Visions of Europe

Visions of Europe ass en europäesche Film mat 25 Kuerzfilmsegmenter vu 25 europäesche Regisseuren aus dem Joer 2004.

Visions of Europe

Film
Produktiounsland	Däitschland, Tschechesch Republik, Éisträich, Belsch, Zypern, Dänemark, Estland, Finnland, Frankräich, Griicheland, Ungarn, Irland, Italien, Lettland, Litauen, Lëtzebuerg, Malta, Holland, Polen, Portugal, Slowakei, Slowenien, Spuenien, Schweden, Vereenegt Kinnekräich
Première	1. Mee 2004
Dauer	140 min
Faarf	Faarweg
Format	16:9
Originalsprooch	Däitsch, Dänesch, Portugisesch, Slowakesch, Schweedesch, Englesch, Griichesch, Italieenesch, Litauesch, Polnesch, Hollännesch, Franséisch, Lëtzebuergesch, Sloweenesch, Tschechesch, Spuenesch, Malteesesch, Tierkesch
Ekipp
Regie	verschidde fir all Film
Dréibuch	verschidde fir all Film
Fotografie	verschidde fir all Film
Schnëtt	verschidde fir all Film
Produktiouns- gesellschaft	Zentropa, Arte, ZDF
Schauspiller
verschidde fir all Film
Filmportal - Filmer no Joren - Film no Länner - Film no Genre

Hannergrond

D'Iddi fir de Film kënnt vum dänesche Filmregisseur Lars von Trier. En ass den 1. Mee 2004 fir d'éischt Kéier op der Televisioun gelaf, de selwechten Dag, wéi 10 nei Länner EU-Memberstaate goufen. Fir de Film hu 25 Regisseuren a Regisseurinnen aus 25 europäesche Länner e Segment vu 5 Minutte gedréint. D'Thema war "Europa" an d'Filmformat 16:9. Fir de Rescht hate si absolut kënschtleresch Fräiheet.

De Film ass op enger Rei Filmfestivalle gelaf, dorënner um Filmfestival vu Locarno.

Iwwersiicht

• Däitschland: Die alten bösen Lieder, vum Fatih Akin
• Éisträich: Mars, vum Barbara Albert
• Litauen: Children Lose Nothing vum Sharunas Bartas
• Lëtzebuerg: The Language School vum Andy Bausch
• Dänemark: Europe Does Not Exist vum Christoffer Boe
• Italien: Anna Lives in Marghera vum Francesca Comencini
• Belsch: Self Portrait vum Stijn Coninx
• Frankräich: Paris by Night vum Tony Gatlif
• Tschechesch Republik: Unisono vum Sasa Gedeon
• Zypern: My Life on Tape vum Christos Georgiou
• Griicheland: Room for All vum Constantine Giannaris
• Vereenegt Kinnekräich: European Showerbath vum Peter Greenaway
• Spuenien: Our Kids vum Miguel Hermoso
• Estland: Euroflot vum Arvo Iho
• Finnland: Bico vum Aki Kaurismäki
• Slowenien: Europa vum Damjan Kozole
• Lettland: It'll Be Fine vum Laila Pakalnina
• Malta: The Isle vum Kenneth Scicluna
• Slowakei: The Miracle vum Martin Sulík
• Polen: Crossroad vum Malgorzata Szumowska
• Ungarn: Prologue vum Béla Tarr
• Schweden: The Yellow Tag vum Jan Troell
• Holland: Euroquiz vum Theo van Gogh
• Portugal: Cold Wa(te)r vum Teresa Villaverde
• Irland: Invisible State vum Aisling Walsh

Dat lëtzebuergescht Segment

Dat lëtzebuergescht Segment The Language School gouf vum Andy Bausch geschriwwen, gedréint a produzéiert.

Et geet ëm en Zouhälter (gespillt vum Hervé Sogne), deen eng Rei litauesch Prostituéiert (Runa Egilsdóttir, Gintare Parulyte, Mendaly Ries, Claudia Girotto, Sarah Cottani) an e Sproochecours bréngt, wou en EU-Beamten (Marco Lorenzini) hinne lëtzebuergesch Ausdréck bäibréngt, déi si fir hir Aarbecht brauchen. E Pechert (Franck Sasonoff) ass an eng vun de Fraen, d'Ludmilla, verléift. Hie geet an d'Klass niewendrun, wou e Mann enger Grupp Erwuessene bäibréngt, wéi een e Pechert op Lëtzebuergesch beleidegt wann een e Protokoll kritt. Ee vun de Schüler (Christian Kmiotek) schléit dem Pechert eng op de Bak. Hie geet op d'Toilett well seng Nues blutt a begéint dem Ludmilla am Gank. Si kësse sech. Den Zouhälter rifft de Pechert, mä déi aner Frae stelle sech virun de Pechert an d'Ludmilla fir se ze schützen.

De Serge Tonnar huet d'Filmmusek geschriwwen, de Klaus Peter Weber d'Kameraarbecht gemaach an de Misch Bervard de Schnëtt.

Lëtzebuerger Filmsegment op YouTube

• The Language School vum Andy Bausch op YouTube