Enovos Luxembourg s.a. ass eng lëtzebuergesch Entreprise, déi Energie (Stroum a Gas), liwwert. Si huet hire Sëtz zu Esch-Uelzecht.

Si ass 2009 entstanen aus der Fusioun vun der Cegedel (déi bis dohin 70 % vum Lëtzebuerger Stroummaart hat), der Soteg a Saar Ferngas.

De Lëtzebuerger Staat ass mat 25,44 Prozent Haaptaktionär. 23,48 Prozent gehéieren der Ardian, 18,36 Prozent der RWE, 10,1 Prozent der SNCI, 10 Prozent der E.ON, 8 Prozent der Gemeng Lëtzebuerg a 4,71 Prozent der GDF Suez.[1]

Duechtergesellschafte sinn ë. a. an Däitschland d'Enovos Energie Deutschland GmbH zu Wiesbaden an d'Enovos Deutschland AG zu Saarbrécken.

Enovos Luxembourg huet 745 Mataarbechter a beliwwert 136.000 Privatclienten a 34.000 Entreprisen zu Lëtzebuerg.

VerwaltungsgebaiÄnneren

 
Déi fréier Turbinnenhal an Pompelstatioun

Enovos huet säi Sëtz zu Esch Uelzecht, am Schlassgoart vum fréiere Berwarter Schlass, um Terrain vun der fréierer Metze Schmelz (haut ArcelorMittal Esch-Schëffleng). E besteet aus engem moderne Gebai mat 5 Stäck, dat 2013-14 nieft dem fréiere Pompelhaus an der fréierer Turbinnenhal vun der Schmelz, gebaut gouf. Déi zwee leschtgenannt Gebaier, allebéid aus Zillen, goufen och renovéiert an a Konferenz- a Bürosraim ëmgebaut an duerch en Atrium mam neie Gebai verbonnen.

Architekt vum Projet war den Architektebüro Jim Clemes.

LiteraturÄnneren

  • Atelier d'Architecture et de Design Jim Clemes: Enovos. Esch-Uelzecht [2014]. ISBN 978-99959-742-6-8. [Plaquette iwwer d'Verwaltungsgebai, mat Texter vum Mirjam Oesch, Antoinette Lorang a Shaaf Milani-Nia; a Fotoe vum Steve Troes, fotodesign.]

Um SpaweckÄnneren

Commons: Enovos Luxembourg – Biller, Videoen oder Audiodateien

ReferenzenÄnneren

  1. http://www.enovos.eu/groupe-enovos/enovos-international-s.a/portrait