Nicolas Liez (Moler)
|
Dësen Artikel beschäftegt sech mat dem Moler Niocolas Liez. Fir Persoune mat dem selwechten Numm, kuckt wgl. Nicolas Liez. |
Den Nicolas Liez, gebuer de 14. Oktober 1809 zu Neufchâteau am franséischen Departement Vosges, a gestuerwen den 30. August 1892 zu Dresden, war e Lithograph, Moler, Zeechner an Enseignant.
| Nicolas Liez | |
|---|---|
| Gebuer |
14. Oktober 1809 Neufchâteau |
| Gestuerwen |
30. August 1892 Dresden |
| Nationalitéit | Lëtzebuerg |
| Aktivitéit | Moler, Sculpteur |
 | |
Liewen änneren
Dem Nicolas Liez säi Papp Jean-Joseph Liez, dee vun Neufchâteau an de Vogese staamt, war eng Zäit laang an der franséischer Garnisoun an der Stad Lëtzebuerg stationéiert. Hie goung nees a seng Heemecht zeréck an huet sech do 1799 mat der Lëtzebuergerin Marie Weber bestuet. Wéi dee klenge Nicolas véier Joer al gouf ass d'Famill op Lëtzebuerg geplënnert.[2]
Mat 16 Joer goung den Nicolas Liez beim Jean-Baptiste Fresez an d'Léier an ass an d'Zeecheschoul vun der Gemeng gaangen. 1827 huet hie seng éischt Medail zu Lëtzebuerg gewonnen, 1830 eng aner op der Akademie vu Mons.
1832 gouf den Nicolas Liez vum lëtzebuergesche Lithograph Reuter agestallt an huet ugefaangen, um Album « Voyage pittoresque dans le Grand-Duché de Luxembourg » matzeschaffen. Sou gouf den Direkter vun der Villeroy & Boch Faïencerie Boch, de Jean-François Boch, op hien opmierksam. De Boch huet hie vun 1837 un als Graveur bei sech schaffe gelooss an huet en 1840 op Paräis bei de Landschaftsmoler Hubert an d'Léier geschéckt, speziell fir sech an d'Aquarellskonscht eranzeschaffen. De Liez huet 1851 d'Faïencerie verlooss fir säin eegenen Atelier Um Piquet opzemaachen. Vun 1855 u war hien Enseignant fir Zeechnen, Physik a Chimie. No senger Hochzäit 1857 mat der Anne Wirths huet hie säin Atelier engem vu senge Schüler iwwerlooss. Nach ëmmer vum Beruff faszinéiert huet hien d'Faïencerie vun Däitsch-Oth kaaft, mä huet sech séier ruinéiert. Nodeem en dat Ganzt nees 1870 verkaaft huet gouf hien Direkter vun der Fabrick vu Villeroy & Boch zu Dresden. Do ass hien 1892 gestuerwen, nodeem hie sech a Sachsen e gudde Ruff als Moler gemaach hat.
Den Nicolas Liez war de Grousspapp vum Auteur an Zeitungsredakter Nicolas Liez (1864-1941).
Um Lampertsbierg an der Stad Lëtzebuerg ass d'Rue Nicolas Liez no him benannt.
Wierk (Auswiel) änneren
- Vue de la ville de Luxembourg depuis le Fetschenhof. 1870, Ueleg op Toile, 78 × 118 cm. Nationalmusée fir Geschicht a Konscht an der Stad Lëtzebuerg.
Illustratiounen änneren
-
Déifferdenger Schlass -
Buerg Befort -
Buerg Buerschent -
Buerg Esch-Sauer -
Buerg Berg -
Vue op Klierf -
Vue op Fëschbech -
D'Schibbreger Schlass -
Al Aansebuerg -
Schlass Mënsbech -
Buerg Fiels -
Buerg Veianen -
Buerg Huelmes -
Zolwerknapp -
Hesper Buerg -
Buerglënster -
Buerg Huelmes -
Schibbreg -
Zitadell vu Bouillon -
Zitadell vun Dummeldeng -
Kinneklech Päerdsställ Walfer -
Hôtel du gouvernement -
Buerg Buerschtent -
Greinskapell -
Wäiliespavillon zu Dräibuer -
Buerschter Buerg -
Schlass Mansfeld -
Pabeierfabrick Lamort Senningen -
Arel -
Esch-Sauer -
Laroche (B) -
D'Rue des Tanneurs (Plaetisgaass) -
Schläifmillen -
Dall bei Miersch -
Stad Lëtzebuerg -
Bréck am Grond -
Schlass Schëndels -
Wëlzer Schlass
Literatur änneren
- Anonym, 1963. Étapes de la peinture luxembourgeoise. 19e siècle: [Exposition] du 1er au 16 juin 1963. Musée d'histoire et d'art, Luxembourg. Impr. Linden, Luxembourg. Follgend Artiste gi behandelt: Jean-Baptiste Fresez, Mathieu Kirsch, Hilaire Kreins, Jacques Sturm, Jean-Nicolas Bernard, Nicolas Liez, Jean-Auguste Marc, Pierre Brandebourg, Michel Sinner, Michel Engels, Michel Weyler, Frantz Seimetz, Thérèse Glaesener-Hartmann, Ferdinand d'Huart, Jean-Pierre Huberty, Alphonse Jungers, Dominique Lang
- Liez, Nicolas, 1933. Voyage pittoresque dans le Grand-Duché de Luxembourg. Luxembourg: Linden & Hansen. 50 f. ; 30 × 42 cm. [Reprod. photomécanique de l'éd. de: Luxembourg, 1834. Collab.: Fr. clément, J.-P. Schmit, J.B. Fresez ; préf. Marcel Noppeney]
- Liez, Nicolas, 1968. Voyage pittoresque à travers le Grand-Duché de Luxembourg. [éd.: Edouard Kutter jr., préf. par Pierre Grégoire] imprimé aux Pays-Bas. 1 vol. (non paginé). [Reprod. photomécanique de l'Édition originale de N. Reuter & Cie. ; V. Hoffmann, 1834, Luxembourg]
- Noppeney, Marcel, 1933. L'oeuvre multiple de Nicolas Liez. [32 S.] In: Liez, Nicolas, 1933. Voyage pittoresque dans le Grand-Duché de Luxembourg. Luxembourg: Linden & Hansen.
Um Spaweck änneren
| Commons: Nicolas Liez – Biller, Videoen oder Audiodateien |
Referenzen an Notten änneren
- ↑ Kuckt och d'Bild vum William Turner aus den 1830er Joren, dat deen och vum Fetschenhaff aus gemolt huet.
- ↑ Quell vun dësem Kapitel: Noppeney 1933 in: Liez 1933, zitéiert vum Pierre Gregoire in Liez 1968 an der Literatur.