Haaptmenü opmaachen

President vun der Europäescher Kommissioun

De President vun der Europäescher Kommissioun (Kommissiounspresident) presidéiert, wéi säin Numm et seet, d'Europäesch Kommissioun (offiziell: Kommissioun vun den Europäesche Communautéiten", dacks, fir et méi einfach ze maachen, "EU-Kommissioun" oder "d'Kommissioun" genannt).

Hie gëtt vun de Regierunge vun den EU-Memberstaaten ernannt an duerno vum Europäesche Parlament confirméiert.

Hien ernennt, op Virschlag vun de Regierungen, d'Membere vun der Europäescher Kommissioun, och "Kommissäre" genannt, déi hirersäits mussen en bloc vum Parlament d'Vertraue votéiert kréien. Duerch den Traité vun Nice huet de Kommissiounspresident d'Méiglechkeet kritt, d'Portefeuillë vun de Kommissiounsmemberen nei ze verdeelen oder se ze froen, zréckzetrieden.

Inhaltsverzeechnes

Seng AufgabenÄnneren

De Kommmissiounspresident kann déi grouss politesch Linne vun der Kommissioun bestëmmen. Hien organiséiert a leet d'Reunioune vum Kommissiounscollège (déi gewéinlech all mëttwochs moies sinn).

Hie vertrëtt weiderhin d'Kommissioun, wann den Europäesche Conseil zesummekënnt, bei de Reunioune vum G8 (den 8 gréissten Industrienatiounen) a bei de Sessioune vum Europäesche Parlament.

GeschichtÄnneren

Dat haitegt Amt vum President vun der Europäescher Kommissioun geet zréck op dat vum President vun der Héijer Autoritéit vun der CECA, dat et zanter 1952 gëtt. Vun Ufank un gouf d'Héich Autoritéit och 'Kommissioun' genannt. 1958 goufen nieft der CECA d'Europäesch Atom-Communautéit and d'Europäesch Ekonomesch Communautéit (och bekannt als 'Europäesch Wirtschaftsgemeinschaft', EWG) geschaaft. 1967 hunn dës 3 Communautéiten zu den Europäesche Communautéite fusionéiert; hir Exekutivorganer goufen och zesummegeluecht zur "Kommissioun vun den Europäesche Communautéiten".

  Méi Informatioun doriwwer am Artikel: Traité iwwer d'Asetze vun engem gemeinsame Conseil an enger gemeinsamer Kommissioun vun den Europäesche Gemeinschaften

KommissiounspresidentenÄnneren

Kuckt ochÄnneren

Um SpaweckÄnneren