Eurovision Song Contest 2013


58. Eurovision Song Contest
Motto	We Are One
Datum	14., 16. an 18. Mee 2013
Stad	Malmö (Schweden)
Gebai	Malmö Arena
Gewënner	Emmelie de Forest Dänemark
Zuel vu Länner	39
Moderatioun	Petra Mede
Interval Act	Finall: Carola Häggkvist (Fångad av en stormvind), Loreen (We Got The Power), Sarah Dawn Finer (The Winner Takes It All)
Ofstëmmungsreegel	All Land verdeelt, op Basis vum Jury a vum Televoting, 12, 10, 8, 7, 6, 5, 4, 3, 2 an 1 Punkt un déi zéng bescht Lidder.

Den 58. Eurovision Song Contest hat seng zwou Halleffinallen de 14. a 16. Mee, a seng Finall den 18. Mee 2013 an der Malmö Arena an der schweedescher Stad Malmö. Déi Hal ka bis 15.500 Zuschauer ophuelen. Eenzeg Presentatrice fir déi dräi Deeler vum Concours war d'Petra Mede.

Malmö Arena
D'Petra Mede, Presentatrice vum ESC

Lëtzebuerg huet scho wéi déi 19 Joer virdru fräiwëlleg net matgemaach. Och Andorra, Polen, Tschechien, Monaco, Bosnien an Herzegowina, Portugal, d'Slowakei an d'Tierkei hu fräiwëlleg net matgemaach. Am Ganze waren 39 Länner dobäi.

Zanter 2008 gëtt et e puer Deeg virun der Finall zwou Halleffinallen, aus deenen déi zéng éischtplacéiert d'Finall erreechen. Sechs weider Länner si scho fir d'Finall qualifizéiert gewiescht: déi Grouss Fënnef (Big-5) vun der European Broadcasting Union (Däitschland, Frankräich, Groussbritannien, Italien a Spuenien) an och d'Land dat d'Organisatioun iwwerholl huet, déi Kéier Schweden.

Déi éischt Plaz krut d'Vertriederin vun Dänemark, d'Emmelie de Forest mam Lidd Only Teardrops mat 47 Punkte Virsprong virum Farid Mammadov (Aserbaidjan). Déi drëtt Plaz krut d'Slata Ohnewytsch, déi fir d'Ukrain ugetruede war.

Fir Dänemark war et déi drëtt Kéier no 1963 an 2000, datt et de Grand Prix gewonnen hat.

Halleffinallen

1. Halleffinall

Déi éischt Halleffinall war de 14. Mee 2013.

Déi genee Punkteverdeelung ass eréischt no der Finall bekannt gemaach ginn fir eng Beaflossung an der Finall ze vermeiden. Ofstëmmungsberechtegt bei där Halleffinall waren d'Länner déi matgemaach hunn an zousätzlech Groussbritannien, Italien a Schweden.

Startnr.	Land	Interpret	Titel	Plaz	Punkten
01	Éisträich	Natália Kelly	Shine	14.	27
02	Estland	Birgit Õigemeel	Et uus saaks alguse	10.	52
03	Slowenien	Hannah Mancini	Straight into Love	16.	8
04	Kroatien	Klapa s mora	Mižerja	13.	38
05	Dänemark	Emmelie de Forest	Only Teardrops	01.	167
06	Russland	Dina Garipowa	What If	02.	156
07	Ukrain	Slata Ohnewytsch	Gravity	03.	140
08	Holland	Anouk	Birds	06.	75
09	Montenegro	Who See & Nina Žižić	Igranka	12.	41
10	Litauen	Andrius Pojavis	Something	09.	53
11	Wäissrussland	Aljona Lanskaja	Solayoh	07.	64
12	Moldawien	Aliona Moon	O mie	04.	95
13	Irland	Ryan Dolan	Only Love Survives	08.	54
14	Zypern	Despina Olympiou	An me thymasai	15.	11
15	Belsch	Roberto Bellarosa	Love Kills	05.	75
16	Serbien	Moje 3	Ljubav je svuda	11.	46

2. Halleffinall

Déi zweet Halleffinall war de 16. Mee 2013.

Déi genee Punkteverdeelung gouf eréischt no der Finall bekannt gemaach fir eng Beaflossung an der Finall ze vermeiden. Ofstëmmungsberechtegt bei där Halleffinall waren d'Länner déi matgemaach hunn an zousätzlech Frankräich, Däitschland a Spuenien.

Startnr.	Land	Interpret	Titel	Plaz	Punkten
01	Lettland	PeR	Here we go	17.	13
02	San Marino	Valentina Monetta	Crisalide (Vola)	11.	47
03	Mazedonien	Esma Redžepova & Vlatko Lozanoski	Pred da se razdeni	16.	28
04	Aserbaidjan	Farid Mammadov	Hold Me	01.	139
05	Finnland	Krista Siegfrids	Marry Me	09.	64
06	Malta	Gianluca Bezzina	Tomorrow	04.	118
07	Bulgarien	Elitsa & Stoyan	Samo Shampioni	12.	45
08	Island	Eyþór Ingi Gunnlaugsson	Ég á líf	06.	72
09	Griicheland	Koza Mostra feat. Agathonas Iakovidis	Alcohol Is Free	02.	121
10	Israel	Moran Mazor	Rak bishvilo	14.	40
11	Armenien	Gor Sujyan	Lonely Planet	07.	69
12	Ungarn	ByeAlex	Kedvesem	08.	66
13	Norwegen	Margaret Berger	I Feed You My Love	03.	120
14	Albanien	Adrian Lulgjuraj & Bledar Sejko	Identitet	15.	31
15	Georgien	Sopo Gelowani & Nodiko Tatischwili	Waterfall	10.	63
16	Schwäiz	Takasa	You and Me	13.	41
17	Rumänien	Cezar	It's My Life	05.	83

Finall

D'Finall war den 18. Mee 2013.

Déi 26 Länner an der Finall waren:

Déi "Grouss 5" (Big-5) Frankräich, Däitschland, Spuenien, Italien a Grousbritannien
D'Gaaschtland, Schweden
Déi bescht 10 Länner aus der éischter Halleffinall
Déi bescht 10 Länner aus der zweeter Halleffinall

Am Fall vu Punktegläichheet sollt dee mat der héchster Eenzelwäertung gewannen. Ofstëmmungsberechtegt bei der Finall waren all 39 Länner déi matgemaach haten.

Verschidde Medien hunn Dänemark an d'Ukrain mat beschte Chancë gesinn fir ze gewannen.

Plaz	Startnr.	Land	Interpret	Titel	Punkten
23.	01	Frankräich	Amandine Bourgeois	L'enfer et moi	14
22.	02	Litauen	Andrius Pojavis	Something	17
11.	03	Moldawien	Aliona Moon	O mie	71
24.	04	Finnland	Krista Siegfrids	Marry Me	13
25.	05	Spuenien	El Sueño de Morfeo	Contigo hasta el final	8
12.	06	Belsch	Roberto Bellarosa	Love Kills	71
20.	07	Estland	Birgit Õigemeel	Et uus saaks alguse	19
16.	08	Wäissrussland	Aljona Lanskaja	Solayoh	48
08.	09	Malta	Gianluca Bezzina	Tomorrow	120
05.	010	Russland	Dina Garipowa	What If	174
21.	011	Däitschland	Cascada	Glorious	18
18.	012	Armenien	Gor Sujyan	Lonely Planet	41
09.	013	Holland	Anouk	Birds	114
13.	014	Rumänien	Cezar	It's My Life	65
19.	015	Vereenegt Kinnekräich	Bonnie Tyler	Believe In Me	23
14.	016	Schweden	Robin Stjernberg	You	62
10.	017	Ungarn	ByeAlex	Kedvesem	84
01.	018	Dänemark	Emmelie de Forest	Only Teardrops	281
17.	019	Island	Eyþór Ingi Gunnlaugsson	Ég á líf	47
02.	020	Aserbaidjan	Farid Mammadov	Hold Me	234
06.	021	Griicheland	Koza Mostra feat. Agathonas Iakovidis	Alcohol Is Free	152
03.	022	Ukrain	Slata Ohnewytsch	Gravity	214
07.	023	Italien	Marco Mengoni	L'essenziale	126
04.	024	Norwegen	Margaret Berger	I Feed You My Love	191
15.	025	Georgien	Sopo Gelowani & Nodiko Tatischwili	Waterfall	50
26.	026	Irland	Ryan Dolan	Only Love Survives	5

Weideres

Den Emil Ramsauer vun der Schwäizer Grupp Takasa war an der zweeter Halleffinall mat 95 Joer den eelste Participant op enger ESC-Bün. Hien huet domat den 2012 opgestallte Rekord vun der 77-järeger Natalija Pugatschowa vu Buranowskije Babuschki gebrach.

Ukrain: de Leonid Stadnyk mam Slata Ohnewytsch

Deen an deem Ament gréisste Mann vun der Welt, den 2,59 Meter grousse Leonid Stadnyk, huet déi ukrainesch Intrepretin Slata Ohnewytsch op d'Bün gedroen.
Verschidden Interprete ware scho virdrun emol eng Kéier dobäi:
- de Bledar Sejko fir Albanien 2011 (Begleedung vum Aurela Gaçe)
- de Gor Sujyan fir Armenien 2010 (Begleedung vum Eva Rivas)
- d'Eliza Todorowa & Stojan Jankulow fir Bulgarien 2007
- d'Aliona Moon fir Moldawien 2012 (Begleedung vum Pasha Parfeny)
- d'Valentina Monetta fir San Marino 2012

Um Spaweck

Commons: Eurovision Song Contest 2013 – Biller, Videoen oder Audiodateien

Baku (Aserbaidjan)		Kopenhagen (Dänemark)
ESC 2012	Eurovision Song Contest	ESC 2014