Eurovision Song Contest 1998
| 43. Eurovision Song Contest | |
|---|---|
| Datum | 9. Mee 1998 |
| Stad | Birmingham (Groussbritannien) |
| Gebai | National Indoor Arena |
| Gewënner | Dana International (Israel) |
| Zuel vu Länner | 25 |
| Nei Participatiounen | Rep. Mazedonien |
| Moderatioun | Terry Wogan an Ulrika Jonsson |
| Interval Act | Lesley Garrett a Vanessa Mae |
| Ofstëmmungsreegel | All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. |
Den 43. Eurovision Song Contest war den 9. Mee 1998 a Groussbritannien. E gouf an der National Indoor Arena zu Birmingham organiséiert. Presentateure waren den Terry Wogan an d'Ulrika Jonsson.
Fir d'Zuel vun de Länner ze reduzéiere sinn d'Resultater vun de leschte 5 Joer gekuckt ginn an déi mat de mannste Punkten hu missen e Joer Paus maachen. Vun där Reegel waren Éisträich, Bosnien an Herzegowina, Dänemark, Russland an Island betraff. Lëtzebuerg huet scho wéi déi 4 Joer virdru fräiwëlleg net matgemaach, grad wéi Italien. D'Republik Mazedonien koum nei derbäi, nodeem e Versuch fir matzemachen am Joer 1996 bei der Virentscheeung hänke blouf. Am Ganze ware 25 Länner derbäi.
Verschidden Interprete ware scho virdru mol eng Kéier dobäi, d'Danijela fir Kroatien 1995 (Member vun der Grupp Magazin) an de José Cid (Member vun Alma Lusa) fir Portugal 1980.
D'Reegel fir d'Ofstëmmung ass d'selwecht bliwwe wéi déi Jore virdrun, allerdéngs ass an de meeschte Länner den Televoting duerch d'Spectateure benotzt ginn fir ofzestëmme mat Ausnam vun der Tierkei, Rumänien, Irland an Ungarn, wou nach eng Jury d'Ofstëmmung gemaach huet. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Birmingham matgedeelt ginn.
Déi éischt Plaz krut d'Vertriederin vun Israel, d'Dana International mat 6 Punkte Virsprong virun der Imaani (Groussbritannien). Déi drëtt Plaz krut d'Chiara Siracusa, déi fir Malta ugetruede war. D'Gewënnerin Dana International ass bei de Medien an d'Gespréich komm well si sech offen zu hirer Transsexualitéit bekannt huet.
Israel hat domat fir d'drëtt Kéier de Grand Prix gewonnen.
Klassement
änneren| Plaz | Land | Interpret | Titel | Punkten |
|---|---|---|---|---|
| 1. | Israel | Dana International | Diva | 172 |
| 2. | Groussbritannien | Imaani | Where Are You? | 166 |
| 3. | Malta | Chiara | The one that I love | 165 |
| 4. | Holland | Edsilia Rombley | Hemel en aarde | 150 |
| 5. | Kroatien | Danijela | Neka mi ne svane | 131 |
| 6. | Belsch | Mélanie Cohl | Dis oui | 122 |
| 7. | Däitschland | Guildo Horn | Guildo hat Euch lieb! | 86 |
| 8. | Norwegen | Lars A. Fredriksen | Alltid sommer | 79 |
| 9. | Irland | Dawn MartinDawn | Is always over now? | 64 |
| 10. | Schweden | Jill Johnson | Kärleken är | 53 |
| 11. | Zypern | Michael Hajiyanni | Yenesis | 37 |
| 12. | Portugal | Alma Lusa | Se eu te pudesse abraçar | 36 |
| 12. | Estland | Koit Toome | Mere lapsed | 36 |
| 14. | Tierkei | Tüzmen | Unutamazsın | 25 |
| 15. | Finnland | Edea | Aava | 22 |
| 16. | Spuenien | Mikel Herzog | ¿Qué voy a hacer sin ti? | 21 |
| 17. | Polen | Sixteen | To takie proste | 19 |
| 18. | Slowenien | Vili Resnik | Naj bogovi slišijo | 17 |
| 19. | Mazedonien | Vlado Janevski | Ne zori, zoro | 16 |
| 20. | Griicheland | Thalassa | Mia krifi evesthisia | 12 |
| 21. | Slowakei | Katarína Hasprová | Modlitba | 8 |
| 22. | Rumänien | Mălina Olinescu | Eu cred | 6 |
| 23. | Ungarn | Charlie | A holnap már nem lesz szomorú | 4 |
| 24. | Frankräich | Marie Line | Où aller | 3 |
| 25. | Schwäiz | Gunvor | Lass ihn | 0 |
Um Spaweck
änneren| Commons: Eurovision Song Contest 1998 – Biller, Videoen oder Audiodateien |
| Dublin (Irland) | 
|
Jerusalem (Israel) |
|---|---|---|
| ESC 1997 | Eurovision Song Contest | ESC 1999 |