Bim Diederich

De Jean ("Bim") Diederich, gebuer den 20. Februar 1922 zu Esch-Uelzecht, a gestuerwen de 6. Dezember 2012, war e lëtzebuergesche Vëlossportler.

Bim Diederich
De Bim bei der Ronde van Nederland 1952
Gebuer	20. Februar 1922 Esch-Uelzecht
Gestuerwen	6. Dezember 2012 Péiteng
Nationalitéit	Lëtzebuerg
Aktivitéit	Vëlossportler, Cyclocrossfuerer
Huet matgemaach bei	Tour de France

1933 si seng Elteren op Péiteng geplënnert.

De Spëtznumm Bim huet hie kritt, well en 1938 zu Péiteng an der Apdikt Aulner fir 300 Frang am Mount geschafft huet, an nieft anere Medikamenter, och "Yohimbine" (e Potenzmëttel, kuerz "Joe Bim" genannt) verkaaft huet.

1937 ass hien an de Péitenger Vëlosclub agetrueden, wou hien den 23. Mäerz 1939 seng éischt Course gefuer ass. Am Juli 1947 ass hie "Profi" ginn, fir kënnen den Tour de France matzefueren.

Säi gréisste sportlechen Erfolleg hat hien am Tour de France 1951, wou en 3 Deeg am Maillot jaune gefuer ass. An der Etapp vu Reims op Gand huet de Bim, 40 Kilometer virun der Arrivée, am Mur de Grammont, seng 3 Matfuerer ofgehaangen an ass als éischten zu Gand ukomm. Wéinst dëser aussergewéinlecher Leeschtung huet hien den Numm "Duc de Grammont" kritt.

1954 ass hie seng lescht Course, den Tour de Luxembourg, gefuer. Hien ass den 11. ginn. Duerno huet e sech bestuet an huet zu Péiteng e Vëlosgeschäft ugefaangen. Säi Meedchen ass méi spéit mam bekannte Coureur Lucien Didier bestuet ginn. Dem Bim säi ganzen Houfert ass säi Kandskand, de Laurent Didier, dee sengem Papp a sengem Grousspapp an d'"Foussstapfen" getrueden ass.

An der Péitenger Sportshal gouf vun der Gemeng eng Galerie Bim Diederich ageriicht mat Erënnerungsstécker un dem Bim Diederich seng Sportskarriär. D'Hal selwer gouf och no him Centre sportif Bim Diederich genannt.

De Bim ass an der Geschicht vum professionelle Vëlossport ee vun de wéinege Coureuren deen an der Zäit vu senger professioneller Karriär an enger Ekipp gefuer ass, déi dem eenzege Coureur aus der Ekipp säin Numm gedroen huet, an zwar 1954 d'Ekipp Garin-Diederich.

Palmares

1945

• 2. am General vum Tour de Luxembourg
  • 2. an der 1. Etapp (Esch-Uelzecht)
• 6. am Grand Prix François Faber

1946

• 2. am Tour de Luxembourg
  • 2. vun der 2. Etapp
  • 3. vun der 3. Etapp
  • 6. vun der 1. Etapp
  • 8. vun der 4. Etapp
• 3. beim Circuit "Maine Libre"
  • 6. vun der 1. Etapp
  • 6. vun der 2. Etapp
• 4. bei der Biergcourse "Omnium de la Route"
• 5. am Tour de Majorque
  • 6. vun der 1. Etappe
• 6. am Grand Prix François Faber
• 6. beim G.P. de la Foire de Luxembourg
• 7. beim Circuit de Lorraine
• 7. zu Jemeppe-sur-Sambre
• 11. an der "Volta Ciclista a Catalunya"
  • 3. vun der 1. Etapp
  • 6. vun der 7. Etapp

1947

• 1. beim G.P. vu Péiteng
• 2. am Tour de Luxembourg (3. am Biergklassement)
  • 1. vun der 6. Etapp
  • 3. vun der 3. Etapp
  • 9. vun der 4. Etapp
• 2. beim Critérium vun Zürich
• 2. bei der Landesmeeschterschaft am Cyclocross
• 3. beim Critérium vu Lëtzebuerg
• 4. bei der Landesmeeschterschaft op der Strooss
• 4. beim Critérium vun Esch-Uelzecht
• 6. bei der Weltmeeschterschaft
• 7. beim G.P. vun Hollerech
• 11. am Tour de Suisse (5. am Biergklassement)
  • 3. an der 6. Etapp vu Genf op Basel (271,6 km)
  • 6. an der 5. Etapp(a) vu Biel op Lausanne (158,2 km)
• 14. a Liège-Bastogne-Liège
• 15. am Tour de France
  • 2. an der 12. Etapp vu Marseille op Montpellier (165 km)
  • 9. an der 17. Etapp vu Bordeaux op Les Sables d'Olonne (272 km)
  • 6. an der 18. Etapp vu Les Sables d'Olonne op Vannes (236 km)
  • 3. an der 21. Etapp vu Caen op Paräis (257 km)
• 18. am Tour de Belgique
• 34. a Gent-Wevelgem

1948

• 4. bei der Landesmeeschterschaft am Cyclocross
• 5. beim Critérium vu Lëtzebuerg
• 5. am Tour de Majorque
  • 1. vun der (?) Etapp
  • 5. vun der 4. Etapp (b)
• 6. beim Critérium vun Arel (Arlon)
• 7. beim Critérium vu Baaschtnech
• 16. am Tour de Luxembourg
  • 7. vun der 4. Etapp
• 24. an der Ronde van Nederland
  • 1. vun der 5. Etapp (b)
  • 5. vun der 5. Etapp (a)
• Tour de Suisse (opginn)

1949

• 1. am Tour de Luxembourg
  • 1. vun der 2. Etapp
  • 2. vun der 3. Etapp
  • 4. vun der 4. Etapp
  • 4. vun der 5. Etapp (a)
  • 6. vun der 1. Etapp
  • 8. vun der 5. Etapp (b)
• 1. beim Critérium vun Attem (Athus)
• 2. bei der Landesmeeschterschaft op der Strooss
• 2. beim Critérium vun Namur
• 4. bei Paräis-Valenciennes
• 4. beim Circuit des Ardennes Flamandes
• 7. bei der Weltmeeschterschaft
• 8. am Tour de Romandie
• 9. bei Léck-Jemelle
• 9. beim Critérium vu Gembloux
• 15. am Tour de France
  • 8. an der 9. Etapp vu Bordeaux op San Sebastián a Spuenien (228 km)
  • 7. an der 13. Etapp vun Toulouse op Nîmes (289 km)
  • 5. an der 15. Etapp vu Marseille op Cannes (215 km)
  • 3. an der 19. Etapp vu Lausanne an der Schwäiz op Colmar (283 km)
• 41. an der Flèche wallonne

1950

• 2. bei der Landesmeeschterschaft op der Strooss
• 2. beim G.P. Impanis
• 2. bei Berg-Housse
• 2. am Tour de Luxembourg
  • 2. vun der 1. Etapp
  • 2. vun der 3. Etapp (b)
  • 4. vun der 5. Etapp
  • 6. vun der 3. Etapp (a)
  • 9. vun der 2. Etapp
• 2. beim Critérium vun Herve
• 3. am Dauphiné libéré
  • 4. vun der 5. Etapp (a)
  • 4. vun der 7. Etapp
  • 5. vun der 1. Etapp
• 6. bei der Landesmeeschterschaft am Cyclocross
• 16. am Grand Prix du Midi Libre
• 18. am Tour de France 1950
  • 3. an der 10. Etapp vu Bordeaux op Pau (202 km)
  • 1. an der 15. Etapp vun Toulon op Menton (205,5 km)
  • 3. an der 17. Etapp vun Nice op Gap (96 km)
  • 7. an der 22. Etapp vun Dijon op Paräis (314 km)
• 29. am Tour de Belgique

1951

• 1. beim Critérium vu Mons
• 1. beim Critérium vu Péiteng
• 2. am Tour de Luxembourg
  • 3. vun der 3. Etapp (a)
  • 10. vun der 2. Etapp
  • 10. vun der 3. Etapp (b)
• 2. a Rund um Köln
• 3. beim Critérium vu Lëtzebuerg
• 6. beim G.P. du Centenaire zu Alsemberg
• 7. beim G.P. Kellen
• 7. beim Critérium vu Metz
• 9. beim Critérium vu Jemeppes-sur-Meuse
• 12. am Tour de France 1951 (3 Deeg am gielen Tricot, 1. um Tourmalet)
  • 1. an der 2. Etapp vu Reims op Gent (228 km)
  • 5. an der 8. Etapp vun Angers op Limoges (241 km)
• 13. am Grand Prix du Midi Libre
• 14. am Tour de Suisse
  • 3. an der 8. Etapp vun Davos op Zürich (234 km)
  • 6. an der 2. Etapp (b) vu Basel op Boncourt, Eenzelzäitfueren (65 km)
• 34. an der Flèche wallonne
• 70. a Paris-Bruxelles

1952

• 1. am Tour de Lorraine
  • 1. vun der 2. Etapp
• 2. beim Critérium vu Jambes
• 4. am Tour de Luxembourg
  • 3. vun der 1. Etapp (a)
  • 3. vun der 1. Etapp (b)
  • 4. vun der 4. Etapp (a)
  • 5. vun der 4. Etapp (b)
  • 8. vun der 2. Etapp
  • 9. vun der 3. Etapp
• 5. beim G.P. du Centenaire zu Bréissel
• 7. am Tour des 4 Cantons Suisses
• 8. beim G.P. Eibar
• 17. an der Ronde van Nederland
• 86. a Paris-Bruxelles
• Tour de France
  • 1. an der 5. Etapp vu Roubaix op Namur (197 km)
• Tour de Suisse (opginn)

1953

• 2. bei der Landesmeeschterschaft op der Strooss
• 2. bei Cras Avernas - Remouchamps - Cras Avernas
• 2. beim Critérium vu Jambes
• 4. am Tour de Luxembourg
  • 4. vun der 3. Etapp (b)
  • 6. vun der 4. Etapp (b)
  • 7. vun der 4. Etapp (a)
  • 10. vun der 2. Etapp
• 4. bei Nanzeg - Lëtzebuerg
• beim Critérium vu Frameries
• Tour de France (opginn an der 18. Etapp)
  • 7. an der 8. Etapp vu Nantes op Bordeaux (345 km)

1954

• 11. am Tour de Luxembourg
  • 4. vun der 4. Etapp
  • 9. vun der 2. Etapp (b)

Ekippen

• 1946: Helyett Frankräich
• 1946: Cilo Italien
• 1947: Arbos - Talbot Italien
• 1947: Heylett Frankräich
• 1948: Garin-Wolber Frankräich
• 1948: Rico Lëtzebuerg
• 1949 - 1951: Garin - Wolber Frankräich
• 1952: Garin - Wolber Belsch
• 1952: Feru CHE Schwäiz
• 1953: Garin Belsch
• 1954: Garin - Diederich Lëtzebuerg

No him genannt

Fir un de Bim Diederich z'erënnere gouf eng Vëlosstreck, den itinéraire cyclable Bim Diederich vun der Gare Nidderkäerjeng-Suessem op d'Helfenterbréck no him genannt.

Literatur

• Angel, Emil: Dem Bim Diederich seng Erënnerungen, De Vëlo ass mäi Liewen Edtioun Service RBS/ENPP ISBN 2-9599796-3-X

Kuckt och

• Tour de France
• Lëscht vu lëtzebuergesche Sportler

Um Spaweck

• De Bim Diederich an der memoire du cyclisme