Apollo (Raumschëff)

North American Apollo CSM
Apollo CSM-112 an der Moundëmlafbunn
Beschreiwung
Gebrauch:	Äerd- a Moundëmlafbunn
Besatzung:	3: Kommandant, CSM Pilot, LM Pilot
Ofmiessungen
Héicht:	11,03 m
Duerchmiesser:	3,90 m
Volumen:	6,17 m³
Mass
CM:	5.809 kg
SM:	24.523 kg
Total:	30.332 kg
Undriff
CM Steierdüsen (N2O4/UDMH)	12 × 412 N
SM Steierdüsen (N2O4/UDMH)	16 × 441 N
Haaptundriff (N2O4/UDMH)	1 × 97,86 kN
Asazdaten
Missiounsdauer:	14 Deeg (200 Äerdëmkreesungen)
Apogeum:	386,242 km
Perigeum:	160 km
Delta v:	2804 m/s
Apollo CSM Diagramm
CSM mat Rettungstuerm (NASA)
North American Apollo CSM

D'Apollo-Raumschëff gouf am Kader vum Apollo-Programm vun North American Aviation entwéckelt. Et besteet aus zwou Komponenten: dem Kommandomodul (CM) an dem Servicemodul (SM). D'Kombinatioun (CSM) gouf eréischt kuerz virum erneiten Antrieden an d'Äerdatmosphär getrennt. Nëmmen de Kommandomodul mat den dräi Astronauten ass fir eng Waasserlandung am Mier ekipéiert.

Kommandomodul (CM)

De Kommandomodul huet eng Mass vu 5.900 kg bei enger Héicht vun 3,23 m an engem Duerchmiesser vun 3,91 m.

Viischten Deel

Am viischten Deel si Stabiliséierungsfallschiermer an déi dräi grouss Haaptfallschiermer ënnerbruecht. Déi ginn eréischt nom Antrëtt beim Retour an d'Äerdatmosphär an enger Héicht vun 2,5 km op. Zwéi Schiermer gi fir eng sécher Landung um Mier duer. Beim Apollo 15 hat ee vun deenen dräi Schiermer versot, ouni datt et zu Schied oder Verletzunge koum. Weider sinn am ieweschte Beräich zwou Steierdüse vum Lagekontrollsystem fir den erneiten Antrëtt an d'Atmosphär, d'Kopplungssystem an d'Luk fir d'Moundlandefär ugemaach. Hei sinn och d'Antennen an d'Signalluuchte fir d'Biergung am Mier méi liicht ze maachen, a Ballongen, déi sech opblosen, fir am Fall, bei deem d'Kapsel mat der Spëtzt no ënne géif schwammen, déi nees opzeriichten.

Schnëttbild vun der Apollo-CM

Mëttelsten Deel

Hei ass d'drockfest Kabinn fir d'Astronauten. Dora sinn d'Haaptinstrumententafele fir d'Kontroll an d'Steierung vum Raumschëff, d'Liewenserhalungssystemer an e puer Materialschief ënnerbruecht. Et gëtt fënnef kleng Fënsteren a säitlech d'Luk fir eran- an erauszeklammen. D'Liewenserhalungssystemer kontroléieren d'Kabinnenatmosphär an halen d'Temperatur bei 22 Grad. Wärend dem Fluch besteet si aus rengem Sauerstoff bei engem Drëttel vum Drock op der Äerd. Nëmmen an der Startphas gëtt, no de leedvollen Erkenntnesser aus der Katastroph mam Apollo 1, 40 % Stéckstoff bäigemëscht. U Bord si weiderhi Landkaarte vum Mound a vun der Äerd, Stärekaarte fir d'Navigatioun an Orbitkaarten fir all eenzel Missiounsphas.

Am CM war Plaz fir ungeféier 2 m³ pro Astronaut.

Heck

Um Heck vum CM sinn 10 weider Steierdüse vum Lagekontrollsystem fir den neien Antrëtt an d'Äerdatmosphär, den Dreifstoff dofir an och Helium- a Waassertanken ënnerbruecht.

Déi eenzel Apollo-Raumschëffer

Block I
Serienummer	gebraucht fir	Startdatum	Verbleiw
CSM-001	Testgerät		méiglecherweis verschrott
CSM-002	A-004	20. Januar 1966	Kommandokapsel ausgestallt an der Cradle of Aviation, Long Island, New York
CSM-004	statesch Tester, Hëtzetester		verschrottet
CSM-006			verschrott
CSM-007	verschidden Tester, ë. a. akustesch Vibratiounen a Faaltester		Kommandokapsel ausgestallt am Museum of Flight, Seattle, Washington
CSM-008	fir Hëtzt- a Vakuumtester		verschrott
CSM-009	AS-201 a Faaltester	26. Februar 1966	Kommandokapsel ausgestallt am Strategic Air & Space Museum, Ashland, Nebraska
CSM-010			Kommandokapsel ausgestallt am U.S. Space & Rocket Center, Huntsville, Alabama
CSM-011	AS-202	25. August 1966	Kommandokapsel ausgestallt am National Air & Space Museum, Washington D.C.
CSM-012	Apollo 1; Kommandokapsel duerch Feier zerstéiert		Kommandokapsel am Langley Research Center, Hampton, Virginia
CSM-014	Kommandokapsel demontéiert am Kader vun der Apollo-1-Ënnersichung. Service Module (SM-014) geflunn mat Apollo 6	4. Abrëll 1968
CSM-017	Apollo 4	9. November 1967	Kommandokapsel ausgestallt am Stennis Space Center, Bay St. Louis, Mississippi
CSM-020	CM-020 gouf zesumme mat SM-014 fir Apollo 6 gebraucht, nodeem SM-020 duerch eng Explosioun zerstéiert gouf	4. Abrëll 1968	Kommandokapsel ausgestallt am Fernbank Science Center, Atlanta
Block II
Serienummer	gebraucht fir	Startdatum	Verbleiw
CSM-098	fir Hëtzt- a Vakuumtester		Raumschëff ausgestallt am Academy of Science Museum, Moskau (evtl. steet do awer och nëmmen ee Modell)
CSM-099	Belaschtungstester		evtl. verschrott, vielläicht awer och zerluet am National Air & Space Museum, Washington D.C.
CSM-100	Belaschtungstester		evtl. am National Air & Space Museum, Washington D.C.
CSM-101	Apollo 7	11. Oktober 1968	Kommandokapsel ausgestallt am National Museum of Science & Technology, Ottawa, Kanada
CSM-102	Testinstrument am Kennedy Space Center		evtl. am National Air and Space Museum, Washington D.C.
CSM-103	Apollo 8	21. Dezember 1968	Kommandokapsel ausgestallt am Museum of Science and Industry zu Chicago
CSM-104 Gumdrop	Apollo 9	3. Mäerz 1969	Kommandokapsel ausgestallt am San Diego Aerospace Museum
CSM-105	Vibratiounstester an Demonstratioun fir Apollo-Sojus-Projet		Kommandokapsel ausgestallt am National Air and Space Museum, Washington D.C. als Apollo-Sojus-Projet
CSM-106 Charlie Brown	Apollo 10	18. Mee 1969	Kommandokapsel ausgestallt am Science Museum, London
CSM-107 Columbia	Apollo 11	16. Juli 1969	Kommandokapsel ausgestallt am National Air & Space Museum, Washington D.C.
CSM-108 Yankee Clipper	Apollo 12	14. November 1969	Kommandokapsel ausgestallt am Virginia Air & Space Center, Hampton, Virginia
CSM-109 Odyssey	Apollo 13	11. Abrëll 1970	Kommandokapsel ausgestallt am Kansas Cosmosphere and Space Center
CSM-110 Kitty Hawk	Apollo 14	31. Januar 1971	Kommandokapsel ausgestallt am United States Astronaut Hall of Fame, Titusville, Florida
CSM-111	Apollo-Sojus-Projet	15. Juli 1975	Kommandokapsel ausgestallt am Kennedy Space Center Visitor's Complex
CSM-112 Endeavour	Apollo 15	26. Juli 1971	Kommandokapsel ausgestallt am National Museum of the United States Air Force, Wright-Patterson Air Force Base, Dayton, Ohio
CSM-113 Casper	Apollo 16	16. Abrëll 1972	Kommandokapsel ausgestallt am U.S. Space & Rocket Center, Huntsville, Alabama
CSM-114 America	Apollo 17	7. Dezember 1972	Kommandokapsel ausgestallt am Lyndon B. Johnson Space Center, Houston, Texas
CSM-115	-		Net fäerdeg gestallt. Ausgestallt als Deel vun der Saturn V am Lyndon B. Johnson Space Center, Houston
CSM-115a	-		net fäerdeg gestallt
CSM-116	Skylab 2	25. Mee 1973	Kommandokapsel ausgestallt am National Museum of Naval Aviation, Pensacola, Florida
CSM-117	Skylab 3	28. Juli 1973	Kommandokapsel ausgestallt am Glenn Research Center, Cleveland, Ohio
CSM-118	Skylab 4	16. November 1973	Kommandokapsel ausgestallt am National Air & Space Museum, Washington D.C.
CSM-119	Bereet gehalen als Rettungsraumschëff fir de Skylab an als Reserve fir d'Apollo-Sojus-Projet		Ausgestallt am Kennedy Space Center

Um Spaweck

Commons: Apollo (Raumschëff) – Biller, Videoen oder Audiodateien