Rue Aldringen

Rue Aldringen
Lëtzeb. Numm	Aldringerstrooss
Ënnerhal vu(n)	Service Voirie vun der Stad Lëtzebuerg
Situatioun
Land	Lëtzebuerg
Gemeng	Lëtzebuerg
Quartier(en)	Uewerstad
Postcode	L-1118
Koordinaten	49°36'41,36"N, 6°7'36,73"O
Morphologie
Längt	340 m
Geschicht
Genannt	1854
Genannt no	Johann von Aldringen

D'Rue Aldringen - am Volleksmond Aldringerstrooss - ass eng Strooss an der Uewerstad vun der Stad Lëtzebuerg. Se verleeft an Nord-Süd Richtung vum Fënsterschlass (Eck Biedergaass / Avenue Amélie) bis an d'Ënneschtgaass. Se läit tëscht dem Boulevard Royal am Westen an der Philippsgaass respektiv Neipuertsgaass am Osten.

GeschichtÄnneren

An der spuenescher Zäit (1674) stoung an der haiteger Aldringerstrooss - tëscht der Groussgaass (deemools Arsenalstrooss) an der Rue Beck - déi deemoleg Artilleriekasär. Dat Gebai ass 1869 an de Besëtz vun der Stad iwwergaangen an et waren eng Museksschoul, eng Händschefabrick an eng Handwierkerschoul dran.

D'Strooss wéi se haut besteet ass nom Schleefe vun der Festung entstanen. Westlech vun der Strooss gouf op der Plaz vun der fréierer Bastioun Camus^[1] d'Gebai vun der Generalbank an eng Primärschoul, déi sougenannt Aldringerschoul gebaut. Ëstlech dovun, dat fréiert Postgebai (1910) an do wou d'Artilleriekasär stoung, e Block mat Geschäfts- a Wunnhaiser^[2].

D'Strooss ass nom Generol Johann von Aldringen, engem Feldhär am Déngscht vun der Kathoulescher Liga genannt.

GebaierÄnneren

an Nord-Süd Richtung:

fréieren Hotel Brasseur
Royal-Hamilius
fréiert Postgebai
op der Plaz vun der fréierer Synagog, d'Gebai vum Educatiounsministère

BillerÄnneren

Vum Fënsterschlass a Richtung Süden (2011)
Geschäfts- a Wunnhaiser op der Plaz vun der fréierer Artilleriekasär (2015)
Fassade vum Haus 23 (2015)
D'Postgebai (2013)
Schantjen (2015)
Lugubere Besuch 1940: Den Himmler zu Lëtzebuerg, am Hannergrond d'Aldréngerstrooss mam Hotel Brasseur.