Gronn-Schleis

D'Gronn-Schleis am Gronn vun der Stad Lëtzebuerg war en Deel vun der Festung Lëtzebuerg. Si gouf 1731 vun den Éisträicher iwwer d'Uelzecht ewech gebaut an 1867 beim Schleefe vun der Festung zu engem groussen Deel zerstéiert.

Gronn-Schleis

Reschter vun der Gronn Schleis (lénksen Uwänner)
Land	Lëtzebuerg
Gemeng	Lëtzebuerg
Koordinaten	49°36'27,5472"N, 6°8'12,6863"O
Datum vum Bau	1731

D'Schleis, éischter am Fong e Wier, war geduecht, am Fall vun engem Ugrëff den Dall, engersäits vun der Uelzecht bis op Hamm, an anerersäits vun der Péitruss bis bei d'Bourbon-Schleis z'iwwerschwemmen, an et sou dem Géigner onméiglech ze maachen, sech do nidderzeloossen oder vun do aus unzegräifen.

Maquette vun der Schleis

Se bestoung aus enger décker Mauer vu Fielswand zu Fielswand déi den Dall komplett ofgeschloss huet. Eenzeg eng Paart an der Tilleschgaass, eng Ëffnung (an 3 Segmenter) fir den Duerchfloss vum Waasser, an eng weiderer an engem Säitenaarm vun der Uelzecht, hunn den Duerchgang fir Mënsch a Floss erméiglecht. Am Fall vun engem Ugrëff wieren d'Paart an d'Duerchflosslächer zougemaach ginn, sou datt d'Waasser sech no an no bis op eng Héicht vu gutt 2-3 Meter gestaut hätt. Iwwer dem Flossduerchlaf war en Iwwerlaf agebaut, duerch deen d'Waasser dann hätt kënne virulafen.

D'Schleis ass awer ni zum Asaz komm.

Den 28. Juli 1989 gouf s'als nationaalt Monument klasséiert.

Biller

• 
  Vue vun der Rumm op d'Reschter vun der Gronn-Schleis.
• 
  Iwwerreschter vun der bannenzeger Architektur.
• 
  De Gronnbierg, 1893. Charles Bernhoeft

Um Spaweck

Commons: Gronn-Schleis – Biller, Videoen oder Audiodateien

• D'Gronn-Schleis op der Websäit vum Institut national pour le patrimoine architectural (fr)

Wierker vun der Festung Lëtzebuerg wéi se 1867 bestoungen

Gréngewalder Front Bannenzeg Wierker: Fort Berlaimont • Batterie Chanclos • Bastioun 3 Dauwen • Gouvernements-Bastioun • Bastioun vum Schlass • Batterie Altmünster Baussenzeg Wierker: Fort Niedergrünewald • Fort Obergrünewald • Batterie Weimeschhaff • Malakoff-Tuerm • Hielepaart Detachéiert Wierker: Fort Olizy • Fort Thüngen • Fort Parkhöhe Tréierer Front Bannenzeg Wierker: Bock-Befestegungen • Batterie Altmünster • Helleg-Geescht Zitadell Baussenzeg Wierker: Rumm-Befestegungen • Redoute Beaumont Detachéiert Wierker: Fort Parkhöhe • Fort Dumoulin • Fort Rubamprez • Fort Rumigny Diddenuewener Front Bannenzeg Wierker: Helleg-Geescht Zitadell • Bastioun Louis • Bastioun Beck • Bastioun Jost Baussenzeg Wierker: Fort Verluerekascht • Eisebunnsbatterie • Fort Wallis • Fort Bourbon • Diddenuewener Avancée • Fort Elisabeth • Fort Peter Detachéiert Wierker: Fort Neipperg • Fort Wedell • Fort Rheinsheim Neipaartsfront Bannenzeg Wierker:Bastioun Jost • Bastioun Camus • Bastioun Marie • Neipaart-Befestegungen • Bastioun Berlaimont Baussenzeg Wierker: Fort Peter • Batterie Lambert • Fort Lambert • Fort Louvigny • Fort Vauban • Fort Marie • Fort Royal • Lunetten I - VI Detachéiert Wierker: Fort Rheinsheim • Fort Daun • Fort Charles • Redoute Marlborough Paarten, Schleisen a Brécken Biisserpaart • Dënselspaart/Tréierer Paart • Diddenuewener Paart • Dräi Tierm • Eecher Paart • Juddepaart • Mansfeldspaart • Nei Paart • Hondshaus • Richenerpaart • Seilerpaart • Siichepaart • Spuenesch Paart • Stierchen • Weimeschhaffer Paart Gronn-Schleis • Bourbon-Schleis • Béinchen