Eurovision Song Contest 1988
| 33. Eurovision Song Contest | |
|---|---|
| Datum | 30. Abrëll 1988 |
| Stad | Dublin (Irland) |
| Gebai | Simmonscourt Pavillon vun der Royal Dublin Society |
| Gewënner | Céline Dion (Schwäiz) |
| Zuel vu Länner | 21 |
| Nei Participatiounen | Keng |
| Moderatioun | Pat Kenny a Michelle Rocca |
| Interval Act | Hothouse Flowers |
| Ofstëmmungsreegel | An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. |
Den 33. Eurovision Song Contest war den 30. Abrëll 1988 an Irland. Organiséiert gouf d'Eurovisioun dat Joer am Simmonscourt Pavillon vun der Royal Dublin Society zu Dublin. Presentateure waren de Pat Kenny an d'Michelle Rocca.
Am Ganzen hunn 21 Länner matgemaach. Malta, Monaco an Zypern waren net dobäi. Zypern wollt zwar ursprenglech matmaachen, mä hire Bäitrag war scho viru Jore mol verëffentlecht ginn. Se konnten dofir a leschter Minutt net matmaache well dat no de Reegelen net erlaabt war.
Verschidde Sänger ware scho virdru mol eng Kéier dobäi, d'Kirsten & Søren (Hot Eyes) fir Dänemark 1984 a 1985, d'Grupp Boulevard fir Finnland 1987, d'Yardena Arazi fir Israel 1976 (Deel vu Chocolat, Menta, Mastik), d'Dora fir Portugal 1986, den Tommy Körberg fir Schweden 1969 an d'Grupp MFÖ fir d'Tierkei 1985.
D'Reegel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Dublin matgedeelt ginn.
Déi éischt Plaz krut d'Vertriederin vun der Schwäiz, d'Céline Dion mat 1 Punkt Virsprong virum Scott Fitzgerald (Groussbritannien). Déi drëtt Plaz krut de Grupp Hot Eyes, dee fir Dänemark ugetruede war.
Fir d'Schwäiz war et déi zweet Kéier datt et de Grand Prix gewonnen hat. Fir d'Gewënnerin Céline Dion war et de Start fir hir weltwäit Carrière. Bis dohi war se nëmmen a Frankräich an a Kanada bekannt.
Och fir d'Lara Fabian, déi fir Lëtzebuerg ugetruede war, war d'Eurovisioun de Start fir eng erfollegräich Karriär.
Klassement
änneren| Plaz | Land | Interpret | Titel | Punkten |
|---|---|---|---|---|
| 1. | Schwäiz | Céline Dion | Ne partez pas sans moi | 137 |
| 2. | Groussbritannien | Scott Fitzgerald | Go | 136 |
| 3. | Dänemark | Hot Eyes | Ka’ du se hva’ jeg sa'? | 92 |
| 4. | Lëtzebuerg | Lara Fabian | Croire | 90 |
| 5. | Norwegen | Karoline Krüger | For vår jord | 88 |
| 6. | Jugoslawien | Srebrna Krila | Mangup | 87 |
| 7. | Israel | Yardena Arazi | Ben adam | 85 |
| 8. | Irland | Jump the Gun | Take Him Home | 79 |
| 9. | Holland | Gerard Joling | Shangri-La | 70 |
| 10. | Frankräich | Gérard Lenorman | Chanteur de charme | 64 |
| 11. | Spuenien | La Década Prodigiosa | La chica que yo quiero („Made in Spain“) | 58 |
| 12. | Schweden | Tommy Körberg | Stad i ljus | 52 |
| 12. | Italien | Luca Barbarossa | Ti scrivo | 52 |
| 14. | Däitschland | Maxi & Chris Garden | Lied für einen Freund | 48 |
| 15. | Tierkei | MFÖ | Sufi („Hey ya hey“) | 37 |
| 16. | Island | Beathoven | Sókrates | 20 |
| 17. | Griicheland | Afroditi Fryda | Kloun | 10 |
| 18. | Belsch | Reynaert | Laissez briller le soleil | 5 |
| 18. | Portugal | Dora | Voltarei | 5 |
| 20. | Finnland | Boulevard | Nauravat silmät muistetaan | 3 |
| 21. | Éisträich | Wilfried | Lisa Mona Lisa | 0 |
Um Spaweck
änneren| Commons: Eurovision Song Contest 1988 – Biller, Videoen oder Audiodateien |
| Bréissel (Belsch) | 
|
Lausanne (Schwäiz) |
|---|---|---|
| ESC 1987 | Eurovision Song Contest | ESC 1989 |