Hëttermillen

Hëttermillen ass eng Uertschaft an der Gemeng Stadbriedemes direkt ënner Greiweldeng, wou d'Aalbaach an d'Musel leeft.

Hëttermillen
Hëttermillen
Aussprooch
An anere Sproochen	de: Hüttermühle
Land	Lëtzebuerg
Kanton	Réimech
Gemeng	Stadbriedemes
Buergermeeschter	Robert Beissel
Awunner	93
	1. Januar 2023
Koordinaten	49° 35’ 13’’ N       06° 22’ 22’’ O

Geschicht

D'Hëttermille war eng Fruuchtmille mat engem Laf a gouf duerch d'Waasser vun der Aalbaach ugedriwwen, wat ongeféier 400 m iwwer der Mille geklauscht (=gesammelt) gouf, dofir de Flouernumm "An der Klaus".

Den Numm krut d'Uertschaft well se tëscht de Flouerdeeler "Op der Hëtt" an "Hëtterbierg" läit, wou iwwer Joerhonnerter Kallek gebrannt gouf.

1929 gouf d'Hëttermillen duerch den "Neie Wee" laanscht d'Aalbaach mat Greiweldeng verbonnen. 1930 gouf de Millebetrib agestallt an d'Millegebaier ginn zanterhier fir Wunnzwecker benotzt.

Am Laf vun der Zäit ass eng kleng Uertschaft entstane mam Numm "Op der Hëttermillen". D'Hëttermille gëtt als Uertsdeel vu Greiweldeng ugesinn. Déi aner Säit vun der Musel läit déi däitsch Uertschaft Wehr.

Literatur

• Erpelding, Émile, 1989. Die Hüttermühle bei Greiveldingen. pp. 118–170 in: Greiweldéngen: Léiffrawëschdag 1989. Greiweldingen: Greiweldénger Leit.

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

• Offiziell Säit vun der Gemeng Stadbriedemes
• Syvicol