Centre de documentation et de recherche sur l'enrôlement forcé

De Centre de documentation et de recherche sur l'enrôlement forcé, ofgekierzt CDREF, war e staatlechen Dokumentatiouns- a Fuerschungszenter iwwer d'Zwangsrekrutéierung am Zweete Weltkrich zu Lëtzebuerg. E gouf duerch d'Gesetz vum 4. Abrëll 2005 an d'Liewe geruff.

Déi fréier Gare vun Hollerech

Plack riets op der Fassad vun der fréierer Gare

Den Zenter hat zanter 2008 säi Sëtz zu Gaasperech an der rue de la Déportation an der Stad Lëtzebuerg, am Gebai vun der fréierer Gare vun Hollerech

Ufank 2010 gouf am Zenter eng ëffentlech Bibliothéik a Mediathéik opgemaach.

Den Zenter ënnerstoung dem Staatsministère. Direkter war zanter 2006 de Steve Kayser.

Am selwechte Gebai waren och nach ënnerbruecht:

• de Comité directeur pour le souvenir de l'enrôlement forcé;
• den Deportatiounsmemorial (Mémorial de la déportation).

Am Juni 2015 huet de Staatssekretär am Bildungsministère Marc Hansen bekannt ginn, datt de CDREF 2016 mat anere Fuerschungszentren an Deeler vun der Uni Lëtzebuerg zu engem neien Institut fir Zäitgeschicht zesummegeluecht soll ginn. Den Zenter gouf dunn 2016 ofgeschaaft an duerch de Comité pour la mémoire de la Deuxième guerre mondiale ersat.

Missioun vum Centre

Am Gesetz vun 2005 waren och d'Missioune vum Centre festgeluecht:

• D'Opsichen, d'Archivéieren, d'Konservéieren an d'Presentatioun vun der Dokumentatioun iwwer d'Zwangsrekrutéierung am Zweete Weltkrich zu Lëtzebuerg;
• d'Organisatioun an d'Ënnerstëtzung vun der historescher Fuerschung iwwer d'Zwangsrekrutéierung zu Lëtzebuerg;
• d'Erënnerung un d'Zwangsrekrutéierung lieweg halen.

Kuckt och

• Monument de la déportation civile et militaire nieft der Hollerecher Gare
• Centre de documentation et de recherche sur la Résistance
• Regionalmusée vun den Zwangsrekrutéierten zu Diddeleng
• Nationale Resistenzmusée zu Esch-Uelzecht
• Gedenkplack un d'Zwangsrekrutéierung um Lampertsbierg

Um Spaweck

• Websäit iwwer den Diddelenger Musée