Hellege Fiakrius

Den hellege Fiakrius (oder Fiacrius), och nach bekannt als Fiacrius vu Meaux oder Fiacrius vu Brie, gebuer ëm 607 zu Connacht an Irland a gestuerwen ëm 668 zu Meaux war en iresche Klausener deen am 7. Joerhonnert vun Irland aus a Frankräich geseegelt ass fir do als Gäertner an Anachoret ze liewen. Nodeem hien a Frankräich ukomm war, huet hien do d'Klouschter Breuil mat engem Spidol gegrënnt. Doraus huet sech mat der Zäit d'Uertschaft Saint-Fiacre-en-Brie am Departement Seine-et-Marne entwéckelt.

Hellege Fiakrius
Den Hellege Fiakrius mat engem Spuet an engem Buch - Miniatur aus den Heures de Simon de Varye
Titel
Biographie
Gebuer	607 Irland
Gestuerwen	668 Meaux
Graf	Kathedral vu Meaux
Nationalitéit	Dalriada
Aner Informatiounen
Statut	Helleg
Gedenkdag	30. August

Statu vum hellege Fiakrius an der Méchelskierch zu Buerschent.

Obwuel hien am siwente Joerhonnert gelieft soll hunn, gëtt säin Numm eréischt 1170 an iresche Martyrologien ernimmt.

Den Numm an aner Sproochen

Däitsch: Fiakrius

Franséisch: Fiacre, Varianten: Fèfre oder Fèvre

Italieenesch: Fiacrio

Latäin:Fiacrus

Patréiner

Den hellege Fiakrius ass de Patréiner vun de Gäertner, den Taxichaufferen an de Koloproktologen.

Éierungen

Fir un de Fiakrius z'erënneren, huet de Gemengerot vun der Stad Lëtzebuerg de 4. Juli 1930 decidéiert, zu Weimeschkierch eng Strooss no him ze nennen: d'Rue Saint-Fiacre.

Literatur

• Anne Wienert a Volker Wienert: St. Fiakrius – Schutzpatron der Koloproktologen, In: coloproctology Volume 27, Number 4 / August 2005, Urban & Vogel, ISSN 0174-2442

Kuckt och

• Kierch Lëtzebuerg-Millebaach
• Fiaker
• Gärtnerbruderschaft St. Fiacrius
• Lëscht vun de chrëschtlechen Hellegen

Um Spaweck

Commons: Hellege Fiakrius – Biller, Videoen oder Audiodateien

• De Fiakrius am ökumeenesche Lexikon vun den Hellegen (de)