Wikipedia, déi fräi Enzyklopedie

Gaston Reinesch

lëtzebuergeschen Ekonomist

De Gaston Reinesch, gebuer de 17. Mee 1958 zu Esch-Uelzecht, ass e lëtzebuergeschen Ekonomist, Gouverneur vun der Lëtzebuerger Zentralbank a Professeur invité op der Universitéit Lëtzebuerg.[1],[2],[3]

Gaston Reinesch
Gebuer 17. Mee 1958
Lëtzebuerg
Nationalitéit Lëtzebuerg
Aktivitéit Ekonomist
Member vun Section des sciences morales et politiques (Institut grand-ducal)
Wikidata-logo-without-paddings.svg

Zanter dem 1. Januar 2013 ass hien den Nofollger vum Yves Mersch als Gouverneur vun der Lëtzebuerger Zentralbank. Hien ass Member vum Rot vun der Europäescher Zentralbank a vun der Bank for International Settlements a vertrëtt Lëtzebuerg an enger Rei vun internationalen Organisatiounen, ë. a. als Vizegouverneur fir Lëtzebuerg beim Internationale Wärungsfong an als Member beim European Systemic Risk Board. Hien ass Member vum Comité du risque systémique, vum Conseil de résolution a vum Conseil de protection des déposants et des investisseurs.[4],[5] Hien ass President vun The Bridge Forum Dialogue a Member vum Haut Comité de la Place Financière.[6],[7] Hien ass Member vum Institut grand-ducal, Section des sciences morales et politiques, President vun der Fondation Coeur – Daniel Wagner, Conseiller honoraire vun der Fondation Kräizbierg a Member vum Lions Club Esch-sur-Alzette.[8],[9],[10]

De Gaston Reinesch huet e Master en sciences économiques mat der Mentioun summa cum laude vun der Universitéit Namur an e Master of science in Economics vun der London School of Economics.

Hien huet 1984 seng berufflech Carrière als Wirtschaftsconseiller bei der Chambre de commerce ugefaangen. 1989 ass hien an den ëffentlechen Déngscht gewiesselt wouropshin hie Regierungskommissär bei der BIL gouf. Nom Depart vum Romain Bausch gouf hien 1995 Administrateur général am Finanzministère, wourop en ë. a. President vum Verwaltungsrot vun der Post, Vizepresident vun der Commission de surveillance du secteur financier, vun der Spuerkeess, Verwaltungsrotmember vun der ARBED a vum Institut monétaire luxembourgeois ënner dem deemolege President Raymond Kirsch gouf. Hie war och President vum Commissariat aux assurances, vun der BGL BNP Paribas, vun der Société nationale de crédit et d'investissement, vum Conseil économique et social, vu LUXGSM, vu Post Capital a vun der Société luxembourgeoise de capital-développement pour les petites et les moyennes entreprises.[11],[12]

Ausserdeem war hien am Verwaltungsrot vun enger Rei vun Entreprisen: Cargolux, Enovos, Eurobéton, Luxcontrol, Paul Wurth, Société électrique de l'Our, Société européenne des satellites, Société nationale des habitations à bon marché, Société du Port de Mertert an Institutiounen: CEPS/INSTEAD, Centre de recherche public Gabriel-Lippmann, Conseil supérieur pour un développement durable, Europäesch Investitiounsbank, Europäeschen Investitiounsfong, Fondation Alphonse Weicker, Fonds de compensation, Fonds national de soutien à la production audiovisuelle, International Islamic Liquidity Management Corporation, Lux Central Securities Depository, Luxembourg for Business, Luxembourg for Finance, Luxembourg School of Finance Foundation.[13],[14],[15],[16],[17]

Publikatiounen a Konferenzen

Gielercher

Um Spaweck

Referenzen

  1. ↑ Gaston Reinesch, un symbole fort
  2. ↑ Gaston Reinesch publie une oeuvre inachevée
  3. ↑ Université du Luxembourg
  4. ↑ CdRS
  5. ↑ CSSF Gouvernance
  6. ↑ The Bridge - Forum Dialogue
  7. ↑ HCPF
  8. ↑ Fondation Coeur - Daniel Wagner
  9. ↑ Lions Clubs Luxembourg
  10. ↑ Fondation Kräizbierg
  11. ↑ Post Capital
  12. ↑ CD-PME
  13. ↑ Fondation Alphonse Weicker
  14. ↑ IILM
  15. ↑ LuxCSD
  16. ↑ Luxembourg for Finance
  17. ↑ LSF
Vun „https://lb.wikipedia.org/w/index.php?title=Gaston_Reinesch&oldid=2444555“