Dag vum Bam
Den Dag vum Bam ass en Dag am Joer op deem d'Leit opgeruff gi Beem ze planzen. E gëtt weltwäit a ronn 35 Länner[1], meeschtens am Fréijoer oder am Hierscht, organiséiert. An eenzele Länner gëtt en offiziell Nationalen Dag vum Bam genannt.
Zu Lëtzebuerg gouf den Dag vum Bam 1991 ënner dem Numm Journée nationale de l'arbre agefouert. Eng offiziell Planzaktioun gëtt all Joer vun der Stëftung Hëllef fir d'Natur zesumme mat der Natur- a Bëschverwaltung um Freideg virum Dag selwer organiséiert.
Historique änneren
Den Dag vum Bam geet op eng Initiativ vum amerikanesche Journalist Julius Sterling Morton am Joer 1872 am Nebraska zeréck. 20 Joer duerno gouf et en an alle Staate vun den USA.[2]
De 27. November 1951 hunn d'Vereent Natiounen den internationalen Dag vum Bam agefouert.
Den nationalen Dag vum Bam zu Lëtzebuerg änneren
Zu Lëtzebuerg gouf den Dag vum Bam 1991 ënner dem offiziellen Numm Journée nationale de l'arbre vun der Stëftung Hëllef fir d'Natur agefouert. E gëtt zanterhier all Joer am November, am Prinzip um zweete Samschdeg am Mount, organiséiert.
Vun 1997 u bis zu sengem Doud am Joer 2019 hat de Groussherzog Jean de Patronage vum Dag iwwerholl. Zanter 2018 organiséiert d'Stëftung Hëllef fir d'Natur déi offiziell Plantatioun all Joer zesumme zesumme mat der Natur- a Bëschverwaltung.[3]
Eenzel Persoune kënne participéieren an deem se selwer een oder méi Beem planzen, beim offizielle Planze vu Beem an Hecken an de Gemengen hëllefen, oder awer en Don un d'Stëftung Hëllef fir d'Natur iwwerweisen.[4]
Offiziell Plantatiounen änneren
All Joer gëtt um Dag vum Bam an enger Gemeng een oder méi Beem vum Buergermeeschter, dem zoustännege Minister, vum President vun der Stëftung Hëllef fir d'Natur an, zanter 2018, vum Direkter vun der Natur- a Bëschverwaltung, geplanzt.
- 2022, Gemeng Schëffleng[5]
- 2021, Gemeng Dippech, zu Schuller[6]
- 2020, Gemeng Mäerzeg[7]
- 2018, Gemeng Manternach: 36 Beem an enger Rei op engem Terrain vun der Stëftung Hëllef fir d'Natur.[3]
- 2017, Gemeng Bous, um Lieu-dit Fuusselach: 20 Spierebeem.
- 2016, Gemeng Mompech: Birebeem an eng Allée mat Lannen zu Hierber.[8]
- 2015 Gemeng Waldbriedemes, am Trëntengerdall: Kisschtebeem an engem Bongert.
- 2014, Gemeng Fëschbech, Uebstbeem zu Schous[9]
- 2013, Gemeng Hesper, Uebstbeem beim Oeko-Center Hesper zu Izeg
- 2012, Gemeng Stengefort: eng Stilleech an eng Lann zu Éiere vum Ierfgroussherzog Guillaume an der Ierfgroussherzogin op der Plaz um Flouer zu Stengefort[10],[11]
- ...
- 2002, Gemeng Betzder, beim Gemengenhaus zu Bierg, a Presenz vum Groussherzog Jean an der Groussherzogin Joséphine-Charlotte[12]
Kuckt och änneren
- Bemierkenswäert Beem zu Lëtzebuerg
- Heck vun hei, e Qualitéitslabel fir Traisch aus Lëtzebuerg
- natur&ëmwelt
- Haus vun der Natur
- Naturschutzzentren zu Lëtzebuerg
Um Spaweck änneren
- Den Dag vum Bam weltwäit (Lëtzebuerg ass net op der Lëscht)
- Den Nationalen Dag vum Bam op der Websäit vun natur&ëmwelt
Referenzen an Notten änneren
- ↑ Cf. d'd'Websäit Arbor Day around the World
- ↑ Cf. den Historique op der Websäit vun der Arbor Day Foundation
- ↑ 3,0 3,1 Mettre en valeur le châtaignier. Lancement officiel de la Journée nationale de l'Arbre le week-end dernier. Luxemburger Wort vum 13. November 2018, S. 29/M3
- ↑ Cf. den Depliant vum Dag vum Bam 2011. E kann als PDF vun der Websäit vun natur&ëmwelt erofgeluede ginn.
- ↑ En Uebstbam fir d'Schëfflenger - Dag vum Bam 2022 (2022-11-20). Gekuckt de(n) 2022-11-21.
- ↑ Nationalen Dag vum Bam 2021. mywort.lu (2021-11-12). Gekuckt de(n) 2022-11-21.
- ↑ Nationalen Dag vum Bam (2020-11-14). Gekuckt de(n) 2022-11-21.
- ↑ Luxemburger Wort vum 14. Nov. 2016, S. 18.
- ↑ Luxemburger Wort vum 18. November 2014, S. 40-41.
- ↑ Websäit vun natur&ëmwelt
- ↑ Luxemburger Wort vum 12. November, S. 11.
- ↑ Websäit vun der Lëtzebuerger Regierung