6. Arrondissement vu Paräis

De 6. Arrondissement ((fr) och nach Arrondissement du Luxembourg ) ass ee vun zwanzeg Stadbezierker vu Paräis. D'Originne vum Arrondissement ginn zeréck op déi éischt réimesch Siidlungen um lénksen Uwänner vun der Seine. D'Extensioun a Richtung Süden, vum Floss ewech, huet sech eréischt am 19. Joerhonnert entwéckelt.

6. Arrondissement vu Paräis

Quartieren	Monnaie, Odéon, Notre-Dame-des-Champs, Saint-Germain-des-Prés
Buergermeeschter	Jean-Pierre Lecoq
Awunner	40.209
Fläch	2,15 km²
Postcode	75006
INSEE-Code	75106
Koordinaten	48°51'1,91"N, 2°19'56,04"O

D'„Liewensoder“ vum 6. Arrondissement ass de Boulevard Saint-Germain, dee grad wéi de Quartier no der Kierch Saint-Germain-des-Prés genannt ass.

Saint-Germain-des-Prés

Saint-Germain-des-Prés ass de legendäre Quartier vun de Kënschtler a Literaten dee säin Héichpunkt an den 1920er Joren hat an am Mee 1968 am Bléckpunkt vun de gesellschaftspoliteschen Evenementer stoung. Hei fënnt een elo Caféen, Restauranten, Boutiquen, Librairien, Galerien, asw.

De 6. Arrondissement ass eng Aart Fortsetzung vum Quartier latin a gëllt als dat Wëssenschafts - a Kulturvéierel.

D'Kierch Saint-Germain-des-Prés ass déi eelst zu Paräis. Op Nummer 42 an der Rue Bonaparte hat sech de Philosoph Jean-Paul Sartre eng Wunneng kaaft. De Pablo Picasso huet vun 1937 bis 1947 an der Rue des Grands-Augustins gewunnt. Am Palais du Luxembourg, deen ëm 1620 fir d'Marie de Médicis, der Wittfra vum Henri IV., gebaut gouf, ass haut de Senat, déi iewescht Chamber vum franséische Parlament. De Jardin du Luxembourg ass och ënner Studenten e beléiften Treffpunkt.

Geographesch Lag

De 6. Arrondissement läit direkt um lénksen Uwänner vun der Seine. E grenzt am Osten un de 5., am Süden un de 14., an am Westen un de 15. an de 7. Arrondissement. Op der aner Säit vum Floss läit den 1. Arrondissement, mat der westlecher Spëtzt vun der Île de la Cité.

Quartieren

Wéi all Paräisser Arrondissement ass en a véier administrativ Quartieren ënnerdeelt:

• 21. Quartier de la Monnaie
• 22. Quartier de l'Odéon
• 23. Quartier Notre-Dame-des-Champs
• 24. Quartier Saint-Germain-des-Prés

Biller

• 
  De Panthéon
• 
  De Palais du Luxembourg
• 
  De Pont-Neuf mat der Conciergerie
• 
  Op der Place de l'Odéon
• 
  De Sprangbur um Marché-aux-Carmes

Kuckeswäertes

Kleng Auswiel:

• Académie française
• Café Procope
• Institut de France
• Jardin du Luxembourg
• Palais du Luxembourg
• Pont Neuf
• Quartier latin
• Abteikierch Saint-Germain-des-Prés
• Kierch Saint-Sulpice vu Paräis

Um Spaweck

Commons: 6. Arrondissement vu Paräis – Biller, Videoen oder Audiodateien