Eurovision Song Contest 2001
| 46. Eurovision Song Contest | |
|---|---|
| Datum | 12. Mee 2001 |
| Stad | Kopenhagen (Dänemark) |
| Gebai | Parken Stadion |
| Gewënner | Tanel Padar, Dave Benton an 2XL (Estland) |
| Zuel vu Länner | 23 |
| Nei Participatiounen | Keng |
| Moderatioun | Natasja Crone a Søren Pilmark |
| Interval Act | Aqua |
| Ofstëmmungsreegel | All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. |
De 46. Eurovision Song Contest war den 12. Mee 2001 an Dänemark. Dat Joert gouf d'Eurovisioun am Parken-Stadion zu Kopenhagen organiséiert. Presentateure waren d'Natasja Crone an de Søren Pilmark.
Fir d'Zuel vun de Länner ze reduzéiere sinn d'Plaze vun de leschte 5 Joer gekuckt ginn an déi mat de mannste Punkte hu missen e Joer Paus maachen. Betraff vun där Reegel waren d'Republik Mazedonien, Zypern, d'Schwäiz, Éisträich, Rumänien, d'Belsch a Finnland. Lëtzebuerg huet scho wéi déi 7 Joer virdru fräiwëlleg drop verzicht fir matzemaachen. Och Italien, Ungarn an d'Slowakei hu fräiwëlleg net matgemaach. Am Ganze waren 23 Länner dobäi.
D'Reegel fir d'Ofstëmmung ass d'selwecht bliwwe wéi déi Jore virdrun, allerdéngs ass an de meeschte Länner den Televoting duerch d'Spectateure benotzt gi fir ofzestëmmen, mat Ausnam vu Bosnien an Herzegowina, Tierkei a Russland, wou nach eng Jury d'Ofstëmmung gemaach huet. Et ass nach eng fakultativ nei Méiglechkeet agefouert ginn fir ofzestëmmen, nämlech 50 % duerch Televoting a 50 % duerch eng Jury. Allerdéngs hunn nëmme Kroatien, Griicheland a Malta déi nei Méiglechkeet benotzt. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Kopenhagen matgedeelt ginn.
Déi éischt Plaz kruten d'Vertrieder vun Estland, den Tanel Padar, Dave Benton an 2XL mat 21 Punkte Virsprong virum Grupp Rollo & King (Dänemark). Déi drëtt Plaz krut d'Grupp Antique, déi fir Griicheland ugetruede war.
Fir Estland war et déi éischt Kéier datt et de Grand Prix gewonnen hat.
Klassement
änneren| Plaz | Startnr. | Land | Interpret | Titel | Punkten |
|---|---|---|---|---|---|
| 1. | 20 | Estland | Tanel Padar, Dave Benton an 2XL | Everybody | 198 |
| 2. | 23 | Dänemark | Rollo & King | Never Ever Let You Go | 177 |
| 3. | 22 | Griicheland | Antique | I Would Die for You | 147 |
| 4. | 14 | Frankräich | Natasha Saint-Pier | Je n'ai que mon âme | 142 |
| 5. | 7 | Schweden | Friends | Listen to Your Heartbeat | 100 |
| 6. | 13 | Spuenien | David Civera | Dile que la quiero | 76 |
| 7. | 17 | Slowenien | Nuša Derenda | Energy | 70 |
| 8. | 19 | Däitschland | Michelle | Wer Liebe lebt | 66 |
| 9. | 21 | Malta | Fabrizio Faniello | Another Summer Night | 48 |
| 10. | 10 | Kroatien | Vanna | Strings of My Heart | 42 |
| 11. | 15 | Tierkei | Sedat Yüce | Sevgiliye son | 41 |
| 12. | 6 | Russland | Mumiy Troll | Lady Alpine Blue | 37 |
| 13. | 8 | Litauen | Skamp | You Got Style | 35 |
| 14. | 3 | Bosnien an Herzegowina | Nino | Hano | 29 |
| 15. | 16 | Groussbritannien | Lindsay D. | No Dream Impossible | 28 |
| 16. | 5 | Israel | Tal Sondak | Ein davar | 25 |
| 17. | 11 | Portugal | MTM | Eu só sei ser feliz assim | 18 |
| 18. | 9 | Lettland | Arnis Mednis | Too Much | 16 |
| 18. | 1 | Holland | Michelle | Out on My Own | 16 |
| 20. | 18 | Polen | Piasek | 2 Long | 11 |
| 21. | 12 | Irland | Gary O’Shaughnessy | Without Your Love | 6 |
| 22. | 2 | Island | Two Tricky | Angel | 3 |
| 22. | 4 | Norwegen | Haldor Lægreid | On My Own | 3 |
Déi rout markéiert Länner hunn am Joer drop (2002) wéinst hirem schlechte 5-Jores-Duerchschnëtt missen aussetzen. Lettland huet 2002 nëmmen däerfe matmaachen, well Portugal net matgemaach huet.
Um Spaweck
änneren| Commons: Eurovision Song Contest 2001 – Biller, Videoen oder Audiodateien |
| Stockholm (Schweden) | 
|
Tallinn (Estland) |
|---|---|---|
| ESC 2000 | Eurovision Song Contest | ESC 2002 |