Haaptmenü opmaachen
Disambig.svg Dësen Artikel beschäftegt sech mat dem DP Politiker Marc Hansen. Fir dee vun Déi Gréng, kuckt w.e.g. Marc Hansen (1968).

De Marc Hansen, gebuer den 10. Abrëll 1971 an der Stad Lëtzebuerg,[1] ass e lëtzebuergesche Journalist a Politiker (DP). Hien ass zanter dem 5. Dezember 2018 Minister fir d'Fonction publique an d'Relatioune mam Parlament; delegéierte Minister fir Digitalisatioun a fir d'administrativ Reform an der Regierung Bettel-Schneider-Braz.

Marc Hansen
160127 Informal Meeting Ministers of Competitiveness - Day 1 EEK9332 (24560467091) -cropped Marc HANSEN.jpg
Gebuer 10. Abrëll 1971
Lëtzebuerg
Nationalitéit Lëtzebuerg
Educatioun Stater Kolléisch
Aktivitéit Politiker, Journalist
Partei Demokratesch Partei
Wikidata-logo-without-paddings.svg

CarrièreÄnneren

De Marc Hansen ass zu Steesel opgewuess an huet 1991 seng Première am Kolléisch an der Stad gemaach.

Vun 1994 un huet hie bei RTL geschafft, wou hien ënner anerem de Sport presentéiert huet. Am Juni 2009 gouf bekannt, datt hien RTL géif verloossen, fir Pressespriecher bei der DP ze ginn.[2]

No senger Kandidatur op der DP-Lëscht am Bezierk Norde bei de Chamberwale vum 20. Oktober 2013 ass hien de 5. Dezember 2013 "nogerëtscht" op d'Plaz vum Fernand Etgen, dee Minister gouf.[3] Nodeem den André Bauler aus gesondheetleche Grënn aus der Regierung zréckgetrueden ass, gouf de Marc Hansen a senger Plaz den 28. Mäerz 2014 als Staatssekretär am Erzéiungsministère vereedegt.[4] Zousätzlech koum en de 27. Mäerz 2015 als Staatssekretär an de Wunnengsbauministère.

De Marc Hansen war vun 2005 bis 2014 Schäffen an der Gemeng Useldeng. Vum 25. Oktober 2011 bis Mäerz 2014 war hien Administrateur-délégué vun den Éditions Lëtzebuerger Journal.[5]

Den 28. Mäerz 2014 gouf hien, an der Regierung Bettel-Schneider, zum Staatssekretär am Erzéiungsministère ernannt, zoustänneg fir Héichschoul a Recherche, an de 27. Mäerz 2015 zousätzlech zum Staatssekretär am Wunnengsbauministère. Den 18. Dezember 2015 gouf hien zum Minister fir de Logement an delegéierte Minister fir Héichschoul a Recherche noméiert.

De 5. Dezember 2018 gouf hien als Minister fir d'Fonction publique an d'Relatioune mam Parlament an delegéierte Minister fir Digitalisatioun a fir d'administrativer Reform an der Regierung Bettel-Schneider-Braz vereedegt.

De Marc Hansen ass zanter dem 28.November 2015 zweete Vizepresident vun der Demokratescher Partei.

PrivatesÄnneren

De Marc Hansen ass bestuet an huet zwee Kanner. Hien ass de Brudder vum Patrick Hansen, dem Grënner vu Luxaviation.

LiteraturÄnneren

  • Stefan Kunzmann: Der Mann für alle Fälle, Revue vum 20. Mee 2015 S. 16 - 21

Um SpaweckÄnneren

ReferenzenÄnneren