Kommissioun von der Leyen II

D'Kommissioun von der Leyen II ass de Collège vun Europäesche Kommissären ënner der Presidentin Ursula von der Leyen. Si ass zanter dem 1. Dezember 2024 am Amt. Si ass d'Nofollgerin vun der Kommissioun von der Leyen I. Si besteet aus der Presidentin a 27 Kommissären wouvunner der 7 Vizepresident sinn.

D'Ursula von der Leyen.

Am Juni 2024 gouf d'Ursula von der Leyen mat grousser Majoritéit vum Europäesche Parlament fir eng zweet Amtszäit gewielt.

Déi eenzel Kommissäre ginn, op Virschlag vun den eenzele Regierunge vun de Memberlänner, vun der Presidentin erausgesicht; et ass och si, déi hir Aarbechtsberäicher festleet.

Wéi schonn an den zwee viregte Kommissiounen ginn et och dës kéier eng Grupp „Exekutiv Vizepresidenten“, déi eng Stellung ënnert de Kommissären anhuelen a méi Ressorten leeden. D'Positioun vun den „einfache“ Vizepresidenten, wéi an der viregter Kommissioun, gëtt et an dëser net méi.

D'Ekipp vun der Kommissioun von der Leyen II

Ressort	Kommissär/-in	Memberstaat	national Partei	europäesch Partei	Foto
Presidentin	Ursula von der Leyen	Däitschland	Christlich Demokratische Union Deutschlands	Europäesch Vollekspartei
Exekutiv Vizepresidentin; Propper, gerecht a kompetitiv Transitioun; Konkurrenz	Teresa Ribera	Spuenien	Partido Socialista Obrero Español	Partei vun den Europäesche Sozialisten
Exekutiv Vizepresidentin; Digital- a Grenztechnologien	Henna Virkkunen	Finnland	Kansallinen Kokoomus	Europäesch Vollekspartei
Exekutive Vizepresident; Industrie, KME a Bannemaart	Stéphane Séjourné	Frankräich	Renaissance	Allianz vun de Liberalen an Demokrate fir Europa
Vizepresidentin; Héich Representantin fir Aussen- a Sécherheetspolitik	Kaja Kallas	Estland	Eesti Reformierakond	Allianz vun de Liberalen an Demokrate fir Europa
Exekutiv Vizepresidentin; Ausbildung, Bildung a Kultur, héichwäerteg Aarbechtsplazen a sozial Rechter	Roxana Mînzatu	Rumänien	Partidul Social Democrat	Partei vun den Europäesche Sozialisten
Exekutive Vizepresident; Regionalentwécklung a Stied	Raffaele Fitto	Italien	Fratelli d'Italia	Partei vun den Europäesche Konservativen a Reformisten
Handel an ekonomesch Sécherkeet; Interinstitutionell Bezéieungen an Transparenz	Maroš Šefčovič	Slowakei	SMER	keng
Ekonomie a Produktivitéit, Ëmsetzung a Vereinfachung	Valdis Dombrovskis	Lettland	Vienotība	Europäesch Vollekspartei
Nohaltege Verkéier an Tourismus	Apostolos Tzitzikostas	Griicheland	Nea Dimokratia	Europäesch Vollekspartei
Bannescht Affären a Migratioun	Magnus Brunner	Éisträich	Österreichische Volkspartei	Europäesch Vollekspartei
Startups, Fuerschung an Innovatioun	Ekaterina Sachariewa	Bulgarien	GERB	Europäesch Vollekspartei
Landwirtschaft an Ernierung	Christophe Hansen	Lëtzebuerg	Chrëschtlech-Sozial Vollekspartei	Europäesch Vollekspartei
Klima a proppere Wuesstum; Steieren	Wopke Hoekstra	Holland	Christen-Democratisch Appèl	Europäesch Vollekspartei
Budget, Bedruchsbekämpfung an ëffentlech Verwaltung	Piotr Serafin	Polen	Platforma Obywatelska	Europäesch Vollekspartei
Ëmwelt, Waasserresilienz a kompetitiv Kreeslafekonomie	Jessika Roswall	Schweden	Moderata samlingspartiet	Europäesch Vollekspartei
Finanzdéngeschtleeschtungen; Spuer- an Investitiounsunioun	Maria Luís Albuquerque	Portugal	Partido Social Democrata	Europäesch Vollekspartei
Fëscherei an Ozeaner	Costas Kadis	Zypern	keng	Europäesch Vollekspartei
Resilienz a Krisemanagement, Gläichstellung	Hadja Lahbib	Belsch	Mouvement réformateur	Allianz vun de Liberalen an Demokrate fir Europa
Generatiounegerechtegkeet, Jugend, Kultur a Sport	Glenn Micallef	Malta	Partit Laburista	Partei vun den Europäesche Sozialisten
Energie a Wunnen	Dan Jørgensen	Dänemark	Socialdemokraterne	Partei vun den Europäesche Sozialisten
Erweiderung, Ëstlech Partnerschaft an Nees-Opbau vun der Ukrain	Marta Kos	Slowenien	keng	Allianz vun de Liberalen an Demokrate fir Europa
Mëttelmier (Euro-mediterran Partnerschaft)	Dubravka Šuica	Kroatien	Hrvatska demokratska zajednica	Europäesch Vollekspartei
Gesondheet an Déiereschutz	Olivér Várhelyi	Ungarn	keng	keng
International Partnerschaften	Jozef Síkela	Tschechesch Republik	Starostové a nezávislí	Europäesch Vollekspartei
Verdeedegung a Raumfaart	Andrius Kubilius	Litauen	TS	Europäesch Vollekspartei
Demokratie, Justiz a Rechtsstaatlechkeet	Michael McGrath	Irland	Fianna Fáil	Allianz vun de Liberalen an Demokrate fir Europa

Um Spaweck

Commons: Kommissioun von der Leyen II – Biller, Videoen oder Audiodateien