Discovery-Programm

2016 InSight Mars lander
Rotatioun vum Asteroid (433) Eros.
De Planéit Merkur, fotograféiert vum Messenger. Um Bild de Krater Sholem Aleichem.

Den Discovery-Programm vun der NASA ass eng Serie vu käschtegënschtegen, héich konzentréierten, wëssenschaftleche Weltraum-Missiounen. E gouf no der Visioun vum NASA-Chef Daniel Goldin vun enger "méi séierer, besserer a méi bëlleger" (engl. "Faster – Better – Cheaper") Planéitemissioun gegrënnt. De Programm besteet aus eegene Raumsonden an sog. "Discovery Missions of Opportunity", vun der NASA gebauten Instrumenter a Raumsonde vun anere Raumfaartagenturen. Eenzege Feelschlag war bis elo d'CONTOUR Missioun. Mars Climate Orbiter a Mars Polar Lander hu net zum Discovery-Programm gehéiert.

MissiounenÄnneren

Fäerdeg MissiounenÄnneren

ErfollegräichÄnneren

  • NEAR, eng Missioun, fir Asteroiden z'observéieren; war um (433) Eros gelant. Si ass haut net méi a Betrib.
  • Mars Pathfinder, e Mars-Landemodul mat engem klenge Rover, nom Ofschloss vun der Missioun gouf hien ofgeschalt.
  • Lunar Prospector, e Moundsatellit, deen op d'Mounduewerfläch gefall war.
  • Deep Impact, eng Missioun, bei där eng Raumsond op e Koméit fält, awer nach eng Sond huet déi funktionéiert an déi vläicht fir spéider Missioune benotzt ka ginn.
  • Stardust, eng Missioun fir Deelercher aus engem Koméiteschwäif ze sammelen. Si koum domat de 15. Januar 2006 op d'Äerd zréck. D'Mammeschëff bleift an engem Orbit ronderëm d'Sonn a ka fir spéider Missiounen nach gebraucht ginn.
  • De Moon Mineralogy Mapper, eng „Discovery Mission of Opportunity“, war en Instrument fir d'Erfuerschung vun der Mineralogie um Äerdmound a gouf am Oktober 2008 u Bord vum ISRO-Orbiter Chandrayaan-1 gestart. Am August 2009 war de Kontakt mat der Sond ofgebrach.

Deelweis erfollegräichÄnneren

  • Genesis, eng Missioun fir Sonnewandpartikelen ze sammelen. Bei der Landung haten d'Fallschiermer versot an d'Landekapsel war an der Wüst bei Salt Lake City erofgefall. No éischten Aussoe gouf ugedeit, datt awer e puer Partikele wëssenschaftlech ënnersicht konnte ginn.

FeelschlagÄnneren

  • De CONTOUR, eng Sond, déi beim Zünde vum eegenen Dreifwierk beim Verloosse vun der Äerdëmlafbunn an dräi Deeler gebrach ass.

Lafend MissiounenÄnneren

Geplangt MissiounenÄnneren

  • Strofio, en Instrument fir d'Analys vun der Exosphär vum Merkur. D'Missioun soll viraussiichtlech 2016 op BepiColombo gestart ginn.
  • LaRa ass en Deel zum ExoMars-Lander (2018), a soll d'Versteesdemech vun der Struktur an dem Zoustand vum Marskär verbessern.

Virgeschloe MissiounenÄnneren

De 5. Mee 2011 goufen ënner 28 Virschléi dräi Projete fir déi nächst Discovery-Missiounen erausgesicht:

  • InSight (Interior Exploration using Seismic Investigations, Geodesy and Heat Transport), e Marslander dee Struktur an Zesummesetzung vum Marskär ënnersiche soll an d'Versteesdemech vun der Genesis a vun der Entwécklung vun terrestresche Planéite erweidere soll.
  • Titan Mare Explorer (TiME), eng Raumsond, déi op engem vun de gréisste Methanséie vum Titan „lande“ soll.
  • Comet Hopper (Chopper), eng Sond, déi op engem Koméit landen an e puermol hir Plaz wiessele soll, fir d'Verännerunge vum Koméit iwwer e laangen Zäitraum ze dokumentéieren.

Ënner dëse Virschléi ass den 20. August d'Wiel op de stationäre Marslander InSight gefall, deen 2016 gestart soll ginn.

Kuckt ochÄnneren

  Portal Astronomie

Um SpaweckÄnneren