René Clair

De René Clair, gebuer den 11. November 1898 zu Paräis, a gestuerwen de 15. Mäerz 1981 zu Neuilly-sur-Seine, war e franséische Regisseur a Schrëftsteller.

René Clair
Gebuer	11. November 1898 Paräis
Gestuerwen	15. Mäerz 1981 Neuilly-sur-Seine
Nationalitéit	Frankräich
Educatioun	Lycée Louis-le-Grand
Aktivitéit	Dréibuchauteur, Filmregisseur, Filmproduzent, Journalist, Schrëftsteller, Filmediteur, Filmschauspiller, Filmmécher, Regisseur
Member vun	Académie française

De Clair war de Jong vun engem Seefefabrikant. 1918 huet hien ugefaangen als Journalist ze schaffen. Vun 1922 un huet hie sech ëmmer méi vun der Film- an Theaterwelt ugezu gefillt, ufanks als Dréibuchauteur, méi spéit als Regisseur. 1924 huet hien de Ballett Relâche vum Eric Satie op de Champs-Élysées op d'Bün bruecht, méi spéit am Joer huet hie beim dadaistesche Kuerzfilm Entr’acte Regie gefouert, woumat en op ee Coup berüümt gouf. An den 1930er Joren huet de Clair sech international en Numm gemaach mat sengen avant-gardisteschen a kënschtleresch innovative Filmer, wourënner À nous la liberté (1930), Le Million (1931, e Musekfilm) a 14 juillet (1933). 1936-1937 huet hien zu London geschafft, an duerno nees bis de Juli 1940 a Frankräich. Nom däitschen Iwwerfall ass hien an d'USA emigréiert, wou en de Krich iwwer blouf an zu Hollywood 4 Filmer gedréint huet, déi Succès haten. Och no 1945 huet hien a Frankräich weider Filmer gemaach, wouvunner Les Grandes Manœuvres (1955) mat der Michèle Morgan, dem Gérard Philipe an der Brigitte Bardot international Erfolleg haten.

Vun den 1950er Joren un huet de Clair och Bicher geschriwwen (Essaien, Romaner an Novellen). 1960 gouf hien an d'Académie française opgeholl, als éischte Cinéast.

Zanter 1994 vergëtt d'Accadémie all Joer de Prix René Clair fir engem Cineast säi ganzt cinematograhescht Wierk auszezeechnen.

Filmographie

Kino

• 1924: Entr'acte - (Kuerzfilm)
• 1925: Paris qui dort - (Kuerzfilm)
• 1925: Le fantôme du Moulin-Rouge - Haaptacteuren: Albert Préjean, Sandra Milovanoff, Paul Ollivier
• 1926: Le voyage imaginaire - Haaptacteuren: Dolly Davis, Jean Börlin, Albert Préjean
• 1927: La proie du vent - Haaptacteuren: Charles Vanel, Sandra Milovanoff, Jean Murat
• 1928: Un chapeau de paille d'Italie - Haaptacteuren: Alice Tissot, Alexis Bondireff, Albert Préjean
• 1929: Les deux timides - Haaptacteuren: Pierre Batcheff, Jim Gérald, Françoise Rosay
• 1928: La tour - (Kuerzfilm)
• 1930: Sous les toits de Paris - Haaptacteuren: Albert Préjean, Pola Illéry, Edmond T. Gréville
• 1931: Le million - Haaptacteuren: Annabella, René Lefèvre, Paul Ollivier
• 1931: À nous la liberté - Haaptacteuren: Henri Marchand, Raymond Cordy, Rolla France
• 1933: 14 Juillet - Haaptacteuren: Annabella, George Rigaud, Raymond Cordy
• 1934: Le dernier milliardaire - Haaptacteuren: Max Dearly, Sinoël, Paul Ollivier
• 1935: The Ghost Goes West - Haaptacteuren: Robert Donat, Jean Parker, Elsa Lanchester
• 1938: Break the News - Haaptacteuren: Jack Buchanan, Maurice Chevalier, June Knight
• 1941: The Flame of New Orleans - Haaptacteuren: Marlene Dietrich, Bruce Cabot, Roland Young
• 1942: I Married a Witch - Haaptacteuren: Fredric March, Veronica Lake, Susan Hayward
• 1943: Forever and a Day ´- Episod: 1897
• 1944: It Happened Tomorrow - Haaptacteuren: Dick Powell, Linda Darnell, Jack Oakie
• 1945: And Then There Were None - Haaptacteuren: Barry Fitzgerald, Walter Huston, Louis Hayward
• 1947: Le silence est d'or - Haaptacteuren: Maurice Chevalier, François Périer, Dany Robin
• 1950: La beauté du diable - Haaptacteuren: Michel Simon, Gérard Philipe, Nicole Besnard
• 1952: Les belles de nuit - Haaptacteuren: Gérard Philipe, Martine Carol, Gina Lollobrigida
• 1955: Les grandes manœuvres - Haaptacteuren: Michèle Morgan, Gérard Philipe, Jean Desailly
• 1957: Porte des Lilas - Haaptacteuren: Pierre Brasseur, Georges Brassens, Henri Vidal
• 1960: La Française et l'amour - Episod: Le mariage - Haaptacteuren: Marie-José Nat, Claude Rich, Yves Robert
• 1961: Tout l'or du monde - Haaptacteuren: Bourvil, Alfred Adam, Philippe Noiret
• 1962: Les quatre vérités - Episod: Les deux pigeons - Haaptacteuren: Leslie Caron, Charles Aznavour, Raymond Bussières
• 1965: Les fêtes galantes - Haaptacteuren: Jean-Pierre Cassel, Philippe Avron, Marie Dubois

Bicher

• Adams, Roman, 1926
• Réflexion faite, Essays, 1951
• La princesse de Chine, Novell, 1951
• De fil en aiguille , Novell, 1951
• Comédies et Commentaires, Essays, 1959
• Cinéma d'hier, cinéma d'aujourd'hui, Essays, 1970
• L'étrange ouvrage des cieux, Essays, 1972
• Jeux du hasard, Roman, 1976

Um Spaweck

• (fr) Biographie op der Websäit vun der Académie française