Messier 60
De Messier 60 (och als NGC 4649 bezeechent) ass eng 8,8 mag hell elliptesch Galaxie mat enger Wénkelausdeenung vu 7',4 × 6',0 am Stärebild Virgo.
| |||||
|---|---|---|---|---|---|
 | |||||
| Stärebild | Virgo (Vir) | ||||
| Positioun fir d'Equinoxe J2000.0 | |||||
| Rektaszensioun | 12h 43m 40,0s | ||||
| Deklinatioun | + 11° 33' 10"[1] | ||||
| Ausgesinn | |||||
| Hubble-Sequenz | E2[1] | ||||
| Visuell Magnitude | 8,8[2]m | ||||
| Wénkelduerchmiesser | 25 mag/arcmin2, B-Band: 7',4 × 6',0[3] | ||||
| Flächenhellegkeet mag/arcmin2 |
13,1[2] | ||||
| Physikalesch Donnéeën | |||||
| Gehéiert zu | Virgo-Galaxiëkoup[1] | ||||
| Distanz | (53,9 ± 2,0) Mio. PC (16,5 ± 0,6) Mio.[4](Lj) | ||||
| Routverrécklung | +0,003726 ± 0,000020 | ||||
| Radialvitess | (+1117 ± 6)[4] | ||||
| Absolutten Duerchmiesser | 120.000[1] | ||||
| Geschicht | |||||
| Entdecker | Johann Gottfried Köhler | ||||
| Entdeckungsdatum | 11. Abrëll 1779 | ||||
| Katalog- an Entdeckerbezeechnungen | |||||
| M | 60 | ||||
| NGC | 4649 | ||||
| PGC | 42831 | ||||
| Arp | 116 (zesumme mam NGC 4647) | ||||
| UGC | 7898 | ||||
| MCG | +2-33-2 | ||||
| GC | 3182 | ||||
| h | 1408 | ||||
| Holm | 448A | ||||
De Messier 60 gouf zesumme mat den Nopeschgalaxien M58 an M59 am Kader vun der Observatioun vum Koméit vu 1779 entdeckt. De Johann Gottfried Köhler hat d'Galaxie den 11. Abrëll 1779 entdeckt an onofhäneg dovun hat de Barnaba Oriani s'een Dag méi spéit an de Charles Messier schliisslech véier Deeg méi spéit gesinn.
D'Galaxie ass am Virgo-Galaxiëkoup nieft der masseräichster Galaxie M87 an der hellster Galaxie M49 déi drëtt elliptesch Risegalaxie an Haaptgalaxie vun der Ënnergrupp Virgo-Koup C. Déi Grupp bilt den ëstlechsten Deel vum Galaxiëkoup an den M60 selwer ass den ëstlechsten Objet vum Virgo-Koup am Messier-Katalog.
Den M60 huet en Duerchmiesser vu ronn 120.000 Liichtjoer an eng Mass vun 1 Billioun Sonnemassen. No der Hubble-Sequenz ass d'Galaxie den Typ E2, ass also liicht ofgeplatt. Den M60 huet mat zirka 5.000 Kugelstärekéip e relativ dicht Halo. En interessant Detail scho mat klengen Teleskopen ass säi Begleeder NGC 4647, eng Spiralgalaxie. Et gouf ugeholl, datt béid Galaxië matenee gravitativ wiesselwierken an hat si ënner Arp 116 zesummegefaasst; nei Ënnersich beleeën dat awer nett.[4],[5]
Den 28. Januar 2004 gouf am M60 eng Supernova vum Typ Ia (SN 2004W) mat enger Hellegkeet vun iwwer 18,8 mag duerch de Lick Observatory Supernova Search (LOSS) entdeckt.[6]
Ufanks 2008 war et engem Team vun amerikaneschen an italieenesche Fuerscher gelongen, d'Mass vum Schwaarze Lach am Galienzentrum ze bestëmmen. Mat Hëllef vum Röntgensatellit Chandra hate si d'Temperatur vum waarme Gas am Zentrum vum M60 gemooss, wouraus een indirekt d'Mass vum Schwaarze Lach ofleede kann (wat méi waarm de Gas, ëmsou méi schwéier d'schwaarzt Lach). Et gouf e Schwaarzt Lach mat enger Mass vun 3,4 Milliarde Sonnemasse gemooss, wat méi wéi dem Dausendfache vum Schwaarze Lach am Zentrum vun eiser Mëllechstrooss entsprécht.
Kuckt och
änneren
Um Spaweck
änneren| Commons: Messier 60 – Biller, Videoen oder Audiodateien |
Referenzen
änneren- ↑ 1,0 1,1 1,2 1,3 NASA/IPAC Extragalactic Database
- ↑ 2,0 2,1 SEDS
- ↑ de Vaucouleurs et al.: "Third Reference Catalogue of Bright Galaxies", Springer-Verlag, New-York (1991)
- ↑ 4,0 4,1 4,2 de Grijs, R.; Robertson, A. R. I.: Arp 116: interacting system or chance alignment?, 2006
- ↑ Franco-Balderas, A.; Hernández-Toledo, H. M.; Dultzin-Hacyan, D.; Rosado, M.: BVRI Surface Photometry of Mixed Morphology Pairs of Galaxies. III. The Third Data Set, 2005
- ↑ SEDS: Supernova 2004W in M60