Haaptmenü opmaachen

De Léon ("") Tanson, gebuer den 9. Abrëll 1914 zu Beetebuerg a gestuerwen den 3. Abrëll 1999 zu Munneref, war e lëtzebuergesche Moler, Lokalhistoriker a Fotograf. Hie war mat der Fernande Weisen bestuet a war Employé bei der Spuerkeess[1].

Lé Tanson
Gebuer 9. Abrëll 1914
Gestuerwen 3. Abrëll 1999
Nationalitéit Lëtzebuerg
Aktivitéit Moler
Wikidata-logo-without-paddings.svg

No senge Secondairesstudien an der Industrieschoul um Lampertsbierg, huet hien eng Carrière als Moler ageschloen. Hie war e Joer an der Handwierkerschoul um Lampertsbierg, an huet duerno zu Paräis op der Ecole supérieure des Beaux Arts an op der Académie de la grande chaumière studéiert.[2]

Hien huet Biller, Zeechnungen, Timberen, Keramik, Skulpturen, Mosaiker, Plakater a gosse Plakke geschaf. Vun him si Monumenter zu Hollerech, On, Munneref, Éiter, Elleng, Beetebuerg an Uewerkuer. Och d'Monument fir d'Volontaires luxembourgeois am Koreakrich zu Seoul a Südkorea ass vun him. Hien huet Bicher illustréiert[3] a lokalhistoresch Fuerschunge publizéiert.

Seng ganz Dokumentatioun ass no sengem Doud verluer gaangen. Hien hat senger Haushälterin alles vermaacht, déi du wäertvoll Dokumenter eenzel verkaaft huet an de Rescht ewechgehäit huet[4].

AuszeechnungenÄnneren

Am Zweete Weltkrich gouf de Lé Tanson op Munneref versat[5]. Do huet hien als lokale Chef bei der LVL an der Unio'n matgewierkt. Hien huet ofgeschossenen amerikanesche Piloten, franséischen a russesche Krichsgefaangen a lëtzebuergeschen a loutrengesche Krichsdéngschtverweigerer gehollef.

Direkt no der Befreiung huet de Lé Tanson sech als Fräiwëllegen an d'amerikanesch Arméi gemellt a stoung tëscht September 1944 an August 1945 fir d'éischt als "Trooper" beim 3. Kavallerieregiment a spéider als Regimentsdolmetscher beim "CIC Detachment 212".

Doduerch huet de Lé Tanson eng Rei Auszeechnunge[6] kritt:

Wierker (Auswiel)Änneren

PublikatiounenÄnneren

  • Tanson, Lé, o.J. Damals …im kleinen Kurort Bad Michelskirch. 1939-1945. Remich, Offset J. Schomer-Turpel, 318 p. (zirka 1970 ?).
  • Tanson, Lé, 1981. Chronik der 'Stadt' und Gemeinde Bad Mondorf. 1281-1981.
  • Etringer, Norbert & Lé Tanson, 1981. Chronik der Gemeinde Bürmeringen. 290 p., Imprimerie Saint-Paul, Luxembourg.
  • Tanson, Lé, 1990. Das grosse Mondorfer Flugfest von 1910. flydoscope: Magazine de Luxair 3: 28-34, ill. Luxembourg.
  • Tanson, Lé, 1997. Die wechselvolle Geschichte des "Palace Hotel". pp. 217–220 in: Gerges, Martin (éd.), 1997. Mondorf, son passé, son présent, son avenir. Mondorf le Domaine thermal et les éditions Les publications mosellanes. 614 p. Imprimerie Victor Buck. ISBN 2-919975-06-4.

Um SpaweckÄnneren

Commons: Lé Tanson – Biller, Videoen oder Audiodateien

ReferenzenÄnneren

  1. De Lé Tanson war eng Zäit laang Gérant vun der Spuerkeess zu Munneref, duerno huet en an der Zentral an der Stad Lëtzebuerg geschafft.
  2. Broschür mam Titel "25e EXPHIMO. MONDORF-LES-BAINS", 1983,S. 104
  3. Folgende Roman ass vum Lé Tanson illustréiert ginn: Burg, René, 1970. Als überall die Feuer brannten.... 220 p.: ill. Kremer-Müller & Co, Esch-Alzette.
  4. Kee gutt Beispill deemno fir lëtzebuergesch Lokalhistoriker, déi besser hätten, virun hirem Doud alles der Lëtzebuerger Nationalbibliothéik an der Stad oder dem Literaturarchiv zu Miersch ze vermaachen.
  5. Lé Tanson +. Luxemburger Wort vum 7. Abrëll 1999, Säit 19.
  6. D'Opzielung staamt aus senger Doudesannonce, déi den 9. Abrëll 1999 am Luxemburger Wort publizéiert gouf.