Eurovision Song Contest 2009
| |
|---|---|
| 54. Eurovision Song Contest | |
| Motto | Fire Bird |
| Datum | 12. Mee, 14. Mee a 16. Mee 2009 |
| Stad | Moskau (Russland) |
| Gebai | Olimpijski |
| Gewënner | Alexander Rybak (Norwegen) |
| Zuel vu Länner | 42 |
| Nei Participatiounen | Keng |
| Moderatioun | Natalja Wodjanowa & Andrei Malachow & Alsou & Iwan Urgant |
| Interval Act | Halleffinallen: Alexandrov Ensemble feat. t.A.T.u an Igor Moiseyev Ensemble, Finall: Fuerzabruta |
| Ofstëmmungsreegel | All Land verdeelt, op Basis vum Jury a vum Televoting, 12, 10, 8, 7, 6, 5, 4, 3, 2 an 1 Punkt un déi zéng bescht Lidder |
De 54. Eurovision Song Contest war den 12., 14. an de 16. Mee 2009 a Russland. Organiséiert gouf d'Eurovisioun dat Joer an der Olimpijski (Olympiastadion) zu Moskau. Presentateure waren d'Natalja Wodjanowa an den Andrei Malachow an den Halleffinallen an d'Alsou an den Iwan Urgant an der Finall.
Lëtzebuerg huet scho wéi déi 15 Joer virdru fräiwëlleg drop verzicht fir matzemaachen. Och Italien, Georgien, San Marino, Éisträich a Monaco hu fräiwëlleg net matgemaach. Am Ganzen hunn 42 Länner matgemaach.
Verschidden Interprete ware scho virdrun emol eng Kéier dobäi, de Sakis Rouvas fir Griicheland 2004 an d'Chiara fir Malta 1998 an 2005.
Zanter 2008 gëtt et e puer Deeg virun der Finall zwou Halleffinallen, aus deenen déi zéng Éischtplazéiert d'Finall erreechen. Fënnef weider Länner si scho fir d'Finall qualifizéiert gewiescht: déi Grouss Véier (Big-4) vun der European Broadcasting Union (Däitschland, Frankräich, Groussbritannien a Spuenien an och d'Land dat d'Organisatioun iwwerholl huet, an dësem Fall Russland.
D'Reegel fir d'Ofstëmmung ass dëst Joer geännert ginn. Den Televoting duerch d'Spectateure vun alle Länner ass weiderhi benotzt gi fir ofzestëmmen, awer nëmmen zu 50 %. Déi aner 50 % vun de Stëmme sinn aus all Land vun enger professioneller Jury vu 5 Leit komm. An den Halleffinalle sinn 9 Länner duerch den Televoting bestëmmt ginn, dat zéngt Land gouf duerch eng Back-up Jury bestëmmt. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Moskau matgedeelt ginn.
Déi éischt Plaz krut de Vertrieder vun Norwegen, den Alexander Rybak mat 169 Punkte Virsprong virum Yohanna (Island). Déi drëtt Plaz krut d'Grupp AySel & Arash, déi fir den Aserbaidjan ugetruede war.
Fir Norwege war et déi drëtt Kéier datt et de Grand Prix gewonnen hat. De Gewënner huet mat 387 Punkten dat bis dohi bei engem Grand Prix bescht Resultat erreecht.
Halleffinallen
änneren1. Halleffinall
ännerenDéi éischt Halleffinall war den 12. Mee 2009.
Déi genee Punkteverdeelung ass eréischt no der Finall bekannt gemaach ginn fir eng Beaflossung an der Finall ze vermeiden. Ofstëmmungsberechtegt bei dëser Halleffinall waren d'Länner déi dobäi waren an zousätzlech Däitschland a Groussbritannien.
| Plaz | Startnr. | Land | Interpret | Titel | Punkten |
|---|---|---|---|---|---|
| 1. | 12 | Island | Yohanna | Is It True? | 174 |
| 2. | 9 | Tierkei | Hadise | Düm tek tek | 172 |
| 3. | 18 | Bosnien an Herzegowina | Regina | Bistra voda | 125 |
| 4. | 5 | Schweden | Malena Ernman | La voix | 105 |
| 5. | 6 | Armenien | Inga & Anusch | Jan Jan | 99 |
| 6. | 17 | Malta | Chiara | What if We | 86 |
| 7. | 10 | Israel | Noa & Mira Awad | There Must Be Another Way | 75 |
| 8. | 16 | Portugal | Flor-de-Lis | Todas as ruas do amor | 70 |
| 9. | 14 | Rumänien | Elena | The Balkan Girls | 67 |
| 10. | 13 | Mazedonien | Next Time | Nešto što kje ostane | 45 |
| 11. | 1 | Montenegro | Andrea Demirović | Just Get out of My Life | 44 |
| 12. 1 | 15 | Finnland | Waldo's People | Lose Control | 42 |
| 13. | 4 | Wäissrussland | Pjotr Jalfimau | Eyes that Never Lie | 25 |
| 14. | 8 | Schwäiz | Lovebugs | The Highest Heights | 15 |
| 15. | 7 | Andorra | Susanne Georgi | La teva decisió (Get a Life) | 8 |
| 16. | 11 | Bulgarien | Krassimir Awramow | Illusion | 7 |
| 17. | 3 | Belsch | Copycat | Copycat | 1 |
| 18. | 2 | Tschechien | Gipsy.cz | Aven Romale | 0 |
1 Déi zéngt Qualifikatiounsplaz ass duerch eng Jury bestëmmt ginn. Dat bescht Land dat net ënner den néng éischte Plaze war, déi duerch den Televoting bestëmmt goufen, krut déi zéngt Plaz an der Finall.
2. Halleffinall
ännerenDéi zweet Halleffinall war de 14. Mee 2009.
Déi genee Punkteverdeelung ass eréischt no der Finall bekannt gemaach ginn fir eng Beaflossung an der Finall ze vermeiden.
Ofstëmmungsberechtegt bei dëser Halleffinall waren d'Länner déi dobäi waren an zousätzlech Frankräich, Spuenien a Russland.
| Plaz | Startnr. | Land | Interpret | Titel | Punkten |
|---|---|---|---|---|---|
| 1. | 6 | Norwegen | Alexander Rybak | Fairytale | 201 |
| 2. | 12 | Aserbaidjan | AySel & Arash | Always | 180 |
| 3. | 18 | Estland | Urban Symphony | Rändajad | 115 |
| 4. | 13 | Griicheland | Sakis Rouvas | This Is Our Night | 110 |
| 5. | 15 | Moldawien | Nelly Ciobanu | Hora din Moldova | 106 |
| 6. | 17 | Ukrain | Switlana Loboda | Be My Valentine! (Anti-Crisis Girl) | 80 |
| 7. | 16 | Albanien | Kejsi Tola | Carry Me in Your Dreams | 73 |
| 8. | 9 | Dänemark | Brinck | Believe Again | 69 |
| 9. | 14 | Litauen | Sasha Son | Love | 66 |
| 10. | 4 | Serbien | Marko Kon & Milaan | Cipela | 60 |
| 11. | 2 | Irland | Sinéad Mulvey & Black Daisy | Et Cetera | 52 |
| 12. | 5 | Polen | Lidia Kopania | I Don't Wanna Leave | 43 |
| 13. 1 | 1 | Kroatien | Igor Cukrov feat. Andrea | Lijepa tena | 33 |
| 14. | 7 | Zypern | Christina Metaxa | Firefly | 32 |
| 15. | 11 | Ungarn | Zoli Ádok | Dance with Me | 16 |
| 16. | 10 | Slowenien | Quartissimo feat. Martina | Love Symphony | 14 |
| 17. | 19 | Holland | The Toppers | Shine | 11 |
| 18. | 8 | Slowakei | Kamil Mikulčík & Nela Pocisková | Leť tmou | 8 |
| 19. | 3 | Lettland | Intars Busulis | Probka | 7 |
1 Déi zéngt Qualifikatiounsplaz ass duerch eng Jury bestëmmt ginn. Dat bescht Land dat net ënner den néng éischte Plaze war, déi duerch den Televoting bestëmmt goufen, krut déi zéngt Plaz an der Finall.
Finall
ännerenD'Finall war de 16. Mee 2009.
Déi 25 Länner an der Finall waren:
- Déi "Grouss 4" (Big-4) Frankräich, Däitschland, Spuenien a Grousbritannien
- D'Gaaschtland, Russland
- Déi bescht 9 Länner aus der éischter Halleffinall plus 1 Land mat enger Wildcard duerch d'Jury
- Déi bescht 9 Länner aus der zweeter Halleffinall plus 1 Land mat enger Wildcard duerch d'Jury
Am Fall vu Punktegläichheet op der éischter Plaz sollt dee mat der héchster Eenzelwäertung gewannen.
Ofstëmmungsberechtegt bei der Finall waren all 42 Länner déi matgemaach haten.
| Plaz | Startnr. | Land | Interpret | Titel | Punkten |
|---|---|---|---|---|---|
| 1. | 20 | Norwegen | Alexander Rybak | Fairytale | 387 |
| 2. | 7 | Island | Yohanna | Is It True? | 218 |
| 3. | 11 | Aserbaidjan | AySel & Arash | Always | 207 |
| 4. | 18 | Tierkei | Hadise | Düm tek tek | 177 |
| 5. | 23 | Groussbritannien | Jade Ewen | It's My Time | 173 |
| 6. | 15 | Estland | Urban Symphony | Rändajad | 129 |
| 7. | 8 | Griicheland | Sakis Rouvas | This Is Our Night | 120 |
| 8. | 3 | Frankräich | Patricia Kaas | Et s'il fallait le faire | 107 |
| 9. | 12 | Bosnien an Herzegowina | Regina | Bistra voda | 106 |
| 10. | 9 | Armenien | Inga & Anusch | Jan Jan | 92 |
| 11. | 10 | Russland | Anastasija Prychodko | Mamo | 91 |
| 12. | 21 | Ukrain | Switlana Loboda | Be My Valentine! (Anti-Crisis Girl) | 76 |
| 13. | 16 | Dänemark | Brinck | Believe Again | 74 |
| 14. | 13 | Moldawien | Nelly Ciobanu | Hora din Moldova | 69 |
| 15. | 6 | Portugal | Flor-de-Lis | Todas as ruas do amor | 57 |
| 16. | 2 | Israel | Noa & Mira Awad | There Must Be Another Way | 53 |
| 17. | 19 | Albanien | Kejsi Tola | Carry Me in Your Dreams | 48 |
| 18. | 5 | Kroatien | Igor Cukrov feat. Andrea | Lijepa tena | 45 |
| 19. | 22 | Rumänien | Elena | The Balkan Girls | 40 |
| 20. | 17 | Däitschland | Alex Swings Oscar Sings! | Miss Kiss Kiss Bang | 35 |
| 21. | 4 | Schweden | Malena Ernman | La voix | 33 |
| 22. | 14 | Malta | Chiara | What if We | 31 |
| 23. | 1 | Litauen | Sasha Son | Love | 23 |
| 23. | 25 | Spuenien | Soraya | La noche es para mí (The Night Is for Me) | 23 |
| 25. | 24 | Finnland | Waldo's People | Lose Control | 22 |
Um Spaweck
änneren| Commons: Eurovision Song Contest 2009 – Biller, Videoen oder Audiodateien |
- Offiziell Websäit vum Eurovision Song Contest
- Eurovision NDR / Offiziell Websäit vum NDR iwwer den Eurovision Song Contest
| Belgrad (Serbien) | 
|
Oslo (Norwegen) |
|---|---|---|
| ESC 2008 | Eurovision Song Contest | ESC 2010 |
| Commons: Eurovision 2007 – Biller, Videoen oder Audiodateien |