Eurovision Song Contest 2016

61. Editioun vum europäesche Museksconcours
61. Eurovision Song Contest
Motto Come together
Datum 10., 12. a 14. Mee 2016
Stad Stockholm (Schweden)
Gebai Ericsson Globe
Gewënner Jamala,
Ukrain
Zuel vu Länner 42
Nei Participatiounen keng
Moderatioun Måns Zelmerlöw, Petra Mede
Interval Act Halleffinall 1: The grey people
Halleffinall 2: Man meets machine
Finall: Justin Timberlake: Can't Stop The Feeling!
Ofstëmmungsreegel All Land verdeelt, op Basis vum Jury a vum Televoting, zweemol 12, 10, 8, 7, 6, 5, 4, 3, 2 an 1 Punkt un déi zéng bescht Lidder.

Den 61. Eurovision Song Contest hat seng zwou Halleffinallen den 10. an 12. Mee, a seng Finall de 14. Mee 2016 am "Ericsson Globe" an der schweedescher Haaptstad Stockholm. D'Presentateure fir de Concours sinn de Måns Zelmerlöw, Gewënner vum Eurovision Song Contest 2015, an d'Petra Mede, dat schonn 2013 den ESC moderéiert hat.

Ericsson Globe

Lëtzebuerg hat och, wéi déi 22 Joer virdru, fräiwëlleg net matgemaach. Och Portugal, Monaco, Andorra, d'Slowakei an d'Tierkei hu fräiwëlleg net matgemaach. Rumänien gouf vum Organisateur disqualifizéiert wéinst finanzielle Problemer. Australien war no 2015 fir déi zweete Kéier nees dobäi (als associéiert EBU-Member). Am Ganzen hunn 42 Länner matgemaach.

Verschidden Interprete ware scho virdrun emol eng Kéier dobäi, den Deen fir Bosnien an Herzegowina 2004, d'Poli Genowa fir Bulgarien 2011, d'Greta Salóme fir Island 2012 (mam Jónsi), den Donny Montell fir Litauen 2012, d'Ira Losco fir Malta 2002, d'Kaliopi fir d'Republik Mazedonien 1996 an 2012, de Bojan Jovović vun der Grupp Highway fir Montenegro 2005 (Member vun No Name, fir Serbien a Montenegro) an de Johannes Nymark vun der Grupp Lighthouse X fir Dänemark 2014 (Begleedungsgesank vum Emma Marrone fir Italien).

Zanter 2008 gëtt et e puer Deeg virun der Finall zwou Halleffinallen, aus deenen déi zéng éischtplacéiert d'Finall erreechen. Sechs weider Länner si scho fir d'Finall qualifizéiert: déi Grouss Fënnef (Big-5) vun der European Broadcasting Union (Däitschland, Frankräich, Groussbritannien, Italien a Spuenien) an och d'Land dat d'Organisatioun iwwerholl hat, déi Kéier Schweden.

Den 18. Februar 2016 huet d'EBU eng Ännerung ugekënnegt an der Manéier fir d'Punkten ze verginn, fir datt d'Ofstëmmung méi transparent gëtt a bis zum Schluss méi spannend bleift. An dësem Joer ginn d'Punkte vun der Jury a vun der Telefonofstëmmung net pro Land kombinéiert, mä separat verginn. Domat vergëtt dann all Land zweemol zwielef Punkten, also duebel esouvill wéi zanter 1975 üblech. D'Vertrieder vun de Länner ginn nëmmen nach déi 12 Punkte vum beschtplazéierte Lidd vun der Jury un, d'Punkten 1 bis 8 an di 10 Punkte ginn dobäi, wéi zum Deel schonn an de Jore virdrun, nëmmen ageblennt. Nodeem d'Punkte vun der Jury all vergi goufen, ginn all Punkten aus dem Televoting vun alle Länner kombinéiert. D'Plazéierunge 26-11 vum Publikumsvoting ginn ageblennt. D'Moderatore liesen dann déi kombinéiert Punkte vir, ugefaange mam Land, mat de mannste Punkten.

Déi éischt Plaz krut d'Vertriederin vun der Ukrain, d'Jamala mam Lidd 1944 mat engem Total vu 534 Punkten an engem Virspronk vun 23 Punkte virum Dami Im (Australien). Déi drëtt Plaz krut de Sergei Lasarew, dee fir Russland ugetruede war.

Fir d'Ukrain war et déi 2. Kéier no 2004, datt et de Grand Prix gewonnen hat, an déi meeschte Punkten am Televoting vum Publikum krut.

Halleffinallen änneren

1. Halleffinall änneren

Déi éischt Halleffinall war den 10. Mee 2016.

Déi genee Punkteverdeelung gouf eréischt no der Finall bekannt gemaach fir eng Beaflossung an der Finall ze vermeiden. An d'Finall koumen déi faarweg markéiert Länner.

Ofstëmmungsberechtegt bei där Halleffinall waren d'Länner déi matgemaach hunn an zousätzlech Frankräich, Schweden a Spuenien.

Startnr. Land Interpret Titel Plaz Punkten
01 Finnland Sandhja Sing It Away 15 51
02 Griicheland Argo Utopian Land 16 44
03 Moldawien Lidia Isac Falling Stars 17 33
04 Ungarn Freddie Pioneer 04 197
05 Kroatien Nina Kraljić Lighthouse 10 133
06 Holland Douwe Bob Slow Down 05 197
07 Armenien Iveta Mukutschjan LoveWave 02 243
08 San Marino Serhat I Didn't Know 12 68
09 Russland Sergei Lasarew You Are the Only One 01 342
10 Tschechesch Republik Gabriela Gunčíková I Stand 09 161
11 Zypern Minus One Alter Ego 08 164
12 Éisträich ZOË Loin d'ici 07 170
13 Estland Jüri Pootsmann Play 18 24
14 Aserbaidjan Samra Miracle 06 185
15 Montenegro Highway The Real Thing 13 60
16 Island Greta Salóme Hear Them Calling 14 51
17 Bosnien an Herzegowina Dalal & Deen feat. Ana Rucner & Jala Ljubav je 11 104
18 Malta Ira Losco Walk on Water 03 209

2. Halleffinall änneren

Déi zweet Halleffinall war den 12. Mee 2016.

Déi genee Punkteverdeelung gouf eréischt no der Finall bekannt gemaach fir eng Beaflossung an der Finall ze vermeiden. An d'Finall koumen déi faarweg markéiert Länner.

Ofstëmmungsberechtegt bei där Halleffinall waren d'Länner déi matgemaach hunn an zousätzlech Däitschland, Groussbritannien an Italien.

Startnr. Land Interpret Titel Plaz Punkten
01 Lettland Justs Heartbeat 08 132
02 Polen Michał Szpak Color of Your Life 06 151
03 Schwäiz Rykka The Last Of Our Kind 18 28
04 Israel Hovi Star Made of Stars 07 147
05 Wäissrussland Ivan Help You Fly 12 84
06 Serbien ZAA Sanja Vučić Goodbye (Shelter) 10 105
07 Irland Nicky Byrne Sunlight 15 46
08 Mazedonien Kaliopi Dona 11 88
09 Litauen Donny Montell I’ve Been Waiting for This Night 04 222
10 Australien Dami Im Sound of Silence 01 330
11 Slowenien ManuElla Blue and Red 14 57
12 Bulgarien Poli Genowa If Love Was a Crime 05 220
13 Dänemark Lighthouse X Soldiers of Love 17 34
14 Ukrain Jamala 1944 02 287
15 Norwegen Agnete Icebreaker 13 63
16 Georgien Nika Koscharow & Young Georgian Lolitaz Midnight Gold 09 123
17 Albanien Eneda Tarifa Fairytale 16 45
18 Belsch Laura Tesoro What's the Pressure 03 274

Finall änneren

D'Finall war de 14. Mee 2016.

Déi 26 Länner an der Finall waren:

  • Déi "Grouss 5" (Big-5) Frankräich, Däitschland, Spuenien, Italien a Grousbritannien
  • D'Gaaschtland, Schweden
  • Déi bescht 10 Länner aus der éischter Halleffinall
  • Déi bescht 10 Länner aus der zweeter Halleffinall

Am Fall vu Punktegläichheet hätt dee mat der héchster Eenzelwäertung gewonnen. Ofstëmmungsberechtegt bei der Finall waren all 42 Länner déi matgemaach hunn.

Plaz Startnr. Land Interpret Titel Punkten
10 01   Belsch Laura Tesoro What's the Pressure 181
25 02   Tschechesch Republik Gabriela Gunčíková I Stand 41
11 03   Holland Douwe Bobj Slow Down 153
17 04   Aserbaidjan Samra Miracle 117
19 05   Ungarn Freddie Pioneer 108
16 06   Italien Francesca Michielin No Degree of Separation 124
14 07   Israel Hovi Star Made of Stars 135
04 08   Bulgarien Poli Genowa If Love Was a Crime 307
05 09   Schweden Frans If I Were Sorry 261
26 10   Däitschland Jamie-Lee Ghost 11
06 11   Frankräich Amir J'ai cherché 257
08 12   Polen Michał Szpak Color of Your Life 229
02 13   Australien Dami Im Sound of Silence 511
21 14   Zypern Minus One Alter Ego 96
18 15   Serbien ZAA Sanja Vučić Goodbye (Shelter) 115
09 16   Litauen Donny Montell I've Been Waiting for This Night 200
23 17   Kroatien Nina Kraljić Lighthouse 73
03 18   Russland Sergei Lasarew You Are the Only One 491
22 19   Spuenien Barei Say Yay! 77
15 20   Lettland Justs Heartbeat 132
01 21   Ukrain Jamala 1944 534
12 22   Malta Ira Losco Walk on Water 153
20 23   Georgien Nika Koscharow & Young Georgian Lolitaz Midnight Gold 104
13 24   Éisträich ZOË Loin d'ici 151
24 25   Vereenegt Kinnekräich Joe and Jake You're Not Alone 62
07 26   Armenien Iweta Mukutschjan LoveWave 244

Um Spaweck änneren

Commons: Eurovision Song Contest 2016 – Biller, Videoen oder Audiodateien
Wien (Éisträich)   Kiew (Ukrain)
ESC 2015 Eurovision Song Contest ESC 2017

Referenzen änneren