Veritate (Stär)

Veritate
Stärebild:	Andromeda (And)
Daten (Equinoxe J2000.0)
Rektaszensioun	23^h 31^m 17,41346^s
Deklinatioun	+ 39° 14' 10,3092"
Visuell Magnitude	+ 5,22 mag
Spektralklass:	K0III
Astrometrie
Radialvitess:	-59,99 ± 0,2 km/s
Parallax:	12,63 ± 0,27
Distanz	249,18 ± 13,37 Lj.
Temperatur	4.813
Physikalesch Eegenschaften
Mass:	2,2 ± 0,2 M☉
Radius:	11 ± 1 R☉
Metallizitéit:	-0,24 dex
Aner Bezeechnungen
Bonner Duerchmusterung	BD +38°5023
Bright Star Catalogue	HR 8930
Flamsteed-Bezeechnung	14 Andromedae
Henry-Draper-Katalog	HD 221345
Hipparcos-Katalog	HIP 116076
2MASS	J23311742+3914102
SAO	SAO 73311
Tycho-Katalog	TYC 3231/323/1

De Veritate (Flamsteed-Bezeechnung: 14 Andromedae, ofgekierzt 14 And) ass e Roude Ris am Stärebild Andromeda. E läit ronn 249 Liichtjoer vun eiser Sonn ewech. Et ass e Stär vun der 5. Gréisst a bei gudde Wiederkonditiounen nach sou just mat bloussem A ze gesinn. De Veritate huet e Planéitesystem mat op d'mannst engem bekannten Exoplanéit.

Den Numm

Den onopfällege Stär war bis 2015 haaptsächlech ënner senger Flammsteed-Bezeechnung bekannt an hat keen historeschen eegenen Numm. No engem ëffentleche Concours vun der Internationaler Astronomescher Unioun fir den Numm vun Exoplanéiten an hiren Zentralstären, krut de 14 Andromedae de 15. Dezember 2015 den offiziellen Numm Veritate, ofgeleet vum laténgesche Wuert "Veritas" fir "Wouerecht". Deen ufanks virgeschloenen Numm Veritas, vum Thunder Bay Centre vun der Royal Astronomical Society of Canada gouf wéinst dem selwechten Numm vum Asteroid (490) Veritas net akzeptéiert.

Eegenschaften

De Veritate ass e Roude Ris mat der Spektralklass K. Hien huet méi wéi déi duebel Mass vun eiser Sonn an ongeféier den eeleffache Sonneradius. Et ass méiglecherweis och e verännerleche Stär. An der Vergaangenheet gouf en als Haaptreiestär mat der Spektralklass A oder F notéiert.

Planéitesystem

Am Joer 2008 gouf mat der Radialvitessmethod e Planéit beim Stär fonnt, dee bal déi fënneffach Mindestmoosse vum Jupiter huet. Den Exoplanéit krut 2015 vun der IAU den offizielle Numm Spe.

Méi Informatioun doriwwer am Artikel: Spe (Exoplanéit).

Kuckt och

Portal Astronomie