Millebaach (Stad Lëtzebuerg)

Ee vun de 24 offizielle Quartiere vun der Stad Lëtzebuerg
Disambig.svg Dësen Artikel beschäftegt sech mat dem Quartier Millebaach an der Stad Lëtzebuerg. Fir Baache mat dem selwechten Numm, kuckt wgl. Millebaach.
Luxembourg geo stub.svg Dëse Geographiesartikel iwwer Lëtzebuerg ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Millebaach ass e Quartier vun der Stad Lëtzebuerg. E grenzt am Westen un de Rollengergronn, am Süden un de Lampertsbierg, am Südosten un Eech, am Osten u Beggen an am Norden un d'Gemeng Walfer.

Millebaach
Aussprooch
An anere Sproochen fr: Muhlenbach
de: Mühlenbach
Land Lëtzebuerg
Kanton Lëtzebuerg
Gemeng Blason ville lu Luxembourg-ville.svg Lëtzebuerg
Buergermeeschter Lydie Polfer (DP)
Awunner  (31.12.2017)
Fläch 311,13 ha
Koordinaten 49° 37’ 47.5’’ N
      06° 07’ 06.7’’ O
Muhlenbach quarter highlighted.png
Millebaach (blo)
an der Stad Lëtzebuerg (gro)

Ursprong vum NummÄnneren

De Quartier huet de Numm vun der Millebaach déi zanter dem Enn vun den 1950er Joren ënnerierdesch vun de Siwebueren a Richtung Oste fléisst, fir hannert der Eecher Plaz an d'Uelzecht ze lafen.

De Flouernumm Millebaach huet sech uganks just op d'Terraine bezunn déi direkt um Waasser louchen. Hautdesdaags gehéieren awer och déi aner Flouernimm wéi Geldegrëff, Siwemuergen, Baumühleschberg a Pabeierbierg zur Millebaach.

GeschichtÄnneren

D'Millebaach huet fréier zur Gemeng Eech gehéiert a gouf den 1. Juli 1849 (Gesetz vum 8. Mee 1849[1]) en Deel vun der Gemeng Rollengergronn, déi duerno, den 1. Juni 1920 (Gesetz vum 26. Mäerz 1920[2]) mat der Stad Lëtzebuerg fusionéiert huet.

De gudde Buedem am Dall vun der Millebaach huet d'Fiakriusbridder ugelackelt déi sech do néiergelooss hunn. Virum Zweete Weltkrich bestoungen an der Millebaach nach 23 Gäertner, hautdesdaags ass just nach ee Betrib iwwreg bliwwen. Absënns vun den Aarbechter aus der Faïencerie kruten d'Gäertner de Spottnumm Wuerzel– oder Muerteschwänz[3].

De Patréiner vun der Millebaacher Kierch ass den hellege Fiakrius, de Schutzpatréiner vun de Gäertner.

Nieft de Gäertner gouf d'Millebaach haaptsächlech duerch d'Faiencerie gepräägt, déi 1766 vun de Bridder Jean-François, Dominique a Pierre-Joseph Boch op de Siwebuere gegrënnt gi war.

Nodeems d'Pompelstatioun bei der Eecher Paart am Pafendall net méi genuch Waasser geliwwert huet, ass an den 1930er Joren an der Millebaach en neit Waasserwierk gebaut ginn un dat déi staark Quelle vun de Siwebueren an de Glasbueren ugeschloss goufen[4]. Aner Quellegebidder am Quartier sinn de Kazebuer an de Ludisbuer an de Siwemuergen.

AwunnerÄnneren

Op den 31.12.2017 hunn an der Millebaach 1.942 Leit gewunnt. Den Undeel vun de Lëtzebuerger louch bei 29,15 % géintiwwer 70,85 % Auslänner[5].

Millebaacher no Nationalitéit (31.12.2017)
Rang Nationalitéit Awunner Prozent
TOTAL 1 942 100,00%
1   Lëtzebuerg 566 29,15%
2   Frankräich 332 17,10%
3   Portugal 186 9,58%
4   Syrien 110 5,66%
5   Belsch 105 5,41%
6   Italien 87 4,48%
7   Däitschland 86 4,43%
8   Spuenien 50 2,57%
9   Griicheland 36 1,85%
10   Vereenegt Kinnekräich 30 1,54%
  Polen 30 1,54%
Top 10 1 618 83,32%
Aner Nationalitéiten 324 16,68%

Kuckt ochÄnneren

LiteraturÄnneren

Um SpaweckÄnneren

Commons: Millebaach – Biller, Videoen oder Audiodateien

Referenzen an NottenÄnneren

  1. Loi du 8 mai 1849 qui érige une nouvelle commune sous le nom de Rollingergrund op legilux.lu (gekuckt den 10. Februar 2018)
  2. Loi du 26 mars 1920 concernant la fusion des communes de Hollerich, Rollingergrund et Hamm avec la ville de Luxembourg op legilux.lu (gekuckt den 10. Februar 2018)
  3. MuertschwanzLuxemburger Wörterbuch, gekuckt de 6. Juni 2021
  4. Wasserwerk in Mühlenbach. In: Luxemburger Wort, 1935. Jg., nº 179 (28.06.1935), S. 1.
  5. État de la population 2017 - Statistiques sur la population de la Ville de Luxembourg op vdl.lu, der Websäit vun der Stad Lëtzebuerg (gekuckt den 8. Februar 2018)