Haaptmenü opmaachen
D'CFL 3005 zu Arel, um Krop en InterCity J mat M6'er fir op Bréissel.

Den InterCity J (IC J) ass e belschen Zuch dee Bréissel-Midi mat Arel verbënnt. Bis op e puer Ausname gëtt déi Verbindung ëmmer bis op d'Gare Lëtzebuerg verlängert, an huet hiren Urspronk och nees op der Stater Gare.

StreckeverlafÄnneren

Den InterCity J fiert iwwer folgend Linnen:

An der Belsch:

Zu Lëtzebuerg:

D'Streck ass integral mat 3KV Gläichstroum elektrifizéiert. D'Referenzvitesse läit bei 130 km/St.

Am Summer gi moies fréi zwéin Zich bis Oostende oder Blankenberge verlängert.

Am Kader vum Amenagement vun der Linn 162 ass den Asaz vu sougenannte Pendulaire-Zich an der Diskussioun. Déi Zich kéinten trotz ville Kéieren eng héich Vitesse bäibehalen, wat den Trajet op knapps iwwer 2 Stonne kéint drécken.

HoraireÄnneren

Den Horaire 2010 gesäit vir, datt all Stonn 1 Zuch an all Richtung op där Verbindung fiert. A Richtung Bréissel fiert den éischten Zuch mueres um 4:45 Auer zu Arel fort an de leschten owes um 21:20 Auer an der Stad, woubäi deen Zuch an der Woch zu Namouer säin Terminus huet an um Weekend zu Jemelle.

Vun der Gare du Midi erfort fiert den éischten Zuch wiertes, moies um 5:30 Auer, um Weekend um 6:30 Auer an de leschten owes um 20:30 Auer.

Well déi regulär Zich 3 Stonne brauchen, gëtt et 4 Schnellzich an all Richtung déi nëmmen op de wichtegste Garen hale bleiwen an dowéinst nëmmen 2 Stonnen an 30 Minutte brauchen.

MaterialÄnneren

D'Material fir déi Relatioun besteet an der Reegel aus 2 belschen AM 96 dei ënner Ëmstänn zu Arel mat enger weiderer Automotrice verstäerkt ginn. Bis den 28. Mee 2000 sinn AM 80 op der Streck gelaf.

An der Woch besti 4 Relatioune mueres a 4 Relatiounen owes aus belschen M6 Voituren déi entweder vun enger T13/CFL3000 oder enger HLE20 gezu ginn.

2 vun de Verbindunge gi mat fréieren EuroCity-Zich gefuer an hunn dowéinst eng gemëschte Kompositioun. Den EuroCity Vauban besteet aus schwäizer Eurofima-Voituren, souwéi belschen I6'er an I10'er. Den EuroCity Jean Monnet besteet aus enger Corail's Ramm vum TER Alsace. Béid Schnellzich gi vu belschen 20'er gezunn.

GarenÄnneren

Um SpaweckÄnneren