Fédération nationale des éclaireurs et éclaireuses du Luxembourg
D'Fédération nationale des éclaireurs et éclaireuses du Luxembourg, kuerz FNEL, ass déi laizistesch Scoutsorganisatioun vu Lëtzebuerg. D'FNEL gouf den 30. Juli 1916 am Café du Commerce an der Stad vun eenzele Scoutsgruppe gegrënnt.
Geschicht
änneren
1916: Den 30. Juli gëtt Fédération nationale des éclaireurs du Luxembourg grënnt, mat dem Zil, eenzel Scoutstruppen am ganze Land zu grënnen.
1919: D'FNEL zitt vill Memberen aus dem antiklerikalen Aarbechtermileu un a gëtt sech dowéinst laizistesch Statuten.
1966: D'Fédération nationale des éclaireurs du Luxembourg hëlt och Meedercher an hir Beweegung op.
1976: D'Federatioun gëtt sech hiren neien Numm Fédération nationale des éclaireurs et éclaireuses du Luxembourg.
2008: De fréiere Logo mat den heednesche Symboler (deemools en Zeeche géint déi chrëschtlech Scoute vun de Lëtzebuerger Guiden a Scouten) gëtt duerch en neien, neutrale Logo ersat an nei, gro Hiemer ginn agefouert.
2012: D'AGGL, Association of Girl Guides of Luxembourg, gëtt un d'FNEL affiliéiert.
Ziler an Aktivitéiten
änneren"But the real way to get happiness is by giving out happiness to other people.
Try and leave this world a little better than you found it...[1]"
D'FNEL wëllt dozou bäidroen datt jonk Leit hir eegen Entwécklung selwer an d'Hand huelen, fir datt si sech zu selbstänneg, responsabel an engagéiert Bierger entwéckelen. D'FNEL bitt de verschiddenen Altersgruppen ugepasste Programmer un, déi sech haaptsächlech a klengen Ekippen an der Natur ofspillen. D'Motto vun der FNEL ass: "Trei zum Land". D'FNEL ass fir jiddwereen op.
D'Aktivitéite vun der FNEL baséieren op Wäerter a Methode vum Scoutissem:
- Frëndschaft
- Solidaritéit
- Toleranz
- Demokratie
- Spill a Spaass
- Learning by doing
- Benevolat
Dozou gehéiere geméiss den Iddie vum Baden-Powell och d'Scoutsverspriechen an d'Scoutsgesetz[2]:
- De Scout engagéiert sech fräiwëlleg fir d'Wäerter an d'Ziler vum Scoutissem.
Opbau vun der FNEL
änneren
Gruppen
ännerenD'FNEL besteet aus ënnerschiddlech grousse Gruppen, déi geographesch organiséiert sinn. Déi meescht Gruppe benenne sech no engem Déier.
Branchen
ännerenDéi eenzel Gruppen hirersäits bestinn aus de follgende Branchen:
| Beaver | Meedercher a Jonge vu 6 bis 8 Joer |
| Wëllefcher | Meedercher a Jonge vun 8 bis 11 Joer. |
| Scouten / Guiden | Meedercher a Jonge vun 11 bis 15 Joer |
| Explorer | Jonker tëscht 15 an 18 Joer. |
| Rover | Erwuessener tëscht 19 bis 26 Joer |
Direktiounskommitee
änneren
|
Dëst Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, datt den Opbau net der Wikiformatéierung entsprécht oder datt den Inhalt net ganz korrekt ass oder net explizit genuch ass, sou wéi en den Ament do steet. |
Den Direktiounskommitee besteet aus de Commissairen an Adjointe vun den ënnerschiddleche Commissariater souwéi dem Nationalpresident, dem Generalsekretär a Generaltresorier. Aktuell[Stand:15. Mäerz 2020] si follgend Scoute Member vum CoDir:
| Funktioun | Numm | Totem | Groupe | Mandat vun | Mandat bis |
|---|---|---|---|---|---|
| Président National | François Turk | CBDM | 2017 | 2020 | |
| Vice Président National | Philippe Depoorter | Unité Robert Schuman | 2018 | 2021 | |
| Commissaire Général | Raoul Wirion | Kea engagé | Les Aigles | 2018 | 2021 |
| Commissaire Général adjoint | Georges Krombach | Renert créatif | Les Aigles | 2018 | 2021 |
| Commissaire Général adjoint | Tom Girardin | Caracal réfléchi | Les Bisons futés | 2018 | 2021 |
| Commissaire au Programme | Diogo Costa | Gréng Scouten a Guiden | 2017 | 2020 | |
| Commissaire au Programme adjoint | Julie Bové | Colibri perfectionniste | Mamer Wiselen | 2017 | 2020 |
| Commissaire au Programme adjoint | Tom Leclerc | Maral songeur | Mamer Wiselen | 2019 | 2022 |
| Commissaire à la Formation | Chantal Hermes | Alopex timide | Caper Piwitschen | 2017 | 2020 |
| Commissaire à la Formation adjoint | David Burg | Wapiti meneur | Caper Piwitschen | 2017 | 2020 |
| Commissaire International | Laurence Vervier | Koala serviable | Daereldéieren | 2017 | 2020 |
| Commissaire International adjoint | Caroline Prost | Simba sensible | Les Aigles | 2017 | 2020 |
| Chargé à la Communication | Felix Retter | Mungo impatient | Les Aigles | 2019 | 2022 |
| Trésorière Générale | Martine Schramer | Rammericher Fräschen | 2017 | 2020 | |
| Secrétaire Générale | Pit Dolizy | Ours bonvivant | Kiewerlecken | ||
| Permanent | Philippe Berscheid | Eechternacher Quaichlecken |
De CoDir gesäit sech eemol de Mount a geréiert den Alldag vun der Fédératioun. De Comité de Direction kuckt no de Gruppen, dem Programm, der Formatioun, de Finanzen, de Kaderen, der Kommunikatioun, dem Internationalen an der Strategie a sicht nei Léisunge fir d'Fédératioun nohalteg no vir ze bréngen.
Amicale
ännerenD'Amicale vun der FNEL besteet aus fréiere Memberen, Elteren a Frënn. Si organiséiert Fester a gëtt der Organisatioun finanziell Hëllef.
Formatioun
ännerenD'Cheffe vun der FNEL schaffe benevol. Si maachen eng vum Staat unerkannte Formatioun[3] vu ronn 12 Deeg, déi sech iwwer 2 Joer erstrecken.
D'Formatioun besteet aus prakteschen an theoreetesche Coursen, z. B.:
- Wéi organiséieren ech e Camp, eng Versammlung?
- D'Entwécklung vum Kand oder vum Jugendlechen.
- Animatioun
- Administratioun
- Kommunikatioun
- Naturpedagogik
- Scoutstechniken:
- Kaart a Kompass
- Hygiène
- Spiller
- Lidder
- Bastelen
- Kniet
Kuckt och
änneren- Scouten zu Lëtzebuerg
- Home Lucien-Wercollier, de Chalet vun den Däreldéieren um Briddel
- Lëtzebuerger Guiden a Scouten (LGS), déi pluralistesch Scouten zu Lëtzebuerg
Um Spaweck
änneren| Commons: Fédération nationale des éclaireurs et éclaireuses du Luxembourg – Biller, Videoen oder Audiodateien |
Referenzen
änneren- ↑ "... and when your turn comes to die, you can die happy in feeling that at any rate you have not wasted your time but have done your best". Dëst ass en Auszuch aus Notizen, déi nom Baden-Powell sengem Doud fonnt gi sinn. Cf. d'Notizen op wikisource
- ↑ D'Scoutsgesetz ass keen Zwang, mä weist him d'Ziler déi hie soll ustriewen.
- ↑ De Brevet d'animateur respektiv de Brevet d'aide animateur.