Algol (Stär)
Den Algol (arabesch) ass ee verännerleche Stär an den zweethellste Stär (beta) am Stärebild vum Perseus (β Persei). Hien ass op enger Distanz vun zirka 93 Liichtjoer.
| Algol β Persei | |
| Stärebild: | Perseus (Per) |
| Daten (Equinoxe J2000.0) | |
| Rektaszensioun | 03h 08m 10.1s |
| Deklinatioun | + 40° 57' 20" |
| Visuell Magnitude | + 2,12 mag |
| Spektralklass: | B8 V / K2 IV / A5 V |
| Verännerleche Stärentyp | EA |
| Astrometrie | |
| Radialvitess: | + 4,0 ± 0,9 km/s |
| Parallax | 35,13 ± 0,90 mas |
| Distanz | 93 ± 2 Lj |
| Absolut Hellegkeet | - 0,15 mag |
| Physikalesch Eegenschaften | |
| Mass: | 3,59 M☉ / 0,79 M☉ / 1,67 M☉ |
| Radius: | 2,3 R☉ / 3,0 R☉ / 0,9 R☉ |
| Liichtkraaft: | 98 L☉ / 3,4 L☉ / 4,1 L☉ |
| Uewerflächentemperatur | 2800 K |
| Aner Bezeechnungen | |
| ADS | ADS 2362 |
| Bayer-Bezeechnung | β Persei |
| Bonner Duerchmusterung | BD +40°673 |
| Bright Star Catalogue | HR 936 |
| Henry-Draper-Katalog | HD 19356 |
| Hipparcos-Katalog | HIP 14576 |
| SAO-Katalog | SAO 38592 |
| Tycho-Katalog | TYC 2851-2168-1 |
 | |
Déi visuell Magnitude vum Stär wiesselt iwwer en Zäitraum vun 2 Deeg, 20 Stonnen, 48 Minutten a 56 Sekonnen tëscht 2,3m an 3,5m.
Streng geholl handelt et sech net ëm en eenzele Stär, mä ëm ee Méifachstäresystem. Een Zentralstär mat der honnertfacher Hellegkeet vun eiser Sonn gëtt ëmkreest vun engem klengen Niewestär. Ëm dee System kreest nees e weidere Stär. De Wiessel vun der visueller Hellegkeet entsteet, wann de liichtschwaachen Niewestär den Zentralstär verdeckt. No der Charakteristik vum Liichtbou vum Algol hunn d'Algolstären hiren Numm, eng Klass vu Bedeckungsverännerlechen.
D'Hellegkeetsännerunge goufe scho 1669 vum Geminiano Montanari entdeckt. D'Period ass awer eréischt vum John Goodricke am Joer 1783 bestëmmt ginn. Deen interpretéiert d'Hellegkeetsvariatioun, richteg, als Bedeckung vum Haaptstär duerch e Begleeder.
Den Numm Algol ass en ursprénglechen arabeschen Numm a gëtt zanter dem 10. Joerhonnert benotzt. Et ass ee vun den eelsten arabesche Stärennimm an der westlecher Welt. Virdrun ass de Stär och nach vum Ptolemäus Gorgonea Prima (latäin fir „éischte Stär vum Gorgo“) genannt ginn, no enger griichescher Soo, an där de Perseus den erofgeschloene Kapp vun der Medusa, enger vun den dräi Gorgonen, an den Hänn hält.
- Rektaszensioun: 3h08m10.10s
- Deklinatioun: +40°57'20.0"
