(87) Sylvia
Den (87) Sylvia ass en Asteroid, dee sech um baussenzege Beräich vun der Haaptasteroidenceinture beweegt.
.jpg) | |
| Eegenschafte vum Orbit | |
|---|---|
| Orbittyp |
Haaptceintureasteroid Cybele-Asteroiden |
| Bezuchspositioun | Equinoxe: J2000.0 |
| Grouss Hallefachs | 3,486 A.E. |
| Exzentrizitéit | 0,0815 |
| Sideresch Ëmlafzäit | 6 a 186 d |
| Mëttel Bunnvitess | 15,9 km/s |
| Inklinatioun | 266,0 Grad |
| Physikalesch Eegenschaften | |
| Duerchmiesser | 261 km |
| Mass | 1,48 × 1019kg |
| Mëttel Dicht | 1,2 g/cm3 |
| Rotatiounsperiod | 5 h 11 min |
| Albedo | 0,04 |
| Absolut Hellegkeet | 6,9M |
| Spektralklass | P |
| Entdeckung | |
| Entdecker | N. R. Pogson |
| Entdeckungsdatum | 16. Mee 1866 |
| Plaz | Observatoire vu Madras |
| Aner Bezeechnungen | A909 GA |
Hie gouf de 16. Mee 1866 vum Norman Robert Pogson um Observatoire vu Madras (Chennai) an Indien entdeckt.
Den Asteroid gouf no der Rhea Silvia genannt, der Mamm vum Romulus a Remus an der réimescher Mythologie.
De Sylvia beweegt sech tëscht 3,2 AE (Perihel) an 3,8 AE (Aphel) a ronn 6,5 Joer ëm d'Sonn. D'Bunnexzentrizitéit ass 0,08, d'Bunn steet zirka 11° schréi zu der Ekliptik.
Mat engem mëttleren Duerchmiesser vun 260 km ass et den aachtgréissten Objet vun der Haaptceinture. A ronn fënnef Stonnen an eelef Minutte rotéiert hien ëm seng eegen Achs. Seng Uewerfläch ass däischter a seng Albedo ass zirka véier Prozent.
Den 23. Februar 2001 gouf um Keck-Observatoire mat adaptiver Optik e Begleeder beim Asteroid Sylvia entdeckt. Duerch weider Observatioune mam Very Large Telescope am Joer 2004 konnt nach e weidere Begleeder fonnt ginn: de Sylvia ass sou den éischte bekannten Asteroid mat zwéin Mounden. Den éischten, Romulus, huet en Duerchmiesser vun 18 km an ëmkreest de Sylvia an 3,65 Deeg op enger Distanz vun 1.356 km. Den zweeten, Remus, ass nëmme 7 km grouss a beweegt sech an 33 Stonnen op der Distanz vu 710 km ëm den Asteroid. Béid Objete kreesen ëm den Asteroid op quasi kreesfërmegen (Exzentrizitéit = 0,001 respektiv 0,016) an op bal equatorialen (Bunnschréi ≈ 1°) Bunnen. Als passend Nimm fir déi béid Trabante goufen d'Nimm Romulus a Remus vun der Internationalen Astronomischen Union (IAU) festgeluecht.
