AVL-Linn 22

D'AVL-Linn 22 ass eng Buslinn vun de Stater Bussen. Se fiert zanter dem 13. Dezember 2020 um Trajet Cloche d'or, P+R Stade de Luxembourg - Gare - Stad - Areler Strooss - Stroossen, Primeurs an zeréck.

AVL-Linn 22

E Bus vun der Linn 22 fiert an d'Arsenalstrooss eran (Mäerz 2017).
Cloche d'Or - Stroossen
Bedreiwer	Autobus de la Ville de Luxembourg
vu(n)	Stroossen, Primeurs 49°37'11,6256"N, 6°5'38,0461"O
op	Cloche d'Or, P+R Stade de Luxembourg 49°34'35,58"N, 6°6'34,42"O
iwwer	Stroossen, Belair, Uewerstad, Garer Quartier, Bouneweg-Süd, Gaasperech
Bustyp	Gelenkbus
opgaang	13. Dezember 2020
technesch Donnéeën allkéiers fir Aller a Retour
Längt	9.050 m, 8.910 m
Fuerzäit	33 min, 32 min
mëttel Vitess	16,45 km/h, 16,71 km/h

D'Linn 22 huet 17 Halten um Aller an der 18 um Retour. Se fiert vu méindes bis freides all 10 Minutten, samschdes a sonndes fiert se net.

Duerch eng Zesummenaarbecht mat der Gemeng Stroossen fiert d'Linn 22 iwwer d'Gemengegrenz vun der Haaptstad bis an d'Rue des Primeurs zu Stroossen; se zielt net zu de Linnen, déi vum Mobilitéitsministère subventionéiert ginn.

Halten op der Linn 22

(D'Nimm vun den Halte si sou uginn, wéi se am offizielle Fuerplang publizéiert sinn.)

	Linn 21	Bemierkung
	P+R Stade de Luxembourg	; gemeinsamen Terminus mat der Linn 5
	Stade de Luxembourg
	Schaarfen Eck
	Émile Bian
	Leonardo Da Vinci
	Hildegard von Bingen
	Francophonie
	Gare Rocade	Gare Lëtzebuerg
	Wallis
	F. D. Roosevelt
	Hamilius
↑	Wampach
	Stäreplaz / Étoile
	Nicolas Simmer
	Rue d'Ostende
	Wandmillen
	Kannerklinick / Maternité
	Strassen, Primeurs

Entwécklung vun der Linn 22

Mat der selwechter Linnennummer goufe follgend Trajete gefuer:

• virun 2003: et gouf keng Linn mat der Nummer 22
• 2003 - 2008: P+R Bouillon - Gare - Stad an zeréck
• 2008 - 31.05.2015: P+R Lëtzebuerg-Süd - Gare - Stad - Centre Hospitalier - Stroossen, Primeurs
• 01.06.2015 - 18.02.2018: Gare - Stad - Centre Hospitalier - Stroossen, Primeurs
• 19.02.2018 - 14.10.2018: P+R Lëtzebuerg-Süd - Gare - Stad - Areler Strooss - Stroossen, Primeurs

Mat der Ouverture vum Lycée Vauban gouf den Trajet am Februar 2018 vun der Gare bis op de P+R Lëtzebuerg-Süd verlängert, fir eng nei Halt beim Campus francophone unzefueren.

• 14.10.2018 - 12.12.2020: Cloche d'or, Guillaume Kroll - Gare - Stad - Areler Strooss - Stroossen, Primeurs

Am Oktober 2018 gouf den Terminus vum P+R Lëtzebuerg-Süd op d'Cloche d'or verluecht. Vum selwechten Datum u gouf och, am Kader vum Tramsschantjen, d'Streck an der Uewerstad ugepasst: d'Linn 22 ass vun do un a Richtung Cloche d'or net méi duerch d'Arsenalstrooss, ma iwwer d'Montereysavenue gefuer.

Wéinst dem Tramsschantje am Garer Quartier ass den Trajet tëscht der Gare an der Uewerstad den 3. November 2019 iwwer d'Al Avenue, d'Al Bréck an de Boulevard Roosevelt geluecht ginn amplaz iwwer d'Nei Avenue an d'Nei Bréck.

Um Spaweck

Commons: Ligne 22 (AVL) – Biller, Videoen oder Audiodateien

• Linn 22 op der Säit vun der Stad Lëtzebuerg