Stadpark vun Dikrech
De Stadpark vun Dikrech (Parc municipal) ass en ëffentleche Park zu Dikrech. En zitt sech op béide Säite laanscht d'Sauer vun der Dikrecher Gemengegrenz zu Angelduerf (am Südwesten) bis bei d'Bettenduerfer Gemengegrenz zu Gilsdref (am Nordosten). Am Park, deen ongeféier 100 m breet a ronn annerhallwe km laang ass, sti Monumenter a Skulpturen. De Park ass d'ganzt Joer fräi zougänglech; d'Mëttelsauer-Vëlospist leeft doduerch.
 | |
| Lokalisatioun | |
|---|---|
| Land | Lëtzebuerg |
| Gemeng | Dikrech |
| Plaz | Angelduerf, Dikrech |
| Koordinaten | 49°51'45,000"N, 6°9'2,999"O |
| Dimensiounen a Geographie | |
| Längt | ± 1.500 m |
| Breet | ± 100 m |
| Flëss | Sauer |
 | |
Beschreiwung
ännerenAm Deel vum Park beim Stadzentrum, an der Avenue de la Gare, gëtt et e Waasserspill an Ieselskulpturen.[1] Am Park sinn zwou Spillplazen um lénksen Uwänner vun der Sauer: eng bei der Avenue de la Gare[2] an eng beim Restaurant Al-Schwemm[3]. Op der rietser Säit vun der Sauer, laanscht der Sauerdall-Vëlospist, op der Héicht vum Restaurant Al Schwemm, läit den 11,2 Hektar groussen Naturentdeckungspark (Parc découverte de la nature)[4].
D'Dikricher Béierfest gëtt gewéinlech all Summer am Park organiséiert.
- d'Passerelle mat Kanupist dernieft vun 2015 (Plaz), déi vun der Route d'Ettelbruck aus an den Naturentdeckungpark féiert,
- D'Ficellesbréck, vun 1975 mam opfällege roude Pilier (Plaz), déi d'Avenue de la Gare mat der Promenade de la Sûre verbënnt,
- D'Sauerbréck vun 1842 (Plaz),
- D'Passerelle (Plaz), 2005 ageweit, déi d'Rue Clairefontaine mam Camping de la Sûre verbënnt.
-
D'Sprangbueren -
Promenade um lénksen Ufer vun der Sauer -
D'Ficellesbréck mam roude Pilier
Monumenter a Konscht
ännerenAm Parc municipal sinn (eent nom anere flossop):
- de Mémorial vum Wenzel Profant (1981) zu Éiere vun de Flüchtlinge vum 2. Weltkrich (Plaz),
- d'Monument zu Éiere vum Staatsminister Paul Eyschen, gebuer zu Dikrech vum Edmond Lux, 1961[5] (Plaz),
- d'Skulptur Convergence vum Bertrand Ney (1990) (Plaz),[6][7],
- 5 Sailen, déi déi 5 Kantone vum fréieren Distrikt Dikrech mat enger Gedenkplack duerstellen (opgeriicht 1989 bei Geleeënheet vum 150. Joresdag vun der Onofhängegkeet vu Lëtzebuerg) (Plaz),
- eng Skulptur vum Jacek Wilewski vun 1990 (Plaz)[6][7],
- d'Befreiungsmonument,1984 ageweit als Erënnerung un d'Befreiung vu Lëtzebuerg duerch d'US Arméi am September 1944 (Plaz),
- de Kräizwee vun de Lëtzebuerger Zwangsrekrutéierten 1942-45, ageweit 1981 (Plaz),
- d'Skulptur umarmend-embrassant vun der Maria Bettina Cogliatti (1990) (Plaz).[6][7].
Biller
änneren-
Haus vum Michel Deutsch -
Befreiungsmonument (1984) -
Cogliatti-Skulptur (1990)
.jpg)
Um Spaweck
änneren| Commons: Stadpark vun Dikrech – Biller, Videoen oder Audiodateien |
- Parc Municipal de Diekirch avec aire de jeux op der Diekirch Websäit.
- Parc Municipal "Al Schwemm" op der Dikrecher Websäit.
Referenzen an Notten
änneren- ↑ Luxembourg. Bradt Travel Guides, 2018, p. 201. ISBN 9781784776008
- ↑ Parc Municipal de Diekirch avec aire de jeux, www.diekirch.lu
- ↑ Parc Municipal „Al Schwemm“, www.diekirch.lu
- ↑ Dominique Auzias, Jean-Paul Labourdette: Luxembourg. Petit Futé, 2020. ISBN 9782305020822
- ↑ Luxemburg (ed.): L'Inauguration d'un Monument à la mémoire de l'ancien Ministre d'Etat Paul Eyschen. In: Bulletin de Documentation, 30 September 1961, No. 12, p. 8–13. (online)
- ↑ 6,0 6,1 6,2 Enrico Lunghi: Un été culturel riche et original: Symposium international de sculpture à Diekirch. In: Luxemburger Wort, 25 Juli 1990, p. 4
- ↑ 7,0 7,1 7,2 Paul Bertemes: Skulpturen an der Sauer: Zum ersten internationalen Bildhauersymposion in Diekirch. In: d'Lëtzebuerger Land Vol. 32, 10 August 1990, p. 7 (online)