CFL 3000 / Serie 13 SNCB

D'CFL-Lokomotiven aus der Serie 3000 sinn Elektrolocken déi bei der lëtzebuergescher Eisebunnsgesellschaft CFL ënner den Nummeren 3001 - 3020 immatrikuléiert sinn.

CFL 3000 / Serie 13 SNCB

Constructeur	Alstom
Bedreiwer	SNCB, CFL
Baujoer	1997-2001
Benotzt a(n)	Belsch, Lëtzebuerg
Numeréierung	CFL:3001-3020 SNCB: 1301-1360
Stéckzuel	80
Technesch Detailer
Ass en(g)	Elektrolocken
Bauaart	Bo'Bo'
Spuerbreet	Normalspuer
Déngschtmass	90 Tonnen
Längt iwwer Puffer	19110 mm
Héicht ouni Pantograph	4220 mm
Maximal Achselaascht	21 Tonnen
Héchstvitess	200 km/h
Maximal Dauerleeschtung	5000 kW

Vun 80 Maschinnen déi vun der CFL an der SNCB zesumme bei Alstom kaaft goufen, sinn der 60 un déi belsch Eisebunnsgesellschaft an 20 op Lëtzebuerg geliwwert ginn. Zu Lëtzebuerg sinn der nach 18 am Déngscht^{(Stand: Oktober 2024)}. D'Lokomotiv mat der Nummer 3001 gouf ausgemustert, an d'Lokomotiv 3012 gouf verschrott.

Allgemenges

• D'Serien CFL3000 an SNCB13 si baugläich a kënnen dofir ouni Problemer an "UM" (Unité Multiple) gefuer ginn.

Asaz beim CFL

• Am Fret-Service SIBELIT lafen dës Lokomotiven zesumme mat de belschen, baugläiche Lokomotiven aus der Serie 13 vun der SNCB an de BB 36000 vun der SNCF. Speziellen Ekipement erlaabt et bis Saint-Louis ze fueren.
• Am Persouneverkéier lafen déi Lokomotiven op der CFL-Linn 5 Lëtzebuerg-Klengbetten-Arel, op der InterRegio-Streck M Lëtzebuerg-Léck-Liers, an op der IC J Streck Lëtzebuerg-Bréissel.
• Onreegelméisseg lafe se op de CFL Linnen 1, 6 a 7.
• Ausserdeem gëtt de Lëtzebuerg-Blankenberge-Express vun enger Serie 3000 gezunn.
• Si kënne vun den CFL-Dosto Steierween aus gesteiert ginn.

Bestand bei der CFL

Nummer	Bemierkung	Foto
3001	Gouf kuerz no der Liwwerung beschiedegt, stoung 10 Joer am Schapp a gouf den 23. bis 25.November 2011 verschrott.
3002	Ass op den Numm Blankenberge gedeeft an huet baussen eng Plack mam Wope vun der Stad.
3003
3004
3005
3006
3007
3008
3009
3010
3011
3012	gouf[Wéini ?] verschrott.
3013
3014
3015
3016
3017
3018
3019
3020

Asaz bei der SNCB

1356 mam InterCity A zu Oostende

D'Maschinnen 1301-1340 sinn exklusiv am Giddertransport aktiv a lafen am Pool vun der Sibelit. D'Maschinne mat den Nummeren 1341-1360 lafen haaptsächlech am Persounentraffic.

• Am Persouneverkéier op den InterCitylinnen A, O a J, op P Zich an um InterRegio m an InterRegio s.
• Si kënne vu Steierwee vun den Typpen M6 BDx an I11 BDx aus gefuer ginn.

Um Spaweck

• CFL 3000 op der CFL-Websäit
• D'Serie CFL 3000 op rail.lu
• D'Serie CFL 3000 op der Websäit vu Spoorgroep Luxemburg
• D'Serie CFL 3000 op der Websäit vun hellertal.startbilder.de

Um Spaweck

Commons: CFL 3000 – Biller, Videoen oder Audiodateien

Commons: SNCB 13 – Biller, Videoen oder Audiodateien