Vulpecula (Stärebild)
D'Stärebild Vulpecula (laténgesch) Fuuss, oder Fiisschen läit um nërdlechen Himmel.
| Date vum Stärebild Vulpecula | |
|---|---|
| Lëtzebuergeschen Numm | Fuuss |
| Laténgeschen Numm | Vulpecula |
| Laténgesche Geenitiv | Vulpeculae |
| Laténgesch Ofkierzung | Vul |
| Positioun | Nërdleche Fixstärhimmel |
| Rektaszensioun | 18h 57m bis 21h 31m |
| Deklinatioun | +19° 25´bis +29° 30´ |
| Fläch | 268 Quadratgrad |
| Siichtbar op de Breedegraden | 90° Nord bis 55° Süd |
| Observatiounszäitraum fir Mëtteleuropa |
September |
| Zuel vu Stäre mat Gréisst < 3m |
0 |
| Hellste Stär, Gréisst |
Anser (α Vulpeculae), 4,44m |
| Meteorstréim | |
| Nopeschstärebiller (vun Norden am Auerzäresënn) |
Cygnus Lyra Hercules Sagitta Delphinus Pegasus |
 | |
Beschreiwung
ännerenDe Fuuss ass en onschäinbaart Stärebild tëscht dem markanten Cygnus (Schwan) an dem Sagitta (Feil). Kee vu senge Stären ass méi hell wéi 4. Gréissteklass.
Duerch de Fuuss zitt sech dat stäreräicht Band vun der Mëllechstrooss, dofir huet hien eng Rei vun oppene Stärekéip.
Interessant Observatiounsobjete sinn d'Planetaresch Niwwelen M 27, och Hantelniwwel genannt, an den oppene Stärekoup Collinder 399.
Geschicht
ännerenD'Stärebild Vulpecula gouf Enn vum 17. Joerhonnert vum Danzeger Astronom Johannes Hevelius agefouert. Ufanks huet et Vulpecula cum ansere, “Fuuss mat Gäns” geheescht. D'Gäns, déi de Fuuss unhält, ass haut keen offiziellt Stärebild méi. Nëmmen den Numm vum hellste Stär Anser (och Lukida Anseris genannt) erënnert un dat Gefliggeldéier.
Am Joer 1967 entdeckten d'Astronomen Antony Hewish an Jocelyn Bell Burnell vun der University of Cambridge am Vulpecula den éischte Pulsar (PSR 1919+21).
Himmelsobjeten
ännerenStären
änneren| B | F | Numm o. aner Bezeechnungen | m | Lj | Spektralklass |
|---|---|---|---|---|---|
| α | 6 | Anser, Lukida Anseris | 4,44 | 297 | M0 III |
| 23 | 4,50 | 328 | K3 III Fe-1 | ||
| 31 | 4,56 | 217 | G7 III Fe-1 | ||
| 13 | 4,57 | 359 | B9.5 III | ||
| NT | 4,66 | 222 | A4 III | ||
| 1 | 4,76 | 911 | B4 IV | ||
| QR | 4,79 | 1200 | B3 Ve | ||
| 29 | 4,81 | 214 | A0 V | ||
| 12 | 4,90 | 619 | B2.5 Ve | ||
| 30 | 4,92 | 365 | K2 III | ||
| 9 | 5,00 | 609 | B8 IIIn | ||
| 32 | 5,03 | 740 | K4 III | ||
| 28 | 5,06 | 493 | B5 IV | ||
| 17 | 5,08 | 488 | B3 V | ||
| 4 | 5,14 | 237 | K0 III | ||
| QS | 5,18 | 4300 | G3 Ib-II | ||
| NU | 5,19 | 327 | A7 Ivn | ||
| 3 | 5,22 | 403 | B6 III | ||
| 16 | 5,23 | 211 | F2 III | ||
| 33 | 5,30 | 397 | K3.5 III | ||
| 24 | 5,30 | 472 | G8 III | ||
| 35 | 5,39 | 182 | A1 V | ||
| ES | 5,46 | 1900 | B0.5 IV | ||
| 10 | 5,50 | 357 | G8 III | ||
| 25 | 5,50 | 1800 | B8 IIIne |
Den hellste Stär am Fuuss ass den Anser (α Vulpeculae), et ass e Roude Ris op enger Distanz vun 297 Liichtjoer vun eiser Äerd.
Den Anser erschéngt am Teleskop als Duebelstär. Am Ofstand vu 414 Bousekonnen ass de Stär 8 Vulpeculae siichtbar. Tatsächlech leie béid Stären, nëmme vun der Äerd aus gesinn an enger Richtung. Si sti méi wéi 200 Liichtjoer vuneneen a sinn net iwwer d'Gravitatioun unenee gebonnen.
| Messier (M) | NGC | Divers | Numm | m | Typ |
|---|---|---|---|---|---|
| 27 | Hantelniwwel | Planetareschen Niwwel | |||
| 6802 | Oppene Stärekoup | ||||
| 6823 | Oppene Stärekoup | ||||
| 6830 | Oppene Stärekoup | ||||
| 6885 | Oppene Stärekoup | ||||
| 6940 | Oppene Stärekoup | ||||
| Collinder 399 | Kleederbigel | Oppene Stärekoup | |||
| Stock 1 | Oppene Stärekoup |
De M27, den Hantelniwwel (engl. Dumbbell Nebula), ass ee vun de bekanntste planetareschen Niwwelen. Hie gouf am Joer 1764 vum Charles Messier als éischten Objet vu senger Aart entdeckt. Et handelt sech ëm den ofgestoussene Gasmantel vun engem Stär.
Am oppene Stärekoup NGC 6940 sinn ongeféier 100 Stäre bis zu der 9. Gréissteklass.
De Collinder 399 (och Brocchis Koup genannt) ass en Oppene Stärekoup, deem seng Stärenassociatioun un e Kleederbigel erënneren. Hien ass mat bloussem A siichtbar.
De Stock 1 ass en ausgedeenten helle Stärekoup.
D'Stärebild Vulpecula huet doriwwer eraus e puer liichtschwaach Galaxien an och planetaresch Niwwelen, déi an den New General Catalogue opgeholl goufen. Allerdéngs sinn dës Objete méi schwaach als déi 13. Gréissteenklass an nëmmen a groussen Teleskopen oder op laang beliichte Fotoen ze gesinn.
Kuckt och
änneren
Um Spaweck
änneren| Commons: Vulpecula – Biller, Videoen oder Audiodateien |
