

Säi Liewen

De Guy Rewenig ass an der Stad, zu Gaasperech an zu Zéisseng, opgewuess, an huet am Kolléisch d'Première gemaach. Hien huet zu Walfer fir Schoulmeeschter geléiert an huet dëse Beruff fir d'éischt zu Beetebuerg, duerno, vun 1971 un, zu Esch-Uelzecht gemaach. 1984 ass en op Nouspelt geplënnert, wou en zanterhier als fräie Schrëftsteller lieft.

1974 war hien e Grënnungsmember vun der ASTI. 2000 huet en zesumme mam Roger Manderscheid de Verlag Éditions Ultimomondo gegrënnt.

Säi Wierk

Vun 1963 un huet de Guy Rewenig éischt Filmkritiken am Luxemburger Wort publizéiert. 1970 ass säin éischt Theaterstéck Interview, erauskomm, am selwechte Joer e Band mat Erzielungen, Als der Feigenbaum verdorrte. Zanter 1973 schreift hien och Kannerliteratur; säi Buch Muschkilusch, dat 1980 erauskoum, ass aachtmol nei opgeluecht ginn.

1985 huet de Rewenig säin éischte Roman op Lëtzebuergesch, Hannert dem Atlantik, publizéiert. Hie schreift bis haut op Däitsch, Lëtzebuergesch a Franséisch. Hien huet als fräie Mataarbechter Artikelen an Zeitungen an Zäitschrëfte verëffentlecht, ë. a. am Tageblatt, Lëtzebuerger Land, Alternativ, Perspektiv, Gréngespoun a Forum. Dacks waren dat zäitkritesch, satiresch Texter, an deenen de Rewenig sozial a politesch Mëssstänn thematiséiert huet an d'Liewen an d'Mentalitéiten zu Lëtzebuerg kommentéiert huet.

00	De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen.

Romaner

• Hannert dem Atlantik, 1985, Éditions Phi
• Gemëschte Chouer, 1987, Éditions Phi
• Mass mat dräi Hären, 1989, Éditions Phi
• Grouss Kavalkad, 1991, Éditions Phi
• Vakanz am Pazifik, 1998, Éditions Phi
• Frëndlech Banditten, 2001, Éditions Phi
• Zikatriss, 2001, Éditions Phi
• Lackéiert Elefanten, 2001, Éditions ultimomondo

• ënner dem Pseudonym Tania Naskandy:
  • Sibiresch Eisebunn, 2009, Editions Ultimomondo
  • Feierläscher, 2010, Editions Ultimomondo
  • Am Bësch, 2010, Editions Ultimomondo
• Schnatt, 2022, Editions Guy Binsfeld
• Goss, 2024, Editions Guy Binsfeld

Erzielungen

• Wëll Fra, 1993, Éditions Phi
• Do wéinstens däi Sonnebrëll aus, wann s de mam Kapp duerch d'Mauer renns (Geschichten an Erzielungen), 2017, Editions Guy Binsfeld
• La Coupe est pleine, 2023, Editions Guy Binsfeld
• Bärenklau, 2024, Editions Guy Binsfeld

Gedichter

• Kampfmaschine, 1973, Eegeverlag
• Zabbazzillo, 1997, Éditions PHI -Philou

pockolibri

• Solange die Fabrikschlote rauchen, wird gefeuert. Frühe Texte, pockolibri 1, édition pockolibri, 2005, ISBN 978-2-919933-41-9
• Cross Country. Eine Heimatkunde, pockolibri 2, édition pockolibri, 2006, ISBN 2-9599720-0-3
• Le chef d'orchestre à la baguette de bambou. Une lettre, pockolibri 3, éditions ultimomondo, 2007, ISBN 978-2-919933-40-2
• Cross Country. Eine Heimatkunde, pockolibri 4, éditions ultimomondo, 2008, ISBN 978-2-919933-41-9
• Milde Memoiren (mat Zeechnunge vum Roger Manderscheid), éditions ultimomondo, 2008, ISBN 978-2-919933-42-6

Cabaret

• Honn déi bäisse billen net, 1981, Escher Theater
• Schwaarz Lëschten, 1981, Escher Heft, edition kontext

Theaterstécker déi gespillt goufen

• Interview, Stadtheater Lëtzebuerg, Regie: Tun Deutsch

Theaterstécker déi net gespillt goufen

• Staatsbürgerschlachtfest, 1972

Texter fir Kanner

• Muschkilusch
• Zebra Tscherri,
• Komba la Bomba, 1999

Gielercher (Auswiel)

• 1984, 1988 an 1991: 1. Präis am Concours littéraire national
• 2000: Nic.-Thoma-Preis vun der Fédération générale des instituteurs luxembourgeois
• 2004: Kanner- a Jugendliteraturpräis "De Fiischen" vun der Action familiale populaire
• 2005: Batty-Weber-Präis
• 2006: Servais-Präis fir Passt die Maus ins Schneckenhaus? - Hundert messerscharfe Fragen (und ebenso viele glasklare Antworten).
• 2007: 1. Präis am Concours littéraire national 2007 fir Le chef d'orchestre à la baguette de bambou.
• 2010: Servais-Präis fir Sibiresch Eisebunn, publizéiert ënner dem Pseudonym Tania Naskandy

Literatur iwwer de Guy Rewenig

• Schmit, Sandra, 2007. Rewenig, Guy. S. 501-503 in: Goetzinger, Germaine & Claude D. Conter, zesumme mat Gast Mannes, Pierre Marson, Roger Muller, Nicole Sahl, Sandra Schmit a Frank Wilhelm, 2007. Luxemburger Autorenlexikon. 687 S. Publications nationales du Ministère de la culture. Centre national de littérature, Mersch. ISBN 978-2-919903-06-1.. Online-Versioun. Stand: 22. November 2011. https://web.archive.org/web/20120104004719/http://www.autorenlexikon.lu/page/author/764/4764/DEU/index.html [opgeruff de 24. Dezember 2011].
• Bicherbuch - Livre des livres - Bücherbuch - Book of books, Éditions Ultimomondo, 2010, ISBN 978-2-919933-65-5, Ss. 96-130

Literatur iwwer d'Tania Naskandy

• Bicherbuch - Livre des livres - Bücherbuch - Book of books, Éditions Ultimomondo, 2010, ISBN 978-2-919933-65-5, Ss. 91-95

Um Spaweck

Commons: Guy Rewenig – Biller, Videoen oder Audiodateien

• "Ënnert de Rieder", e Gedicht vum Guy Rewenig
• Seng Bibliographie op www.cnl.lu
• De Guy Rewenig op der Websäit vun ultimomondo
• Seng Usprooch un d'Ministesch Octavie Modert bei der Remise vum Servais-Präis 2010 Petit questionnaire à l'attention d'un capitaine débordé qui abandonne son vaisseau