Boulevard Franklin-D.-Roosevelt (Stad Lëtzebuerg)

De Boulevard Franklin-D.-Roosevelt ass e Boulevard an der Uewerstad vun der Stad Lëtzebuerg. E leeft vun der Neier Bréck bei der Bréisseler Plaz aus a Richtung Südosten, laanscht d'Gëlle Fra bis bei d'Al Bréck.

Boulevard Franklin-D.-Roosevelt

Lëtzeb. Numm	Boulevard Roosevelt
Situatioun
Land	Lëtzebuerg
Gemeng	Lëtzebuerg
Quartier(en)	Uewerstad
Deel vun	Nationalstrooss 50
Postcode	L-2450
Koordinaten	49°36'32,65"N, 6°7'51,89"O
Morphologie
Längt	650 m
Héicht i. M.	297 m
Geschicht
Genannt no	Franklin D. Roosevelt

Geschicht

De Boulevard gouf vum Staat an den 1870er Joren, nom Schleefe vun der Festung Lëtzebuerg, op den ale Festungswierker vun de Bastioune Beck a Jost ugeluecht. De Gemengerot huet der Strooss den 21. Juli 1877 den Numm „Boulevard du Viaduc” ginn, als Referenz op d'Al Bréck (Viaduc). Den Numm gouf 1925 confirméiert.

Den 23. Abrëll 1945 gouf de Boulevard dunn ëmgenannt a krut den Numm vum 32. President vun de Vereenegte Staate vun Amerika, Franklin D. Roosevelt (1882-1945), deen eng entscheedend Roll gespillt hat fir d'Victoire vun den Alliéierte géintiwwer Nazidäitschland. 1968 huet de Stater Schäfferot decidéiert, d'Stroosseschëld mam Text „Président des U.S.A. 1882 - 1945” ze komplettéieren.

Gebaier a Kuckeswäertes um Boulevard Roosevelt

vun der Bréisseler Plaz a Richtung Al Bréck:

ongerued Säit

• Casino Lëtzebuerg
• Residenz vum franséischen Ambassadeur
• Hotel Cravat
• fréiere Jesuittekolléisch
• Kathedral
• Léiwebuer
• Kaddisch Monument an d'Skulptur Prométhée / Lilith
• Fréiert Klouschter vun der Congrégation Notre-Dame
• Cité judiciaire
• Kanounenhiwwel mam Nationalmonument vun der Lëtzebuerger Solidaritéit

gerued Säit

• Gëlle Fra
• Hôtel des Terres Rouges
• Villa Majerus (haut d'Residenz vum britteschen Ambassadeur)

Biller

• 
  De Casino.
• 
  D'Residenz vum franséischen Ambassadeur.
• 
  D'Cité judiciaire.
• 
  D'Residenz vum britteschen Ambassadeur.

Um Spaweck

Commons: Boulevard Franklin-D.-Roosevelt (Stad Lëtzebuerg) – Biller, Videoen oder Audiodateien