La rampante
La rampante ass eng monumental bronze Skulptur vum Lucien Wercollier, déi um Campus Geesseknäppchen an der Stad Lëtzebuerg, tëscht dem Lycée Michel-Rodange an dem Kolléisch steet.
 La rampante um Campus Geeseknäppchen. Hanne riets ass de Kolléisch ze gesinn. | |
| Typ | Skulptur |
|---|---|
| Land | Lëtzebuerg |
| Gemeng | Lëtzebuerg |
| Plaz | Campus Geesseknäppchen |
| Material | Bronz |
| Kënschtler | Lucien Wercollier |
 | |
D'Skulptur erënnert un e wuerm- oder schlaangenänlecht Déier, dat sech krëmmt an opriicht.
La rampante gëtt vun de Schüler de Wiermchen genannt. Si ginn sech Rendez-vous beim Wuerm.
Historique
ännerenD'Skulptur ass 1962 am Optrag vun der Regierung beim Bau vum ‘neie Kolléisch’ um Geesseknäppchen entstanen.
De Wercollier huet dës Skulptur an zwou Versioune geschaaft:
- eng kleng Ausféierung, 1,40 m laang, déi eng Zäit hanner sengem Haus um Briddel stoung, an der Strooss déi spéider no him benannt gouf (rue Wercollier); 1977 gouf se vum Saarlandmuseum (Moderne Galerie) zu Saarbrécken opkaaft.
- eng grouss, 4 m laang monumental Versioun, déi am Bannenhaff (Patio) vum neie Kolléisch sollt opgestallt ginn, wat awer net geschitt ass[1].
1964 gouf La rampante zu Lausanne ausgestallt.
1971 gouf se virun der Entrée vum Lycée Michel-Rodange installéiert.
Wéi an den 1990er Joren op där Plaz e Pavillon (Container) mat Schoulsäll opgeriicht gouf, huet d'Skulptur missen deplacéiert ginn. Si koum dunn op hir haiteg Plaz um Campus, ronn 100 m vun der éischter Plaz ewech, tëscht dem Lycée Michel-Rodange an dem Kolléisch.
Kuckt och
ännerenAner Skulpture vum Lucien Wercollier an der Stad Lëtzebuerg:
- Le prisonnier politique beim Hinzerter Kräiz um Lampertsbierg
- Interpénétration um Boulevard Royal a virum Palais de l'Europe zu Stroossbuerg
- L'accord am Pescatore Park
- L'envol a L'éternel féminin am Parc Tony-Neuman um Lampertsbierg
- Croissance bis 2009 beim europäesche Geriichtshaff um Kierchbierg
- Signe dans l'espace um Zens
- Fir Biller vu weidere Skulpture vun dësem Kënschtler, kuckt Lucien Wercollier.
Referenzen
änneren- ↑ J.-É. Muller 1983, S. 114.
Literatur
änneren- Joseph-Émile Muller, 1976. Lucien Wercollier. Collection: Les Maîtres de la Sculpture Contemporaine. Arted, Éditions d'Art, Paris. 49 S. an 80 schwaarz-wäiss Fotoe vun enger Auswiel vum Wercollier senge Skulpturen. Tafel 24: La Rampante.
- Joseph-Émile Muller, 1983. Lucien Wercollier. Publication de la section des arts et lettres de l'Institut grand-ducal-Luxembourg. Imprimerie Saint-Paul. 132 S. (Mat schwaarz-wäissen a faarwege Fotoe vun enger Auswiel vum Wercollier senge Skulpturen. S. 24-26: La Rampante).
- Léon Blasen, 1985. Zwei Monumentalskulpturen von Lucien Wercollier: "La Rampante" (Lycée Michel Rodange) und "Croissance" (Europäischer Gerichtshof auf dem Kirchberg). Télécran Nr. 27 (6.-12.7.1985), S. 12-13.
- Claude Meisch, 2011. «La rampante» de Lucien Wercollier au campus Geesseknäppchen. annALes Athénée de Luxembourg - d'annALe vum Staadter Kolléisch, vol. 4/2010-2011, p. 350-351.