385th Bomb Group-Musée zu Pärel

Geographesch Koordinaten:

49° 48’ 35.75’’ N 05° 45’ 49.9’’ O

De 385th Bomb Group-Musée zu Pärel gouf 1997 vun enger klenger Grupp Leit an hirer Fräizäit op d'Bee gesat an den 21. Juni 1998 zesumme mam 385th Bomb Group-Monument feierlech ageweit.

D'Gebai vum Musée

Amerikanesch Flak beim Musée

Den Numm

Den Numm huet de Musée vun der 385th Bombardment Group. Dat war en Deel vum "93th Combat Wing" vun der 3. Divisioun vun der 8. Air Force, déi aus véier Wings bestanen huet. Ee Wing bestoung aus véier "Groups" an eng "Group" aus véier "Squadrons".
Déi 385th Bomb Group bestoung aus follgende véier "Squadrons": 548th, 549th, 550th a 551th.

D'Fligeren

D'Bombere ware B-17-Modeller vun der Firma Boeing, Flying Fortress genannt, vun deenen der 12.731 gebaut goufen. Se hate véier Stäremotore vu Curtiss-Wright, déi jee 1.200 PS staark waren.

Am Zweete Weltkrich, den 12. Juli 1944, sinn der zwéin dovun um Wee vu Great Ashfield an England op München, dat se sollte bombardéieren, iwwer Pärel erofgefall. 18 Membere vum Equipage sinn dobäi leiebliwwen.

Kuckt och

• Muséeën am Zesummenhang mam Krich, zu Lëtzebuerg:

Nationale Resistenzmusée zu Esch-Uelzecht · Nationale Militärgeschichtsmusée zu Dikkrech · Deportatiounsmemorial zu Hollerech · Regionalmusée vun den Zwangsrekrutéierten zu Diddeleng · 385th Bomb Group-Musée zu Pärel · Musée Patton zu Ettelbréck · Krichsmusée Klierf

• Monumenter am Zesummenhang mam Krich, zu Lëtzebuerg:

Monument de la déportation civile et militaire zu Hollerech · Hinzerter Kräiz an der Stad · Nationalmonument vun der Lëtzebuerger Solidaritéit an der Stad·Nationaalt Streikmonument zu Wolz · Pafemillen Monument fir déi deportéiert Judden · Amerikaneschen Zaldotekierfecht zu Hamm · Däitschen Zaldotekierfecht zu Sandweiler · Monument aux morts Capellen · Lancaster Memorial zu Wäiswampech

• Aner Institutiounen am Zesummenhang mam Krich, zu Lëtzebuerg:

Centre de documentation et de recherche sur l'enrôlement forcé · Centre de documentation et de recherche sur la Résistance

• Am noen Ausland:

Commemoratiounsplaz Hinzert · KZ-Niewelager Thil · Mardasson Baaschtnech · Bastogne Historical Center · Halifax-Monument zu Neundorf

Um Spaweck

Commons: 385th Bomb Group-Musée zu Pärel – Biller, Videoen oder Audiodateien

• Im Fadenkreuz des Bombers op wort.lu den 13. August 2018 an an der Drockversioun am Luxemburger Wort vum 13. August 2018, Säit 11