Gemeng Stadbriedemes
D'Gemeng Stadbriedemes ass eng vun den 102 lëtzebuergesche Gemengen. Se läit am Kanton Réimech. De Chef-lieu vun der Gemeng ass d'Uertschaft Stadbriedemes vun där se och hiren Numm huet.
| Stadbriedemes | |
|---|---|
 | |
 D'Gemengenhaus | |
| Aussprooch | |
| An anere Sproochen |
fr: Stadtbredimus de: Stadtbredimus |
| Land | Lëtzebuerg |
| Kanton | Réimech |
| Buergermeeschter | Marco Albert (DP) |
| Awunner | 1.968 |
| 1 Januar 2021; 1 Januar 2023 | |
| Fläch | 1.017 ha |
| Héicht | 147 m |
| Koordinaten |
49° 33’ 49’’ N 6° 21’ 52’’ O |
| LAU-Code | LU1207 |
| Websäit | https://www.stadtbredimus.lu/ |
 D'Gemeng Stadbriedemes (orange) am Kanton Réimech (rout) | |
Uertschaften an der GemengÄnneren
Zu der Gemeng Stadbriedemes gehéiert och nach de Bicherhaff.
GeographieÄnneren
Stadbriedemes läit un der Musel, vis-à-vis vum däitsche Palzem.
GeschichtÄnneren
Wéi d'Musel kanaliséiert gouf, hunn Aarbechter, do wou haut d'Staustuf steet, Iwwerreschter vun enger réimescher Bréck fonnt. Analysen hunn erginn, datt déi Bréck méi al wéi Tréier ass.
Méi Informatioun doriwwer am Artikel: Monument Réimerbréck zu Stadbriedemes.
Sou goungen d'Réimer bei Stadbriedemes iwwer eng Fuert aus Gestengs, op déi aner Säit vun der Musel, wann de Floss niddreg war. Bei héijem Waasser hu si Pontone benotzt. Fir déi viru Feinden ze beschützen hate si, op der Plaz vum spéidere Schlass, e befestegten Tuerm opgeriicht.
1857 gouf op der "Rauknupp" e réimesche Kierfecht mat Kréi, Mënzen, Schosselen a soss Geschier fonnt.
Am 8. Joerhonnert huet de Pippin de Jonken den Haff Réimech, zu deem och Stadbriedemes gehéiert huet, der Abtei Sankt Maximäin vun Tréier geschenkt. Méi spéit goung den Haff un d'Abtei vu Prüm.
1602 gëtt fir d'éischt an Dokumenter den Numm "Stadtbredimus" ernimmt, virdru war et ëmmer "Bredeniss" oder "Bredimus". De Johann von Wiltz war den Här vu Stadbriedemes. No sengem Doud gouf säi Grondbesëtz an zwee gläich Deeler opgedeelt. Ee vun hinnen huet de Freiherr von Braubach kaaft, vun deem aneren Deel gëtt et weider keng Informatioun.
1670 koum Stadbriedemes an de Besëtz vun der Famill Meternich-Burscheid.
Ursprong vum NummÄnneren
Den Numm Stadtbredimus kënnt vum Keltesche "Bre - den - Es", dat sou vill wéi "iwwer dem Waasser héije Buedem" heescht a "Stad" wat de selwechte Sënn wéi "Uwänner" (vun der Musel, an dësem Fall) huet.
Entwécklung vun der AwunnerzuelÄnneren
Quell:STATEC
PolitikÄnneren
BuergermeeschterenÄnneren
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.
|
- ....
- 1988 - 2011: Jeannot Bonifas
- 2011 - haut: Marco Albert
Interkommunal SyndikaterÄnneren
D'Gemeng Stadbriedemes ass Member vu follgenden interkommunale Syndikater:
KuckeswäertesÄnneren
- Schlass Stadbriedemes: do huet den Edmond de la Fontaine gewunnt. D'Wënzergenossenschaft Domaines de Vinsmoselle huet hire Sëtz am renovéierte Schlass.
- De Kulturpad genannt "Sentier culturel Stadtbredimus".
- Dem Dicks säi Graf bei der Kierch.
- Dem Batty Weber säi Wunnhaus, d'Haus Heemecht.
- Staustuf Stadbriedemes-Palzem, eng vun zwou Staustufen zu Lëtzebuerg.
- Monument Réimerbréck bei der Staustuf Stadbriedemes-Palzem.
- Monument fir de Paul Eyschen, de fréiere Wäibauminister, laanscht d'Musel zu Gréiwemaacher zou.
BillerÄnneren
Dem Batty Weber säin Haus Heemecht
Graf vum Dicks
Steierbréck vun der Staustuf Stadbriedemes-Palzem
Kierch Stadbriedemes
Altor an enger Kapell laanscht d'Muselstrooss
Panneau vum Kulturpad
Kuckt ochÄnneren
Um SpaweckÄnneren
| Commons: Stadbriedemes – Biller, Videoen oder Audiodateien |
