Tunnel Huttbierg
Den Tunnel Huttbierg (och nach Tunnel Laangegronn) war en eegleisegen Eisebunnstunnel zu Rëmeleng, op der Streck Téiteng-Laangegronn, tëscht der Barriär an der Kierfechtsstrooss an der Bréck am Paartegronn, vum Kilometer 1,876 bis 1,978.
.jpg) Ostportal vum Tunnel Huttbierg, kuerz ier en ofgerappt gouf (2022) | |
| Typ | Eisebunnstunnel |
|---|---|
| Eisebunnstreck | Téiteng-Laangegronn |
| Technesch Donnéeën | |
| Längt | 102 m |
| Réier | 1 |
| Kapp 1 Koordinaten |
49° 27’ 44.75’’ N 06° 01’ 41.09’’ O |
| Kapp 2 Koordinaten |
49° 27’ 45’’ N 06° 01’ 36.48’’ O |
| Bau | |
| Opgemaach fir de Verkéier | 1884 |
| Geographie | |
| Land |
 Lëtzebuerg |
| Uertschaften | Rëmeleng |
Geschicht änneren
Den Tunnel ass den 29. September 1884 opgaangen an d'Streck – déi deemools vun der Guillaume-Luxembourg exploitéiert gouf – gouf am Ufank gebraucht, fir Minett op verschidde Quaie sichen ze goen.
Nom Néiergank vun der Minettsfërderung war et 1964 eriwwer mam Transport vum Äerz. Eréischt 1977, mam Bau vun der deemoleger Intermoselle, krut d'Streck dunn en neien Zweck. Bis haut gëtt se gebraucht fir de Klinker aus dem Laangengronn an d'Zementsfabréck um Monkeler ze féieren. An der Moyenne fueren dräi Zich den Dag mat jee 800 t Klinker vu Rëmeleng op Schëffleng.
1980 gouf d'Streck elektrifizéiert. Am Ufank konnten déi deemoleg elektresch Lokomotiven nach duerch den Tunnel fueren, mä wéi déi al Maschinnen ersat goufen, hunn déi nei net méi duerch den enken Tunnel gepasst an et gouf op Dieselmaschinnen zeréckgegraff. Well ëmmer méi elektrifizéiert gëtt, war virgesinn, datt och d'Linn duerch de Laangegronn elektresch bedriwwe sollt ginn. Fir et den neie Lokomotiven z'erlaben iwwer déi Streck ze fueren, gouf den Tunnel ofgerappt.
Och wann de Gemengerot vu Rëmeleng absënns aus Naturschutzgrënn géint d'Ofrappe vum Tunnel war, ass am Hierscht 2021 domat ugefaange ginn d'Beem uewenzeg vum Tunnel ze haen an den Hank mat enger Stäipmauer ze stabiliséieren. Well mam Ofholzen en Deel vun engem Naturschutzgebitt zerstéiert gëtt, muss d'CFL als Kompensatioun eng Zomm vu 95.000 Euro an den Ëmweltfong bezuelen.
Mëtt Februar 2022 gouf domat ugefaangen den Tunnel ofzerappen, d'Streck nei ze bauen a gläichzäiteg d'Bréck am Paartegronn z'ersetzen. Et ass virgesinn, datt d'Aarbechten am Abrëll 2022 fäerdeg sinn.
Biller änneren
-
Vum Ostportal aus an den Tunnel gekuckt -
Virum Tunnel sinn d'Schinne schonn demontéiert -
E Bagger hëlt d'Schinnen aus dem Gleisbett
.jpg)
.jpg)
.jpg)
Literatur änneren
- Frank Weyrich, Ein Tunnel verschwindet, Luxemburger Wort vum 12.02.2022, S. 35
Um Spaweck änneren
| Commons: Tunnel Huttbierg – Biller, Videoen oder Audiodateien |
- Lucien Wolff, Streit um Grubentunnel, wort.lu, 16.08.2021
- Frank Weyrich, Warum der Tunnel Hutbierg verschwinden wird, wort.lu, 12.02.2022