Plejaden (Astronomie)

D'Plejaden (Siwestären), och Atlantiden oder Atlantiaden genannt, sinn en oppene Stärekoup, dee mat bloussem A gutt ze gesinn ass. Den däitschen Numm vun de Plejaden ass Siebengestirn, Siwe Schwësteren a Kluck. Am Messier-Katalog hu se d'Bezeechnung M45. Si gehéieren zu eiser Galaxie, der Mëllechstrooss.

Messier 45
Plejaden

Stärebild

Taurus (Tau)

Positioun fir d'Equinoxe J2000.0

Rektaszensioun 3h 47.4m

Deklinatioun +54°20′53.1″ + 24° 07′

Ausgesinn

Visuell Magnitude 1,6 mag^m

Wénkelduerchmiesser 110,0'

Stären 500

Hellste Stär Alkione, 2,86 mag^m

Physikalesch Donnéeën

Distanz 380 Lj. / 130 PC(Lj)

Routverrécklung 18 ∙ 10⁻⁶

Radialvitess 5,41

Absolutten Duerchmiesser 170.000 Lj

Alter 100 Mio.

Geschicht

Entdecker prehistoresch

Entdeckungsdatum prehistoresch

Katalog- an Entdeckerbezeechnungen

M 45

C 0344+239

H 0346+24

Mel 22

Well d'Plejade scho laang virun der Erfindung vum Teleskop als Stäregrupp bekannt waren, ginn traditionell och dacks nëmmen déi hellst Haaptstären als Plejade bezeechent. A munneche Kulturen an historeschen Duerstellunge ginn nëmme sechs Stären zu de Plejade gerechent. De Grond dofir ass de verännerleche Stär Pleione. Seng Visuell Magnitude variéiert lues, awer onreegelméisseg tëscht där vum Taygeta an Celaeno, soudatt de Pleione heiansdo eréischt da ka gesi ginn, wann de Celaeno och schonn erkannt gëtt. Mat bloussem A sinn dofir, jee no Siichtbedingungen, sechs bis néng Stären ze gesinn.

D'Plejade si vu Mëtt September bis Enn Abrëll um nërdleche Stärenhimmel ze gesinn.

De Stärekoup läit ronn 430 Liichtjoer vun der Äerd ewech am Stärebild Stéier, ëmfaasst op d'mannst 1.200 Stären an ass ronn 125 Millioune Joer al.

Am NGC-Katalog sinn d'Plejaden net opgelëscht, dobäi gëtt et am Beräich vun de Plejade vill Reflexiounsniwwele mat eegenen NGC-Nummeren. Dozou gehéieren de Maja-Niwwel NGC 1432 an de Merope-Niwwel NGC 1435. Nëmme 36 Bousekonnen oder 0,06 Liichtjoer vum Merope ewech ass de Barnard-Merope Niwwel, e besonnesch helle Knuet am NGC 1435 mat der eegener Katalogbezeechnung IC 349.

Déi zwéin hellst Stären an de Plejade kruten hiren Numm vu Gestalten aus der griichescher Mythologie, dem Titan Atlas senger Fra Plejone, souwéi hire 7 Diechter Alkyone, Asterope, Celaeno, Elektra, Maja, Merope an Taygete. D'Plejaden, déi zu den Nymphen zielen, hunn den Dionysos an den Zeus opgezillt.

Der Mythologie no goufe se vum Orion verfollegt. Den Zeus huet si als Stärebild op den Himmel versat, awer och do goufe si vum Orion verfollegt, deem säi Stärebild ronn 30° südwestlech vun de Plejade steet.

De japaneschen Numm vun de Plejaden ass Subaru. D'Markenzeechen vum Autohiersteller mam selwechtem Numm weist dofir sechs Stären op änleche Positiounen.

All 18,6 Joer kënnen d'Plejaden zäitweis vum Mound bedeckt ginn. Eng nei Serie huet 2005 ugefaangen an hält 2009 op. Zu Lëtzebuerg ware Plejadebedeckungen tëscht 2005 an 2009 ze gesinn:

27. Januar 2007 (18:15 Auer MEZ), 24. Februar 2007 (00:45 Auer MEZ), 7. August 2007 (01:30 Auer MESZ), 28. Oktober 2007 (01:00 Auer MESZ), 21. Dezember 2007 (22:45 Auer MEZ), 12. Mäerz 2008 (19:15 Auer MEZ), 23. August 2008 (vun Hallefnuecht mat Moundopgang), 20. September 2008 (05:00 Auer MESZ), 13. November 2008 (19:15 Auer MEZ), 7. Januar 2009 (18:30 Auer MEZ), 18. Juli 2009 (03:15 Auer MESZ), 7. Oktober 2009 (23:45 Auer MESZ, ganz no dobäi) an den 29. Dezember 2009 (03:15 Auer MEZ).

Duerno muss bis zum Joer 2024 gewaart ginn, bis de Mound nees Kurs op d'Plejadestären hëlt.

Déi hellst Stären an de Plejaden

Numm	Bezeechnung	Visuell Magnitude	Spektraltyp
Alkyone	η Tauri	2,86	B7IIIe
Atlas	27 Tauri	3,62	B8III
Electra	17 Tauri	3,70	B6IIIe
Maja	20 Tauri	3,86	B7III
Merope	23 Tauri	4,17	B6IVev
Taygeta	19 Tauri	4,29	B6V
Pleione	28 Tauri BU Tauri	5,09 (var.)	B8IVep
	HD 23985	5,23
Celaeno	16 Tauri	5,44	B7IV
Asterope	21 Tauri 22 Tauri	5,64 6,41	B8Ve B9V
	18 Tauri	5,65	B8V

Kuckt och

Portal Astronomie

Um Spaweck

Commons: Plejaden – Biller, Videoen oder Audiodateien

(en) M45 bei SEDS
(de) d'Plejaden op sonnen-system.de mat Biller
(en) Astronomie vun de Maya