Eecher Bierg
Eecher Bierg, offiziell Côte d'Eich, ass den Numm vun enger Strooss an der Stad Lëtzebuerg.
 | |
| Lëtzeb. Numm |
Eecher Bierg, Kasinosgaass |
|---|---|
| Ënnerhal vu(n) | Administration des ponts et chaussées, Service Voirie vun der Stad Lëtzebuerg |
| Situatioun | |
| Land | Lëtzebuerg |
| Gemeng | Lëtzebuerg |
| Quartier(en) | Eech, Lampertsbierg, Uewerstad |
| Deel vun | Nationalstrooss 7, Nationalstrooss 53 |
| Koordinaten | 49°37'11,0"N, 6°7'49,2"O |
| Morphologie | |
| Längt | 1.710 m |
| Geschicht | |
| Genannt | 16. Mee 1925 |
| Genannt no | Eech |
Beschreiwung
ännerenDen Eecher Bierg gehéiert zum gréissten Deel bis zur Kräizung mat dem Boulevard Royal zu der N7. Dat 90 m laangt Stéck vum Boulevard Royal bis bei d'Rue Willy Goergen gehéiert zur N53. Just dat Stéck tëscht der Kräizung mat der Rue Willy Goergen an dem Boulevard Jean Ulveling bis op d'Kräizung mat der Groussgaass, um Roude Pëtz, eng ronn 220 m, gehéieren net méi zur Nationalstrooss.
Ënner der däitscher Besatzung (1940 - 1944) huet d'Strooss „Eicher Berg” geheescht[1].
Verlaf
ännerenVun Eech aus huet den Eecher Bierg säin Ufank op der Kräizung mat der N55 op der Eecher Plaz (offiziell Place François-Joseph Dargent) op enger Héicht vun 245 m a féiert da mat enger gläichméisseger Pente vu 4,3 % op de Plateau vun der Alstad. Well den Hank an deen d'Strooss gebaut gouf zimmlech géi ass, stinn net vill Haiser laanscht d'Säiten. De Bierg erop, op der rietser Säit si meeschtens Fielswänn aus Sandsteen, an op der lénkser Säit geet et géi erof an den Uelzechtdall.
Net wäit ewech vun der Plaz, wou d'Glacis-Strooss an den Eecher Bierg kënnt, ass an enger Fiels-Hiel d'Krispines-Figur, och Péiter Onrou genannt, déi bis virun net ze laanger Zäit eng speziell Zort "Pilgerplaz" fir Frae war, déi sëtzegelooss gi waren.
Méi Informatioun doriwwer am Artikel: Péiter Onrou.
Um hallwe Wee féiert d'Strooss ënner der Rouder Bréck erduerch, an dono, ënner der Passerell vum Lift Pafendall-Uewerstad.
Op der Héicht vum Boulevard Royal gouf 1988 e Sprangbuer ugeluecht.
Uschlëss un aner Stroossen:
vun ënnen no uewen
- Op der Eecher Plaz d'Millebaacher Strooss (N55) an d'Eecher Strooss (N11).
- Rue Laurent Menager (CR218), lénks.
- Rue des Glacis, en Deel vun der N52, riets.
- Boulevard Paul Eyschen, riets.
- Boulevard Royal, riets.
- N57 déi aus dem Helleg-Geescht Tunnel kënnt, lénks.
- D'Rue Willy Goergen, riets a Boulevard Jean Ulveling, lénks.
- D'Beaumontsgaass mat der Theaterplaz, riets.
- D'Nordstrooss, lénks.
- Um Roude Pëtz, d'Groussgaass an de Gruef
Alen Eecher Bierg
ännerenTëscht dem ieweschten Deel vun der Rue des Glacis an dem ënneschten ass e klenge Verbindungswee deen Alen Eecher Bierg heescht.
Casinosgaass
ännerenWell fréier do den Offizéierscasino vun der preisescher Garnisoun stoung, gëtt den ieweschten Deel vum Eecher Bierg, tëscht der Schigrisgaass (rue du Nord) an der Groussgaass, och nach Casinosgaass[2] genannt.
Biller
änneren-
Dëse Chronogramm am Eecher Bierg, ënner dem Péiter Onrou, feiert d'Joer 1876, wou nom Schleefe vun der Festung eng direkt Verbindung vun Eech mat der Uewerstadt hiergestallt gouf. -
D'Uewerstad mat ë. a. dem Eecher Bierg, vum Fort Niedergrünewald aus gesinn. -
Bushalt mam Numm „Kasinosgaass“
Um Spaweck
änneren| Commons: Eecher Bierg – Biller, Videoen oder Audiodateien |
Referenzen an Notten
änneren- ↑ Guy May, 2002. Die Straßennamen der Stadt Luxemburg unter deutscher Besatzung (1940-1944). Ons stad 71: 30-32.
- ↑ och mat der Schreifweis „Kasinosgaass“ gebraucht