Haaptmenü opmaachen

Andy Schleck

lëtzebuergesche Vëlossportler

Den Andy Schleck, gebuer den 10. Juni 1985 an der Stad Lëtzebuerg, ass e fréieren (bis Enn 2014) lëtzebuergesche Vëlossportler.

Andy Schleck
Andy Schleck 2013.JPG
Gebuertsnumm Andy Raymond Schleck
Gebuer 10. Juni 1985
Lëtzebuerg
Nationalitéit Lëtzebuerg
Aktivitéit Vëlossportler
Gréisst 186 Zentimeter
Gewiicht 68 kg
Veräin/Equipe Saxo Bank-Sungard,
Trek-Segafredo
Famill
Papp Johny Schleck
Geschwëster Fränk Schleck
Wikidata-logo-without-paddings.svg

Hien ass en Enkel vum Auguste Schleck an de jéngste vum Johny Schleck sengen 3 Jongen. Hien ass fir d'Vëlosequippen CSC-Saxo Bank a RadioShack-Nissan-Trek gefuer.

CarrièreÄnneren

Am Joer 2005 huet den Andy Schleck, am Alter vun 19 Joer e Profivertrag beim däneschen Team CSC-Saxo Bank ënner der Leedung vum Bjarne Riis ënnerschriwwen. Dëse Vertrag leeft bis Enn vun der Saison 2010.

Beim Giro d'Italia 2007 huet en déi éischt Kéier op sech opmierksam gemaach, wéi hien 2. am Generalklassement gouf. Den Andy Schleck huet dunn den Trikot vum beschte jonke Proficoureur gewonnen, dësen huet hien och dat Joer drop gewonnen, wéi hien déi éischt Kéier um Tour de France deelgeholl huet an do 12. am Generalklassement gouf.

Bei der Flèche wallonne 2009 ass den Andy Schleck Zweete ginn. Am selwechte Joer huet e Liège-Bastogne-Liège als 1. ofgeschloss, 1:17 Minutte virum Zweeten. D'selwecht Joer gouf hien, hanner dem Alberto Contador, Zweeten am Tour de France. Hien huet dunn och fir d'zweet de wäissen Trikot vum beschte jonke Fuerer gewonnen. Den Andy Schleck war am Joer 2009 och Lëtzebuerger Champion.

2010 gouf den Andy Schleck 2. am Tour de France. Dem Vainqueur Alberto Contador gouf am Februar 2012 duerch en Uerteel vum Tribunal Arbitral du Sport den Titel oferkannt, soudatt den Andy Schleck nodréiglech zum Gewënner vum Tour 'nogerëtscht' ass.

Vun der Saison 2011 un ass den Andy Schleck, wéi och säi Brudder Fränk, an dem neigegrënnten Team Leopard Trek (Enn 2011 ëmbenannt a RadioShack-Nissan-Trek) gefuer.

Den 9. Oktober 2014 huet hien op enger Pressekonferenz ugekënnegt, Enn 2014 als professionelle Coureur opzehalen: Hie war an der 3. Etapp vum Tour de France 2014 sou onglécklech gefall, datt eng Blessur um Knéi net méi richteg heele konnt, an et him onméiglech gemaach huet, 100% weiderzefueren.[1][2]

Zesumme mat senger Fra a sengem Schwéierpapp huet hien uganks 2016 zu Izeg e Vëlofachgeschäft opgemaach, an deem och Erënnerungsstécker u seng Carrière ausgestallt sinn.[3]

 
Den A. Schleck am Maillot jaune.

PalmarèsÄnneren

  00De Contenu vun dësem Kapitel oder dësem Artikel ass net méi aktuell. Hëlleft w.e.g. mat, en nees op de leschte Stand ze bréngen.

2002Änneren

2003Änneren

2004Änneren

2005Änneren

 
Den Andy Schleck beim Eenzelzäitfueren an der Deutschland-Tour 2006

2006 (Team C.S.C.)Änneren

2007 (Team C.S.C.)Änneren

2008 (Team C.S.C.)Änneren

2009Änneren

 
Den Andy Schleck bei senger Attack op de Philippe Gilbert an der Côte de la Roche-aux-faucons um L-B-L 2009
 
Am Ventoux

2010Änneren

2011Änneren

2012Änneren

2013Änneren

2014Änneren

Kuckt ochÄnneren

Um SpaweckÄnneren

ReferenzenÄnneren

  1. "Andy Schleck: 'Ech muss d'Spekulatioune confirméieren'." rtl.lu, Leschten Update: 09.10.2014, 13:17:49.
  2. "Ehemaliger Tour-de-France-Sieger: Andy Schleck beendet Karriere." spiegel.de, 09.10.2014 – 11:28 Uhr.
  3. Bernard Thomas: "Working Class Hero." in: d'Lëtzebuerger Land 5. Februar 2016, Nr.6, S.10.