Gare Déifferdeng

Gare Déifferdeng
ass eng	Gare
Status	am Gebrauch
Lag vun der Statioun
Land	Lëtzebuerg
Gemeng	Déifferdeng
Koordinaten	49°31'21,130"N, 5°53'29,976"O
Héicht i. M.	304 m
Reseau
Statiounscode	Di
Bedreiwer	CFL
P.K.	4,70 km
Gleiser	2
Passagéier/Joer	990.902
	(2022)
Nopeschstatioun(en)	Gare Nidderkuer,; Gare Uewerkuer
	Lag vun der Gare Déifferdeng

D'Gare vun Déifferdeng ass eng Gare vun der Lëtzebuerger Eisebunn. Se läit südlech vum CR174 (Rue Émile Mark) an der Sektioun Déifferdeng vun der Gemeng mam selwechten Numm a gehéiert zu follgende Linne vum CFL-Zuchreseau:

Lëtzebuerg - Esch-Uelzecht - Rodange
Ëlwen - Lëtzebuerg - Esch-Uelzecht - Rodange.

Se läit tëscht der Gare Uewerkuer an där vun Nidderkuer.

Bei der Gare ass e Park & Rail-Parking mat 271 Plazen an zwou spezielle Parkplaze fir Leit mat reduzéierter Mobilitéit. Bei der Gare gëtt et eng Bikebox fir säi Vëlo ënnerdaach ze stellen. D'Gare ass op der Halt Differdange, Schoul un den TICE- an RGTR-Reseau ugebonnen.

Geschicht

D'Eisebunnsstreck Esch-Uelzecht-Péiteng ass den 1. August 1873 opgaangen, mat deemools just véier Garen, dorënner och d'Gare Déifferdeng. Ronderëm d'Gare louche Verluedequaien vun den eenzele Grouwen. Déi éischt Gare war just en hëlzene Schapp (1873), ier 1892 e stengent Gebai gebaut an 1910 vergréissert gouf.^[1]

Am Kader vun der Moderniséierung vun der Streck an den 1980er an 90er Joren ass déi ursprénglech Déifferdenger Gare (PK 4,007 haut Differdange-M am Fachjargon) mam Fuerplangwiessel den 31. Mee 1992 fir de Persounentrafick fir zerguttst zougemaach, a mat enger neier Halt, ronn 700 m. méi südlech (PK 4,700), bei der Émile-Mark-Strooss ersat ginn. Den 9. Dezember 1991 huet den CFL-Verwaltungsrot den Accord fir de Bau vun der neier Gare ginn. D'Aarbechten hunn de 17. Februar 1992 ugefaangen an d'Gare ass fir de Fuerplangwiessel Enn Mee 1992 opgaangen.^[2]

Zich déi an der Gare halen

(Stand: Abrëll 2025)

Aller

Aus Richtung	Halt virdrun		Nächst Halt	A Richtung
Lëtzebuerg ↔ Esch-Uelzecht ↔ Rodange änneren
Lëtzebuerg	Uewerkuer	RB	Nidderkuer	Rodange oder Péiteng
Lëtzebuerg	Belval-Université oder Uewerkuer	RE	Nidderkuer oder Péiteng	Rodange oder Péiteng
Ëlwen ↔ Lëtzebuerg ↔ Esch-Uelzecht ↔ Rodange änneren
Ëlwen	Belval-Université	RE	Péiteng	Rodange
Miersch	Uewerkuer	RE	Nidderkuer	Péiteng

Retour

Jeeweils an der entgéintgesater Richtung wéi an der Tabell uewendriwwer.

Kuckt och

Um Spaweck

Commons: Gare Déifferdeng – Biller, Videoen oder Audiodateien

Referenzen an Notten

↑ Gast Poos, Die Bahnhöfe und Haltestellen in der Gemeinde Differdingen, in: Associatioun FNCTTFEL Péiteng, 1917-1992: Fändelweih: 25. Oktober 92, S. 86
↑ Quell vum Kapitel „Geschicht“, wou net anescht uginn: Federmeyer, Ed, und Pierre Pasquali. Eisenbahnen in Luxemburg. Gernrode: W. Herdam Fotoverl., 2007. Print. (Esch-Petingen-Rodingen, pp. 370 383, 389)

[1] Gast Poos, Die Bahnhöfe und Haltestellen in der Gemeinde Differdingen, in: Associatioun FNCTTFEL Péiteng, 1917-1992: Fändelweih: 25. Oktober 92, S. 86

[2] Quell vum Kapitel „Geschicht“, wou net anescht uginn: Federmeyer, Ed, und Pierre Pasquali. Eisenbahnen in Luxemburg. Gernrode: W. Herdam Fotoverl., 2007. Print. (Esch-Petingen-Rodingen, pp. 370 383, 389)

[1]

[2]