Internationale Wärungsfong

Dësen Ekonomiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Den Internationale Wärungsfong (engl.: International Monetary Fund, kuerz IMF, op franséisch Fonds monétaire international, kuerz FMI) ass eng spezialiséiert Organisatioun vun de Vereente Natiounen. Hien huet säi Sëtz zu Washington a gouf 1944, zesumme mat der Weltbank, enger Schwësterorganisatioun, opgrond vun de Beschlëss vun der Konferenz vu Bretton Woods, gegrënnt. De 27. Dezember 1945 huet den FMI seng Aktivitéiten opgeholl.

Washington D.C., Sëtz vum FMI

Déi offiziell Aarbechtssprooch vum FMI ass Englesch.

Organisatioun an Aufgaben

Joresversammlung vum FMI (1980) D'Gouverneure vu Lëtzebuerg (Ernest Mühlen (l.) a Pierre Werner (r.))

Organen

• Rot vun de Gouverneuren. All Land bezeechent e Gouverneur an e Vizegouverneur, déi all Joer un der Joresversammlung vum FMI deelhuelen.
• Internationalen Wärungs- und Finanzausschoss (IMFC)
• Exekutivdirektorium
• Internen Evaluatiounausschoss

Den FMI huet ogeféier 2.680 Mattarbëschter aus 184 Länner.

Generaldirekter an Exekutivdirekteren

• Den IMF gëtt vun engem Generaldirekter (Managing Director), deen och de Exekutivdirektorium presidéiert, geleet. Opgrond vun enger Ofmachung tëscht den USA a verschiddene westeuropäesche Länner ass de Generaldirekter vum FMI ëmmer en Europäer, wärend d'Weltbank an der Reegel vun engem Amerikaner geleet gëtt.
• D'Generaldirektere vum FMI gëscht an haut
  • 1946–1951 – Camille Gutt
  • 1951–1956 – Ivar Rooth
  • 1956–1963 – Per Jacobsson
  • 1963–1973 – Pierre-Paul Schweitzer
  • 1973–1978 – H. Johannes Witteveen
  • 1978–1987 – Jacques de Larosière
  • 16. Januar 1987 bis 14. Februar 2000 – Michel Camdessus
  • 1. Mee 2000 bis 4. Mäerz 2004 – Horst Köhler
  • 7. Juni 2004 bis 31. Oktober 2007 – Rodrigo Rato
  • 1. November 2007 bis 18. Mee 2011 - Dominique Strauss-Kahn
  • 5. Juli 2011 bis 12. September 2019 Christine Lagarde
  • Zanter dem 1. Oktober 2019 Kristalina Georgieva
• Den Exekutivdirektorioun setzt sech aus dem Generaldirekter a 24 Exekutivdirekteren zesummen, déi vun de Memberlänner gewielt ginn. Nëmmen déi grouss Länner, wéi China, Däitschland, Groussbritannien, Frankräich a Russland verfügen iwwer genuch Stëmme fir hiren eegenen Exekutivdirekter ze bestëmmen. Déi aner Länner musse sech a sougegannte constituencies (Gruppen) zesummenschléisse fir opgrond vun internen Ofmachungen e Vertrieder an den Exekutivdirektorium kënnen ze schécken.

Vertriedung vu Lëtzebuerg

• Gouverneur fir Lëtzebuerg beim Fonds monétaire international ass de Finanzminister Gilles Roth. Säi Stellvertrieder ass de President vun der Banque centrale du Luxembourg (BCL) Gaston Reinesch.
• Lëtzebuerg gehéiert zu engem Lännergrupp (constituency), deem:
  • Éisträich
  • Wäissrussland (Belarus)
  • d'Belsch
  • Tschechien
  • Kasachstan
  • Lëtzebuerg
  • d'Slowakei
  • Slowenien
  • Tierkei an
  • Ungarn ugehéieren
• an deen duerch den Exekutivdirekter Willy Kiekens (Belsch) a säi Stellvertrieder Johann Prader (Éisträich) am Exekutivdirektorium vum FMI vertrueden ass.

Kuckt och

• Bretton Woods

Um Spaweck

Commons: Internationale Wärungsfong – Biller, Videoen oder Audiodateien

• Déi franséisch Websäit vum FMI