Helfenter Bréck

Lieu-dit an der Gemeng Bartreng
(Virugeleet vu(n) Helfenterbréck)

Helfenter Bréck oder einfach Helfent ass e Lieu-dit an der Gemeng Bartreng.

Helfenter Bréck
(Helfent)
Uertsschëld op der Helfenter Bréck
Aussprooch
An anere Sproochen fr: Helfenterbruck
de: Helfenterbrück
Land Lëtzebuerg
Kanton Lëtzebuerg
Gemeng Bartreng
Buergermeeschter M. Smit-Thijs (DP)
Koordinaten 49° 36’ 09’’ N
      06° 04’ 26’’ O

Geographie änneren

Helfenter Bréck läit an der Kadastersektioun Bartreng, um ëstleche Wupp vun der Gemeng Bartreng, op der Grenz mat der Stad Lëtzebuerg.

Vun der Stad aus verleeft d'Nationalstrooss 5 duerch Helfent a Richtung Westen. Vun hir aus geet den CR181 an nord-westlecher Richtung fort. Helfenter Bréck läit op enger Héicht vun ca. 280 m iwwer dem Mier.

Numm änneren

 
Uertschaftsschëld (2014)

Op der topographescher Kaart vun 1907 ass de Lieu-dit mat „Mons Helfenterbruck[1]“ agedroen. Deen Numm hält sech bis 1950 ier e vereinfacht an „Helfenterbruck“ oder „Helfenterbréck“ ëmgeännert gëtt. Vun 1979 bis 2000 heescht en „Helfent-lès-Bertrange“ a zanterhier just nach „Helfent“[2].

Baachen änneren

 
D'Grouf (lénks) leeft an d'Péitruss

Am Flouer Ënnescht Helfent leeft d'Grouf op enger Héicht vun 275 m an d'Péitruss déi dann a Richtung Osten weiderleeft.

Brécken änneren

Zu Helfent gëtt et direkt e puer Brécken:

  • um südleche Wupp vum Riichterwee (50 Meter südlech vum Haus 295) féiert eng Bréck an Nord-Süd Richtung iwwer d'Péitruss, iwwerdeems op där Plaz eng Stroossebréck (wou d'N5 driwwer geet) a West-Ost Richtung verleeft;
  • ënner der Bréck vun der A6, déi an Nord-Süd Richtung iwwer Helfent féiert, lafen d'Eisebunn (Klengbettener Streck), d'N5, d'N34, de südleche Wupp vum Riichterwee an d'Péitruss erduerch;
  • ëstlech vun der Autobunn, um Gebitt vun der Stad Lëtzebuerg sinn nach zwou Brécken: eng féiert d'N5 mat der Kräizung vun der N34 iwwer d'Eisebunn iwwerdeems eng Zuchbréck iwwer d'Péitruss verleeft.

Kuckt och änneren

Um Spaweck änneren

Commons: Helfenter Bréck – Biller, Videoen oder Audiodateien

Referenzen an Notten änneren

  1. gekierzt fir „Maisons Helfenterbruck“
  2. Geoportail.lu, fir d'lescht gekuckt den 13. Abrëll 2019