Eisebunnsstreck Näerzeng-Rëmeleng

Streck vun der Lëtzebuerger Eisebunn

D'Eisebunnsstreck Näerzeng-Rëmeleng ass eng Eisebunnsstreck zu Lëtzebuerg. Se féiert vun Näerzeng op Rëmeleng.

Eisebunnsstreck Näerzeng-Rëmeleng
En historeschen CFL Westwaggon an der Gare Näerzeng
Streckekaart vun der Linn 6c
Linnennummer 6c
Besëtzer Lëtzebuerg
Bedreiwer CFL
vu(n) Gare Näerzeng
op Gare Rëmeleng
iwwer Brucherbierg, Gare Keel, Gare Téiteng
opgaangen 1860
Technesch Donnéeën
Längt 5,9 km
Gréisst Steigung 8 ‰
Klengste Radius 325 m, 271,4 m
Spuerbreet Normalspuer
Vitesslimitatioun 75 km/h
Zuchsécherungssystem European Train Control System
Streck
Garen - Uschlëss - Brécken
Tunnellen - Barriären
P.K.
Uschloss: Beetebuerg
Gare Näerzeng 0,00
Ofzweigung Esch 0,12
Autobunn A13 0,83
Ofzweigung Brucherbierg 1,20
Puelbech 1,98
Barriär PN 105 Keel CR166 Schëfflenger Srooss 2,14
Nationalstrooss N 31 (Keel - Esch) 2,84
Gare Keel 3,00
Bermicht 3,09
Gare Téiteng 3,91
Téiteng (Rue des Légionnaires - Rue de l'Eau) 4,24
Ofzweigung Intermoselle
Barriär PN 106 CR166 4,96
Gare Rëmeleng 5,92

D'Trass fir d'Eisebunnsstreck Näerzeng-Rëmeleng gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

Linn änneren

D'Eisebunnsstreck Näerzeng-Rëmeleng ass eng Antenn vun der Eisebunnsstreck Beetebuerg-Esch a gëtt als Linn 6c bezeechent; am kommerzielle Passagéierverkéier ass se an der Linn 60[1] integréiert. Si ass 5,9 km laang an op der ganzer Streck eegleiseg. D'Vitess op der Streck ass op 75 km/h limitéiert.

Geschicht vun der Streck änneren

Duerch en Arrêté royal grand-ducal vum 20. Juni 1859[2] krut de Wëllem Lëtzebuerg d'Konzessioun fir vu Beetebuerg aus en Uschloss an d'Minettsgéigend ze bauen, an zwar iwwer Näerzeng op Esch, mat engem Gleis vun Näerzeng aus op d'franséisch Grenz zu Rëmeleng[2]. D'Streck gouf 1860 a Betrib geholl. Se gouf tëscht 1960 an 1961 elektrifizéiert.

Dat Stéck vun der Rëmelenger Gare bis op Grenzgare gouf 1996 definitiv zougemaach, den Uschloss a Frankräich ass scho méi laang net méi befuer ginn. Domat ass aus der haiteger Gare eng Kappgare ginn, an d'Barriär an der Entrée vu Rëmeleng konnt och suppriméiert ginn. Op där Plaz ass haut e Kreesverkéier.

Als Iwwerreschter kann een nach déi al Gare op der Grenz zu Rëmeleng gesinn, an eng Partie vun der ofgerappter Streck op Ëtteng.

Vu Rëmeleng aus ass och eng Streck Richtung Téiteng gaangen, laanscht de Perchesbierg bis op den Hesselbierg. Haut ass op enger Partie vun där Streck en Trëppelpad, an et kann een nach Iwwerreschter vun de Verluedequaie gesinn.

Bedeitung fir de Giddertransport änneren

Vun Téiteng aus geet och nach e Gleis a Richtung Laangegronn fir d'Firma Intermoselle ze bedéngen. Deen Deel gouf 1980 elektrifizéiert.

Op där Streck ass och den Tunnel Huttbierg vun 80 Meter Längt, deen 1884 fäerdeg gouf.

Zukunft vun der Streck änneren

Am Mee/Juni 2010 gouf bekannt, datt iwwerluecht gëtt, fir kee Persounentransport méi op der Streck unzebidden[3]. Virun allem d'Feele vun Direktverbindungen an d'Stad an d'Konkurrenz vum Bus hunn d'Streck vill vun hirer Attraktivitéit kascht.

Etüde vum Ministère des Transports hu festgestallt, datt duerchschnëttlech nëmme 75 Leit den Dag de Service benotzen, wat 6 Leit pro Zuch sinn. D'Spuerpotential gëtt dobäi op 1,3 Milliounen Euro d'Joer geschat.

D'Gemenge laanscht Streck fäerte se géifen un Attraktivitéit ze verléieren. Pläng fir e Park and Ride zu Téiteng wieren domat geneesou a Gefor, wéi d'Abanne vun der Linn an de sougenannte Südtram[4].

Biller änneren

Kuckt och änneren

Um Spaweck änneren

Commons: Eisebunnsstreck Näerzeng-Rëmeleng – Biller, Videoen oder Audiodateien


Referenzen an Notten änneren

  1. Réseau op cfl.lu, gekuckt den 8. Mäerz 2020
  2. 2,0 2,1 Arrêté royal grand-ducal du 20 juin 1859 - Concession à la Société Guillaume-Luxembourg, d'un embranchement de chemin de fer de Bettembourg vers deux points des minières du canton d'Esch.
  3. Artikel aus dem Lëtzebuerger Wort vum 8. Juni 2010 Gearchiveerd op 2010-06-11. Gekuckt de(n) 2010-06-08.
  4. De Projet Südtram op rail.lu